[ محمد ورشــآ ] روآية سعودية

مروركـ آلاروع آخوي

يسلمووو ع الحضور آلنآيس

وآن شآء الله بكمل آلقصة

دمت ع الود

الجزء الثاني
* * *
قدوم رشا
* * *

ماتدري وش شعورها.. فرحانه.. متضايقه...
سامي: وش فيك تراني مليت...
رشا: إذا تذكرت اني بقابل اميره وعمي ومرت عمي..
استانس.. بس إذا تذكرت اني بتركم.. اتضايق..
سامي: لا استانسي.. بتقابلين اميره.. آآآه نيالك..
رشا: حسبي الله على الظالم.. الي فرق بينكم
سامي: اقول.. بوقف عند المحطه .. كانك تبين دوره المياه<< وانتم بكرامه.. انزلي.. ياويلك تخيسين سيارتي..
ظربته رشا في كتفه.. وهم يضحكون..
وقف عند المحطه.. ونزل عند البقاله..
رن جوال رشا..
رشا: هلا والله..
اميره: هلابك.. كيف الحال؟!..
رشا: اممم تمام..
اميره: رويشه؟!
رشا تضحك: حللوه رويشه..
اميره: مبسوطه؟!
رشا: إذا تذكرت اني إذا جيت بقابلكم انبسط.. بس لما اتذكر اني بفارق جدي وجدتي وخالي سامي وخالاتي اتضايق..
ركب سامي السياره ومعه كيس مليانه بساكيت وجلكسيات ومشروبات غازيه وبطاطسات..
اميره: ماالومك.. بس انشالله نعوظك عنهم..
رشا: اكيد.. انا بروح لناس احبهم ومشتاقه لكم..
اميره: واطمنك.. الي بتروحين لهم يحبونك ومشتاقين لك..
رشا: اشتاقت لهم العافيه..
اميره: الله يعافيك.. اقول كم بقالك على ماتوصلين للشرقيه..
رشا: اممم مدري.. لحظه..
وتلتفت رشا على سامي.. الي مركز في سواقته..
رشا: خالي..كم بقالنا؟!
سامي: يمكن..200 كيلو..
رجعت تكلم اميره...
رشا: باقي 200 كيلو..
اميره: راح تمر علي 200 سنه..
رشا تضحك: حشا.. لونا بنروح لليابان مشي وصلنا...
اميره: هههه..ياشينك يارويشه.. مافيك رومنسيه..
رشا: مخلين الرومنسيه لك..
اميره: اقول رشا.. سامي الي بيجيبك؟!..
رشا وهي تناظر سامي: ايه..
اميره بأرتباك: انشالله توصلون بالسلامه..
رشا: الله يسلمك..
اميره: باي..
رشا: باي..
سكرت السماعه.. وفتحت الكيس تدور شي تاكله..
سامي: من هاذي الرومنسيه؟!
رشا: اميره..
ارتبك سامي من سمع اسمها..
رشا وهي تاكل سنكرس: تصدق اكثر شي مضايقني اني انا ومحمد بنسكن في بيت واحد..
سامي: يووه.. الله يعينك..
رشا: مدري ليه شايف نفسه؟!
لاجمال ولا اخلاق..
سامي بأستغراب: لاجمال؟!!!!!
... اقول رشا متى اخر مره شفتيه؟!...
رشا: مدري.. بس من زمان..
سامي: اهاه.. اجل اول ماتشوفينه دقي علي..
عم الهدوء في السياره
رشا: والله مااقدر على فراقكم..
سامي: انا بعد.. وش بيصبرني على هالشيبان؟!..
رشا: ودي اسكن معهم في عشه.. ولا قصر مع هالمغرور محمد..
سامي: صادقه..
رشا: خالي.. ليه ماتسكنون في الشرقيه؟!
سامي: اهلي تأقلمو مع الرياض..
رشا: طيب انا تأقلمت مع الرياض.. وبروح..
سامي: بس انتي بتروحين لعيال عمك الي تحبينهم..
رشا: وانتم بتروحون لوحده تحبونها.. ولا اشك؟!!..
سامي: لا لا تشكين.. نحبك.. بس خواتي..
رشا: اصلا خالاتي.. متوزعين خالتي ساره في الجنوب..
وخالتي منى في الحجاز .. وخالتي هدى في الرياض وجاها نقل للشرقيه..من بقى لكم في الرياض..
سامي: انا لو هو بكيفي ما رجعت.. بس الوالد والوالده تهمهم كرامتي.. مراح اروح للمكان الي فيه محمد..
رشا وهي حاطه يدها علي خصرها: والله الشرقيه مو بأسم محمد...
سامي: بشوف اهلي..
رشا: انشالله يوافقون.. انا احبكم.. واحبهم.. ابيكم.. وابيهم.. انتم اهلي.. وهم اهلي.. وبعدين خالتي بتجي للشرقيه.. يعني مالكم عذر..
سامي: انا بكلم ابوي بجهه.. وانتي بجهه.. وانشالله يوافق..
رشا: يارب..
ظلو يتكلمون مع بعض لين وصلو...
كان سامي يعرف مكان البيت..
وقف السياره...
نزلت وقفت قدام البيت بأعجاب..
رشا: واااو.. فلتهم جنان.. اميره ماقالت لي انهم سكنو هنا..
سامي: متعودين.. كل بين فتره وفتره ينقلون الين استقروا..
رشا: صدق خالي.. كيف عرفت بيتهم؟!..
سامي بأنكسار: نسيتي يوم اخطب اميره..هنا في هالبيت..
رشا: اممم.. خطبت في هالبيت؟!..
سامي : يالله يارشا طقي الباب..
راحت رشا تظغط على زر الجرس..
فتحت لها الخدامه..
دخلت رشا الصاله وشافت عمها وهيا واميره..
الكل التفت عليها...
رشا خانقتها العبرى: عمي... انا رشا..
وقفو كلهم..
صالح: رشا..... بنتي..
راحت بسرعه وضمته وجلسو يصيحون..
تركت عمها وراحت لهيا.. وضمتها..
وبسرعه لفت على اميره وضمتها وهي تصيح...
صالح: حيا الله بنتي..
رشا: الله يحييك عمي..
صالح: وش فيك واقفه؟ استريحي..
رشا: لا بروح عند الباب.. خالي سامي واقف..
اميره وقلبها يدق بسرعه: سامي هنا؟
رشا: ايه.. بينزل الشناط..
صالح: روحي دخليه المجلس.. وشناطك بتنزلها الخدامات..
رشا: انشالله..
طلعت رشا وشافت سامي جالس على الكبوت.. وينطرها تطلع.. وقف على طول..
رشا: خالي.. تعال..
سامي: وشناطك؟!
رشا: خلهم الخدم بيجيبونها..
سامي: وش علينا بدو الخدم والحشم يخدمون ست الحسن والجمال..
رشا: افا عليك.. بس انت تعال
دخل سامي..
رشا: تفضل في المجلس..
سامي: رووش .. تكفين كرهت المجلس عقب ماردني محمد..
رشا: بتحبه عقب ماتجلس معي.. تفضل..
لحظه.. تدري ماأدري وين المجلس..
ضحكو رشا وسامي..
سامي: ازعجتيني تفضل.. تفضل.. وانتي ماتدلينه.. انزين انا هالطريق عمري ماانساه.. تفضلي.. انا ادله..
رشا جلست تضحك ودخلت المجلس وجلست مع خالها
دخال عمها صالح..
صالح: حيالله سامي..
سامي: الله يحييك..
رشا: خالي.. دقت علي امي شيخه؟! تعلمها انا وصلنا..
سامي: ايه دقيت.. وتقول خل رشا تدق علي..
رشا: انشالله..
صالح: وشلونك مع الدوام.. سمعت انك ما مشيت فيه..
سامي: والله..هذا قضاء الله وقدره.. ولازم اصبر..
صالح: والنعم بالله.. بس ليه ماتداوم في الشركه وتمسك حلال رشا..ويجيك راتب..
سامي: انا اسكن في الرياض يابو محمد..
صالح: وش لكم بالرياض؟!
سامي: الوالد والوالده الله يهديهم متمسكين فيه..
صالح: على العموم براحتك..بس متى مارجعت ترى الشركه ترحب فيك..
سامي: يالله انا استأذن..
صالح: لا ياسامي.. تغدا عندنا..
سامي: لا يابو محمد.. انا متفق مع واحد من الربع راح اتغدى عنده وانام عنده علشان بكره ارجع للرياض..
دمعت عيون رشا..
سامي وهو يناظرها: الله يعيني الجيه كلها سواليف وضحك واستهبال
والرجعه شكلها بتكون دموع وشهاق وحزن..
دمعت عيون سامي وهو يشوف الدمعه تنزل من عيون رشا..
سامي: بس بفتك منك.. وبرتاح من الهواش وعوار الراس.. وبرجع وحيد البيت..
رشا: يعني كذا.. يالله انقلع..
ضحك سامي وطلع.. لحقته رشا..
لما وصل عند الباب .. والتفت عليها..
سامي: يالله يا رووش.. لاتقاطعين.. ترانا منتجات سعودي .. والله مو دنماركي..هههه
رشا تضحك: لا توصي حريص..
كانت تضحك ودموعها تطيح في نفس الوقت..ابتسم وهو يشوفها كذا..
ابتسم وفي عيونه الف دمعه..
سامي: انتبهي لنفسك.. وكملي جامعتك..
رشا: انشالله...... خالي؟!..
سامي: عيوون خالك..
رشا: كلم امي شيخه وابو سلمان تجون هنا..
سامي: اكيد..
ضمته رشا وهي منفجره..
بعدين حبت راسها..
سامي قرب من خدها وباسها
سامي خانقته العبرى: فمان الله..
رشا وهي تصيح: فمان الكريم..
طلع......
وجلست تصيح...
# # #
طلع .. ركب سيارته..
التفت على مكانها..شاف سنكرس الي كلت نصه باقي النص الثاني..
ابتسم .. والدمعه طبعت على خده..
شاف سياره وقفت عند الباب
ونزل منها فارس..
نزل سامي يسلم عليه..
وجلسو يسولفون..
# # #
دخلت الصاله بعد ما مسحت دموعها..
اميره: يالخاينه تاركتني ساعه وينك؟!
رشا: مع خالي.. اودعه..
اميره: طيب ارتاحي.. اكيد تعبانه..
جلست رشا..
وراحت اميره للمطبخ..
# # #
قام لدوره المياه.. وغسل وجهه..
حلق ذقنه.. وفرش اسنانه..
وجلس يناظر وجهه في المرايه..
وقطرات المويه على ملامحه الوسيمه...
كان وسيم..
ولونه القمحي زاده وسامه..
عيونه العسليه..
وخشمه تقول حدة سيف...
وشفاته<< براطمه.. المتوسطه الي تحيط بها سكسوكه خفيفه...
عطته شكل خيااااااالي..
كانت خصل من شعره الناعم الي تقطر مويه.. طايحه على عيونه..
رفع يده وشالها..
ابتسم ابتسامه كبيره يبدا بها يومه الجديد..
طلع من دوره المياه<< وانتم بكرامه..
لبس ثوبه..
وقف عند التسريحه علشان يتعطر..
بس جلس يناظر جسمه الي يتميز بطوله والي زاد طوله لعبه لكورة السله..
وعنده عضلات خفيفه ..
لبس شماغه بشكل معربج << كلعاده..وجلس يتعطر..
نزل بهدوء..
بس تفاجأ ببنت جالسه بالصاله ولوحدها...
ورجع لورى..
" من هاذي؟!.. من هالقمر الي جالس بالصاله؟!..
من هاذي؟!.. لا يمكن تكون من صديقات اميره... وحده جايه الظهر!!! من تكون؟!..
وانا وش الي حارق رزي ... والله بطقاق.."
محمد: احم احم..
بسرعه خذت عبايتها وتغطت..
مر محمد..
محمد وهو يمشي: السلام عليكم..
رشا: وعليكم السلام..
طلع..فتح الباب وشاف سامي جالس مع فارس ويسولفون في الشارع..
محمد في نفسه" وع.. هذا وش وقفه هنا؟!.."
ركب سيارته ومشى..
ولا كلف نفسه يسلم..

# # #

اميره: شفتي الي مر هذا محمد..
رشا: حسيت..
اميره : بسم الله .. حستي انه محمد..وشلون؟!
رشا: ايه عرفته من اسلوبه..
اميره: من الي تكلم عنه لك ؟!
رشا: خالي سامي..
اميره: اكيد قال انه مغرور...
رشا: لا ماقال.. هو قال الي صار بس..
سمعو صوت فارس..
فارس: احم احم..
تغطت رشا..
دخل فارس..
فارس: السلام عليكم..
رشا واميره: وعليكم السلام..
فارس: كيف الحال يارشا؟!
رشا: تمام الحمد لله..
فارس: الحمد لله على السلامه ..
رشا: الله يسلمك..
فارس مد يده لرشا.. كان فيها كيس كلها اشيا بقاله..
اميره: وش هذي؟..
فارس: سامي.. قال لي وصلها لرشا..
خذت الكيس وضحكت.. لان كل الكيسه قراطيس فاضيه..
قال انظف سيارتي.. وأورطها..
وكان فيها ورقه خذتها وقرتها..
وكان مكتوب....
{{{ معليش يارووش....
بس محد قالك توسخين سيارتي...
قلت انظفها وأبلشك مره وحده..عصفورين في حجر واحد..
هههههههااااااااي...
بالهنا والشفاء يادبدوبتي..
~~ خالك ~~
سامي [[ البريء]] }}}
ضحكت رشا مره ثانيه لانها مثل ماتوقعت
سامي مايجوز عن حركاته......
* * *
بتتأقلم رشا معهم؟!؟!
* * *

* * *
الجزء الثالث
* * *
راكب سيارته..
متوجه للمطعم..
" يالله.. من هذي الحلوه الي في الصاله..
من هالبنت الي.........
لحظه...
لحظه...
لايكون رشا...
ولا ليه واقف سامي عند الباب مع فارس...
الا اكيد رشا..
يووووووووووه..
تغيرت مررره...
احلوت بكثير..
ما تخيلتها كذا ابد....."
وقف السياره
ونزل في المطعم..
شاف خالد وراشد جالسين ينطرونه...
راح جلس عندهم...
محمد: السلام عليكم..
خالد وراشد: وعليكم السلام..
محمد: شخباركم شباب؟!..
خالد وراشد: الحمد لله تمام..
خالد: وش اخبارك انت؟!..
محمد: تمام..
راشد: مبروك.. سمعت ان مشكلتك مع اهلك انحلت..
محمد: عقب ايش.. عقب ماحطت راسي بالارض .. عقب ماأهانتني..
خالد: ما عاش من يهينك يابو حميد.. بس الحمدلله انها اعترفت
محمد: غصب عليها تعترف.. هي على بالها اهلي بيجبروني اني اخذها.. هه نست اني محمد ولد صالح ..
راشد: هونها وتهون يابو حميد..
محمد: اي هونها بعد انت.. انا محمد الي الواحد يرتجف لما يكلمه.. انا محمد ولد صاحب اكبر شركات الشرقيه.. انا محمد تسوي فيني كذا...... هالفقيره تسوي في محمد ولد صالح كذا...
خالد وراشد يناظرون بعض..
خالد: المسامح كريم يابو حميد..
محمد: والظلم عظيم ياخالد..
سنه من الظلم والذل.. وفي ساعه اعتذرو.. وخلاص ..كل شي انتهى؟!.. والحين يطالبون اني انسى !!!..اني اسامح!!!..
راشد: محمد.. البنت مراهقه.. ولحظه طيش..
محمد: قال ايش؟! لحظه طيش.. هذي سمعه..هذا ظلم.. هذي فعايل وحده بكامل عقلها..
راشد: بكامل عقلها وتسوي كذا؟!!!؟!!!
محمد: اجل مراهقه وتفكر هالتفكير؟!..
خالد: هي هي.. خبرك عتيق يا محمد.. المراهقات الحين خططهم جهنميه.. مثل الي سوته غاليه واكثر...
سكت محمد...
راشد: مو انت تحب الصراحه يامحمد؟!..
محمد: ايه احبها..
راشد: صحيح انك مغرور.. بس قلبك ابيض...
محمد: مغرور؟!...
خالد: ايه مغرور...
راشد: بس قلبك ابيض.. ومراح تحسس البنت بذنب طول عمرها...
محمد: ليه هي ماظلمتني سنه كامله؟!...
خالد: اووف.. تراني مليت من هالسالفه..
محمد: صح كلامك ياخالد.. اقول شباب غداكم اليوم علي..
خالد: يالله وش بتطلبون...

# # #
التمو العم صالح وزوجته وبنته ورشا...
على طاوله الطعام...
صالح: فارس وينه؟!..
اميره: طلع يتغدى..
صالح: ومحمد؟!
اميره: حتى محمد.
رشا: عمي.. إذا جى العشاء.. بتعشى بداري..
صالح: ليه ؟!..
رشا: بس.. ماابي اضايق محمد وفارس..
صالح ابتسم : لايارشا..مراح تضايقين احد...
رشا: عمي.. تكفى.. طلبتك لا تردني..
صالح: والله ماادري وش اقولك يارشا..
رشا: قول تم..
صالح: تم..كم رشا عندنا...
رشا: مشكور يااحلا عم في الكون كله..
اميره: اجل .. انا بتعشى معك..تعرفين الطاوله بعدك ماتسوى..
التفتو عليها ابوها وامها..
اميره: طبعا.. بعدكم ثم بعدها.. ماتسوى..
ضحكو عليها كل الي حول الطاوله...

# # #

طقت الباب عليها...
رشا: ادخلي يا اميره...
دخلت اميره شافت رشا تطلع ملابسها من الشنط...
اميره: رويشه؟!...وش قاعده تسوين؟!..
رشا: مثل ماانتي شايفه.. ارتب هدومي..
اميره: رشا بنت فهد صاحب اكبر الشركات في الشرقيه هي بنفسها ترتب هدومها!!!!!...
رشا: وش فيها؟!..عادي...
اميره: عادي؟؟؟؟.. وين الخدم والحشم؟؟؟!!!...هذا وانتي تملكين دبل الي يملكه ابوي...
رشا: الفضل يرجع لخالي سامي بعد الله....
ابتسمت اميره..
رشا: آآآه... صحيح ان البيت على قد الحال بس قلوبنا على بعض... ماحسيت في يوم اني مضايقه احد.. خالاتي إذا ماقدرو يجون يدقون.. خالتي هدى ماتفارقنا.. زوج خالتي هدى.. كبر امي الله يرحمها..وامه تكون خالت امي.. يعني هدى ماخذه ولد خالتها... اسمه جاسم... ام جاسم راضعه امي.. يعني زوج خالتي يصير خالي من الرضاعه.. تشوفينهم دايم عندنا.. وخالي جاسم وخالي سامي.. إذا اجتمعو امسكي بطنك من الضحك.. سامي خالي الوحيد..يجنن مو بس شكله.. كله على بعضه .. صحيح انه يحب ينرفزني..ويضايقني.. بس حبوب..بسرعه يرجع يراضيني.. بس على طول يرجع ينرفزني...خالي مايتوب.. الهواش معي يمشي بعروقه... وامي شيخه دايم تفزع معي...بس حتى امي شيخه ما سلمت منه.. تدرين مره امي شيخه جلست تركض وراه.. لانه كان جالس ينرفزني انا وخالتي هدى..وكانت امي شيخه تهدده ان ماعقل بتذبحه... بس هو زاد وراح يدغدغ امي شيخه...عصبت عليه وجلست تركض وراه... امي شيخه مره طيبه بس مره عصبيه... وعلى نياتها..
مثل مره
خالي سامي جالس يقول لها انه هو صديق صدام .. امي شيخه صدقت وجلست تهاوشه انه يتركه.. وهو يقولها انه اذا تركه راح يفجر بيتنا وامي شيخه خافت وجلست تصيح.. بس انا خربت عليه وعلمتها انه يلعب عليها.. وجلست تضربه وهو ميت من الضحك.. الين جى ابوي سلمان وانقذه.. محد يدافع عن خالي سامي الا ابوي سلمان...
طيب و حبوب و يجنن..
اميره: انتي متضايقه هنا؟!
رشا: لا بلعكس اتضايق وانا عندي عم يعاملني مثل بنته؟!..
اتضايق وانا عندي اخت ماولدتها امي؟!..
انا لو عندي اخت مراح احبها كثرك.. حسيت هنا اني مع عائلتي..
ابوي صالح.. وامي هيا.. واختي اميره..
بس انا اقول هالكلام لاني مشتاقه لهم..
اميره: يحق لك.. صحيح ابوي حبوب وامي طيبه وفارس فضيع.. بس محمد.. محمد مغرور.. كل ما انبسطت هدم حلمي..
واكبر حلم هدمه..
الشخص الي احبه.. رده...
رشا: قصدك خالي..سامي؟!
اميره وهي تهز راسها: ايه.. سامي..
رشا: هو رده علشانه فقير؟؟!!
اميره: ايه..
رشا: هو مو فقير مره.. بالنسبه للناس.. حالتهم الماديه متوسط...
اميره: بالنسبه للناس.. بس بالنسبه لمحمد.. فقراء..
رشا: الغني غني النفس
مو غني فلوس..
اميره: هذي الكلمه هي سبب خلاف سامي ومحمد...
رشا: طيب هو وش دخله يرده؟! الكلمه لك ولعمي..
اميره: المشكله ان سامي طلب يدي من محمد..
رشا: اسمحيلي يا اميره.. بس محمد اخوك مو بس مغرور.. الا اناني بعد..
اميره: هه.. واكثر من كذا.. بس تراه طيب..
رشا: يمكن ليه لا..
رن جوال رشا..
جلست تناظر الساعه كانت 6 المغرب..
رشا: الو..
سامي: اهلييين..
رشا : هلا خالو..
سامي: تراني وصلت...
رشا: ايش؟؟؟!!!!.... وين الي بروح لخويي؟!
سامي: العب على عمك.. اعرفه بيجلس يحن تغدى وانا ماابي اشوف محمد...
رشا: ياعمري ياخالي...تعبتك؟!..
سامي: لا.. تعبك راحه..
رشا: الحمد لله على سلامتك..
سامي: الله يسلمك.. يالله ماابي اطول عليك... باي..
رشا: باي..

# # #

محمد: احم احم..
هيا: ادخل يايمه مافيه احد..
محمد: انبح حلقي وانا اتنحنح..
فارس: الي يسمعك بيقول مسكين.. تنطط في وجهك..
محمد: اشوف الوضع عجبك.. لايكون دخلت في راسك.. ههههههه..
فارس انقهر منه
فارس: اكيد الوضع عجبني..لاني اعتبر اختي الصغيره جت..
رفع محمد حواجبه: اختك الصغيره؟!!...
فارس: ايه اختي .. لا اكثر.. ولا اقل..
صالح: انت وش تقصد يامحمد؟!..

محمد: ولا شي..
قام محمد وطلع لغرفته..
وشغل الاستريو..
وطول عليه ..
على اخر شي..
يعني تحت يسمعون..
بس من الي يتجرأ ويقوله قصر..
وكانت اغنيه اجنبيه..
يغني معه بصوت عاااالي..
وهو على النت..
~.~.~.
طلعت اميره من غرفه رشا..
وسمعت صوت الاغاني الاجنبيه الي كلها صراخ وصوت محمد وهو يغني معه بصوت عالي..
طقت الباب..وماسمع
مره ثانيه.. وماسمع..
فتحت الباب..
التفت عليها معصب..
محمد: هيه انتي.. ماتعرفين تطقين الباب؟!!!...
من الازعاج.. ماسمعت..
اميره صرخت: وشو؟!!!!
قام محمد وقصر على الاستريو..
محمد: اقول ماتعرفين تطقين الباب؟!!
اميره: طقيت.. بس انت ماسمعت.. الا وش عندك اليوم طربان؟!..
محمد: مشتهي... اخلصي وش تبين؟!!..
اميره: ودي انك تقصر شوي من صوتك ومن المسجل...
محمد رافع حواجبه: اقصر؟!!! ليه يا عيوني؟!!!
اميره: محمد.. انت تدري ان رشا مانامت من يوم جت؟!
محمد بأستهزاء: يووووه.. مانامت؟!..
اميره: ابد.. كانت مشتاقه لنا..وجلست تسولف معنا.. الين انهد حيلها.. وتبي تنام..
وكيف تنام وصوتك وصوت هالاغاني يرج البيت؟!..
محمد بنفس الحاله: يووه..حرام.. تصدقين؟! ضيقتي صدري.. خلاص علشان ترتاح في نومها بطلع من البيت..
اميره: محمد.. عن الطنازه..
محمد: انا الي عن الطناره؟! ولا انتي؟!
من جدك انتي تبيني اطفي الاستريو علشان رشا تنام؟!..
ههههههههااااااااي...
والله مسخره...
اميروووه؟؟..
إذا كانت هي الي موصيتك قولي لها..
هذا وضعنا في البيت..
عجبك؟! حلو...
ماعجبك؟! احلا من الحلو خلها تروح لسامي..
اميره بعصبيه: هيه انت حدك.. لا تغلط..
محمد بأستهزاء: يمه.. خرعتيني.. ياربيه اميره بتضربني..
ياويلي ياويلي.....
تهددين؟!..
وش بتسويين يعني؟!...
بتحرميني من المصروف؟!..
ولا مراح تعطيني شوكلاته؟!..
اخاف بتضربيني؟!..
ههههه شوفو من الي يهدد..
روحي بس..........
وسكر الباب في وجهها..
ورجع يطول على الاستريو..
وجلس يغني بصوت اعلى..
اما اميره انقهرت منه ونزلت تعلم امها..
~.~.~.
رشا ما قدرت تنام من هالازعاج...
جلست .. وتذكرت ان خالها سامي قال لها تدق على جدتها..
رفعت جوالها..
ودقت على بيت جدتها..
شيخه: الو
رشا: هلا يمه..
شيخه ببرود: هلا.. هلا ببنتي..
رشا: وشلونك يايمه؟!..
شيخه بحماس: من.... رووش؟!!!
رشا: ايه يمه..
شيخه: يالله حيا..
رشا: الله يحيك... شلونك يمه؟!
شيخه: طيبه.. دامك طيبه.. انتي وشلونك؟!.. وشلون عمك؟!..شلون هيا؟!.. شلون اميره؟!.. هاه زينين معك؟!..
مبسوطه يمه؟!.. الجو زين ولا رطب؟!..هالشيفه محمد ضايقك؟!.. اكلت شي يمه؟!..
اشتقتي لنا؟!..
رووش تكلمي وش فيك ساكته؟!.. لايكون تعبانه؟!..
رشا تضحك: وشلون تبيني اتكلم؟!.. شوي شوي علي..
شيخه: عن الهذره الزايده وجاوبي على الاسئله
السؤال الاول... وشلونك؟!..
~.~.~
اميره: يمه عاجبك اسلوب محمد؟!..
هيا: وش اسوي يمه؟! هذا اخوك تعرفينه انتي
اميره: لازم توقفونه عند حده..
هيا: خلاص بكلمه..
اميره : ولا بعد وهو يهاوشني يعلي صوته علشان تسمعه رشا..
هيا: وسمعته؟!!!!!
اميره: مدري.. معاد دخلت عليها..خايفه انها سمعته.. بعدين يطيح وجهي.. وانا اعرف رشا.. حساسه.. كله من ولدك..
تكفين يمه..كلميه..
هيا: خلاص بكلمه..يالله قومي دقي على ابوك شوفيه بيتعشاء هنا ولا في الاستراحه..
اميره: انشالله

الجزء الرابع
* * *
وفي الطريق للسوق
* * *



سامي : هاه يمه وش قلتي؟!
شيخه: يالله بس فارق.. تبيني اطلع من هالديره.. وام عادل وين بلاقي وحده زيها..

سامي : شوفي يمه..انا اذا نقلنا لاتقاطعينها.. دوم كلميها..وأذا بغيتي تزورينها من عيوني..
شيخه: على قولة المصاريا.. اسمع كلامك اسداء.. اشوف امورك استعجب..
جلس سامي يضحك..

سامي يضحك : والله حركات يمه..
سامي : بس انتي قولي لي متى قلتي لي شي و رديتك؟!
شيخه: الحين بيت ام عادل.. حذفة حصاة .. واذا قلت ودني..
جلست تدور أعذار واسباب..
اجل إذا نقلنا للشرقيه وش بتسوي..

سامي : ايه لأنك تجيني في وقت مو مناسب.. بعدين مافيه بيننا وبين بيتهم الا جدار... مايسوى اشغل سيارتي علشان اوصللك لبيتها.. قريب مره..
شيخه: ________.

سامي : بعدين هدى وجاسم بينقلون للشرقيه ..
صح؟!..
امه كانت سرحانه..

سامي : وإذا راحت وش بيجلسنا هنا .. إذا رشا وهدى وجاسم هناك...هاه يمه وش قلتي؟!..
امه ساكته او بصحيح العبارة سرحانه..

سامي في نفسه " شكلها اقتنعت... شكلها وافقت.. الحمد لله لك يارب...
انا شايف بيت للبيع وشكله مقبول... بدق على سعيد يشوف بكم... خلاص إذا سكتت امي معناها موافقه.. وإذا وافقت امي معناها بيوافق ابوي.. وبدامهم وافقوا.. خلاص اظمن النقل"

سامي : اقول يمه انا شايف بيت مقبول في الشرقيه بدق على سعيد يشوفه لنا...
شيخه: _________

سامي : يمه وش فيك ساكته؟!..
شيخه : تدري.. لو ابدل كنب الصاله بكنب مجلس الرجال.. بيكون احسن..

سامي : وليه بتبدلينه وانا بننقل؟!..
التفتت عليه..
شيخه: ننقل؟!.. وين نروح؟!..

سامي : الشرقيه..
شيخه: يالله بس..

سامي : طيب ليه طول ما انا اكلمك انتي ساكته؟!
شيخه: منيب يمك.. افكر في هالكنب...
رجعت شيخه في سرحانها...

وسامي مد بوزه شبرين...

# # #
اميره جالسه تقوم رشا..
قامت رشا وجلست..
اميره: يالله يارويشه.. غسلي وجهك فيما ادق على تحت يجيبون لك فطور..
رشا: مو ظروري..
اميره: موب على كيفك.. لازم تفطرين..
تنهدت رشا: انشالله..
قامت ودخلت دوره المياة<< وانتم بكرامه..
رفعت اميره السماعه..
تطلب منهم الفطور..
جابو كروسان وعصير..
طلعت رشا شعرها مبلول..
رشا: اميره .. عندك مجفف؟!..

اميره: ايه.. شوفيه في غرفتي..
طلعت رشا لغرفة اميره...
~.~.~.
طلع محمد من غرفته..
في نفس الوقت..
طلعت رشا من غرفة اميره..

التفتو على بعض..

كل واحد انبهر بجمال الثاني..

كان شكلها يجنن والشعر المبلول طايح على وجهها الي دايم يبهر الناس لانها تحمل برأة طفل على ملامح انثى... تمييز بالنعومه ..
والي يزيدها حلاوه خدودها
الي كانت ماتحتاج لاعمليات تجميل ولاشي جمال رباني
ولونها البرونزي زادها جمال وعيونها السود ورموشها الكثيفه وحواجبها الي مرسومه خلقه هذي لوحدها تذبح..

كان محمد واقف لانه عمره ماشاف وحده بالجمال هذا..
وهي نفس الشي كانت منهبله

كثير تقول هذا الولد وسيم
وتقول حلو وتقول يجنن وتقول احلا ماشافت عيني بس مثل هذا ماقد شافت

كان شكله بالثوب الضيق من جهة صدره بسبب العضلات البسيطه ومع الشماغ المعربج كووم

وخشمه وعيونه العسليه والسكسوكه وشفايفه وسماره كوم ثاني

ماتدري من الي واقف قدامها هل هو فعلا محمد ولا ملاك على صوره بشر..
صحيح انه امس مر عندها بس كان مسرع وعلى جنب ماأمداها تشوف شي..


انتبهو على نفسهم..
وهي بسرعه رجعت لغرفه اميره
وهو بسرعه صد ونزل..
جلس يفطر مع اهله..
بس نقدر نقول مو معهم..
"يــــــالــــــلــــــه..
يعني فعلا الغزال الي امس جالس في الصاله هي رشا؟!..
يوووه..
تغيرت..
وين الفستان الاصفر؟!..
وين القرنين الي كنا نشدها انا وفارس؟!..
وين البنت الدلوعه الي ماتطلع من بيتنا الا وهي تصيح بسبتي؟!..
معقوله تنقلب رشا الدبدوبه ام فستان اصفر الي ماكانت تفسخه.. ام قرنين..المغروره لانها من يومها صغيره وهي حلوه وتجذب عيون الناس لها..
الى الغزال الي تو شفتها!!!!!!!!!!!!!!!!!!!!!
اول ما اسميها الا الليمونه لانها تلبس فستان اصفر كانت تموت فيه.. وماتفسخه..
وكانت قصيره ودبدوبه...مليانه..
وكانت فعلا ليمونه..
لما كانت هي في رابع ابتدائي وانا اولى متوسط
وكنت اضربها الين تصيح بعدين اوديها للبقاله لاني كنت احب صياحها...
وش قلب ذيك الدبى... لهرشاقه!!!!!!!!!
وش قلب السيده ملعقه<< لانها قصيره...لهالطول!!!!!!!!!!!!
وش قلب ذيك القرون.. لشعر زينب العسكري!!!!!!!!!!!!
كانت كأنها مصريه..
والحين كأنها هنديه على سوريه على لبنانيه...
لا لا لا الا سعوديه...
لحظه...
لحظه...
الحين ليه انا افكر فيها؟!..
ومن هي رشا الي تاخذ تفكيري؟!..
صحيح انها حلوه.. وبنت عمي..وغنيه.. بس اسم ان خالها سامي الوسخ.. هذا شي يخليها مستحيل تاخذ مكانه في قلبي ولا عقلي..
آآآآآآآآآآآآآآآه...
بس حلوه..
حــــــلــــــوه..."
صالح: محمد.. انا اكلمك..
محمد: هاه.. معليش يبه.. سرحت.. وش كنت تقول؟!..
صالح: اقول انت لاتداوم اليوم..
ابتسم محمد: انشالله..بس ليه؟!..
صالح: بس .. المدارس على الابواب..وابيك تودي اميره ورشا لسوق الراشد.. يبون يشترون لهم ملابس..
تعرف يبون يشترون ملابس للجامعه...
محمد طير عيونه: ايش؟!!!!!! اوديهم!!!!!!!! ليه وين السواق؟!..
صالح: انت تعرف... انا مااحب بناتي يركبون مع سواق بدون محرم..
محمد: اجل وش وظيفته؟!.. لايكون ياكل ويشرب وينام وياخذ راتب ... بس!!!!!!!!
صالح: السواق شغلته مقاضي البيت وطلاباتهم...
بس طلعاتهم..الله يخلي اخوانها لها..
محمد: لا يكون انا سواقهم؟!..
صالح: لا..بس من لهم غيرك؟!.. انا اليوم عندي ضغط في الدوام ولا كان وديتهم..
محمد: وفارس؟!!!!
صالح: حتى فارس عنده اشغال..اشغال كثيره..
محمد التفت على فارس
محمد: فارس.. وش رايك انت توديهم وانا باخذ اشغالك؟!
فارس: اوكيه.. بس ترى اشغالي عند حمد ولد ابراهيم..
محمد تذكر انا حمد كان جالس في الاستراحه لما فشله سامي.. وهو من ذاك اليوم مايحط عينه بعين حمد من الفشيله....
محمد: خلاص...بوديهم..الله يعيني..
طلع فوق وطق على غرفه اميره وماردت..
راح وطق على غرفة رشا...
رشا: منو؟!!!!!!!
محمد: اميره....انتي جالسه هنا؟!..
رشا وهي تكش على الباب...
رشا: لا مو جالسه هنا...
محمد بدون نفس: طيب وينها؟!..
رشا: وش دراني..
محمد: وشلون يعني وش دراني؟!..
رشا: حلوه ذي!!!.. وش الي وشلون؟!!...
محمد: مو هي كانت معك؟!..
رشا: كانت...
محمد: وين راحت؟!..
رشا: مدري.. كانت معي بس طلعت...
طلعت اميره من غرفتها..وشافت محمد مرتفع ضغطه قدام غرفة رشا..
اميره: محمد.. وش فيك؟!.. وش وقفك هنا؟!
محمد معصب: وين كنتي؟!!!!!!!!!!!!!!!......
اميره: وين كنت!!! اتروش..بعد وين بكون؟!...
محمد: متى تبون السوق؟!..
اميره: الحين.... إذا بغيت...
محمد: طيب بسرعه اخلصي... ربع ساعه..ربع ساعه..ان ماركبتي انتي وياها...والله بروح....سامعه؟!!!!!!...
هزت اميره راسها...بخوف..
محمد بصوت عالي ..كان يبي رشا تسمع: سامعه؟!..
اميره : ايه سامعه.. والله سامعه..

# # #
ينزل من الدور الثاني للصاله..
لقى امه وابوه فارشين سماط
ويفطرون...
فول.. بيض..تونه..كبده.. جبن.. فاصوليا..
سامي وهو ينزل: الله على هالفطور.. الي لو يذوقونه البوفيات سكرو....بتقطعين رزقهم ياميمتي...
شيخه: ايه.. احسن... علشان تاكلون من البيت.....
وصل لراس امه وحبه.....
سامي: صبحك الله بالخير يايمه..
شيخه: هلا.. صبحك الله بالنور والسرور..
دنق على راس ابوه وحبه..
سامي: صبحك الله بالخير يابوي..
سلمان وهو يناظر التلفزيون: صباح النور..
سامي: يبه.. وش فيك؟!.. وجهك مو عاجبني...
سلمان: شوف.. شوف.. كلها حمر..
سامي: وشي؟!
سلمان: الاسهم... الاسهم الله يلعن............
سامي: كم مره قلت لك يابوي .. حط فلوسك وانساها..
سلمان: اقول وانا ابوك.. قم رح دور لك وظيفه عقب ما قدمت استقالتك امس..
سامي: بقوم.. اجل ليه لابس ثوبي وشماغي وأوراقي ماتنزل من يدي...
تدرين يمه.. صالح ابومحمد.. عرض على اداوم في شركته..وامسك حلال بنت اختي رووش.. ورواتبهم زينه...
وش قلتي يام سامي..
شيخه: وش تبيني اقول؟!..
سامي: ابيك تقولين بننقل للشرقيه..
شيخه: اقول سامي.. ترى الشركات فتحت روح روح الله يصلحك..
سامي: يعني؟!!!
شيخه: يعني روح الله يسهل دربك...
سامي: يعني؟!!!
شيخه بصوت عالي: يعني لا..مافيه..لا جعل الطاعون يشق بطنك..
سلمان : افا..الحين وش جاك
عليه؟!.
سامي : يرضيك يابوي..والله العيشه في الرياض بعد رووش ماتنطاق..حاس نفسي متضايق بموت..والله كانت ماليه علينا البيت بضحكها وسوالفها وصوتها النشاز..تدري يابوي..ياسندي..ان عمها عارض علي امسك حلالها..وبيجيني راتب..ترضى يابوي احد غريب يمسك حلال حفيدتك.
سلمان : لاوالله ماارضى..
سامي : وانا بعد ماارضى..بس تدرون إذا مانقلتو راح انقل لحالي.
شيخه تطق صدرها : تروح وتخلينا؟!!!!...
سامي : تبوني!..تعالو معي.
سلمان : خلاص..بس اصبر انشالله بعرض البيت للعقار وبأبيعه وباخذ قرض وبنشتري هناك..
سامي مبسوط: والله يابوي..<< قام وحب راسه... الله يخليك لي ياااارب.. شف انا شايف بيت مقبول.. بكلم سعيد يشوفه لنا.. هاه وش قلت؟!..
سلمان: خلاص..
سامي رجع يحب راس ابوه: مشكووووورررر.. مشكور يابوي ياسندي ياجد عيالي.. انت عاد اقنع حلوة اللبن..
شيخه: خلاص.. وش اقول بعد.. خططتوا.. وفكرتو..
جى سامي وحب راس امه..
شيخه: تحب الكعبه انشالله.. اقول يمه الوظيفه مظمونه؟!..
سامي: مظمونه؟! الا مظمونه 100 %...
شيخه: راتبها... زوين؟!..
سامي: مو زوين.. الا زين..
شيخه: اجل كمل نص دينك.. واعرس..
سامي حس وكأن امه طعنته في قلبه طعنه عورته....
عمره ماتخيل انه بياخذ غير اميره...
نزل سامي راسه وعيونه مليانه دموع...
شيخه: وش رايك ببنت ام عادل.. دلال.. بنت زي القمر..
ولا لا بنت خالتك.. سميره.. تقول للقمر قوم وتجلس مكانه..
ولاعاد نوره.. نوره بنت ام سيف..يازينها زيناه.. جسم واخلاق ونعومه..
سامي وهو يتنهد: اي دلال واي سميره واي نوره...
انا مابي غيرها..
شيخه: لاتقول اميره
سامي وعيونه مدمعه: احبها يايمه.... احبها..
شيخه: طيب محمد ردك..وش تبيني اسوي؟!..
نزل سامي راسه متضايق..
طول عمره يبتسم ويضحك ويسولف ..بس محد حاس بالمعاناة الي داخله غير وحده..لانها مثل حالته وهي اميره..
شيخه: سامي.. لاتعور قلبي.. اميره مو من نصيبك..
سامي: لا من نصيبي.. وانا مابي غير اميره.. واذا ماخذتها.. احسبي حسابي.. برافقكم طول عمركم مراح اتزوج...
قالها وابتسم
سامي مبتسم: نشبه.. صح؟!!
شيخه: الابتسامه هذي مو من قلبك...
سلمان: شيخه..لاتزيدين المواجع عليه..
سامي: ايه يمه الي فيني مكفيني..
شيخه: يعني وشلون؟! محمد اعدم ولدي
سامي: لا انشالله يمه.. مو هذي نهايتي..
شيخه: وش ناوي عليه انشالله؟!
سامي: مانويت على شي.. بس الله ماينسى عباده..
شيخه: والنعم بالله..
سامي وهو واقف: يالله انا استأذن...

طلع من البيت وركب سيارته وهو حاس بضيقه في صدره...
سامي: وينك يارشا؟!... من اتكلم معه الحين؟!...
آآآه..
انا محتاج لحد اتكلم وياه.. بس منو؟!...
منو؟!...
ضغط على البنزين وراح...

# # #
نزلو لابسين عباياتهم..
ركبت اميره جنبه.. ورشا ركبت وراه..
محمد: لاه ..بدري..
اميره: ماتأخرنا.. ناظر الساعه اصلا جينا قبل الموعد..
ركز محمد على المرايا على رشا الي جالسه وراه..
محمد حب ينرفزها لان هذي هوايته انه ينرفز رشا الي على طول تصدق
وهو من النوع الي اذا شاف البنت على اعصابها ارتاح نفسيا
محمد: وععع... ريحه خياس..
خذ عطر وعطر عند المكيف علشان تنتشر الريحه..
كل وحد شكت في نفسها..
رغم انهم جلسو يشمون بس نصاب... حبت اميره تردها له..
اميره: ايه صادق.. بس تراها من ريحه رجولك.. اووف.. ليه أذا ركبت السياره تفسخ جزمتك؟!..<< وانتم بكرامه
انبسطو ذا الثنتين من ردها..
محمد انقهر ولاول مره بنت ترد عليه...
بس كان فيه شعور غرييب يدغدغ مشاعره من ركبو السياره
فرح على خجل على اشياء غريبه...
رن جوال رشا..
رشا: الو.. اهلين خالي..
محمد اول ماسمعها تقول خالي .. شغل المسجل.. وطول عليه.. وجلس يغني بصوت عالي..
<< مريض
اما اميره كانت تقصر علشان رشا تسمع..
ومحمد يرجع يطول..
سامي: رووش.. وش هالازعاج عندك؟!..
رشا: ايش؟!!
سامي: وش هالازعاج؟!!
رشا: انا الحين في السوق.. اول مااوصل للبيت راح ادق عليك..
سامي: خلاص.. بس بسرعه لاني محتاجك..
رشا: ايش؟!!؟!! مااسمع...
سامي: محتاجك.. محتاجك..
رشا: بسم الله عليك خالي.. وش فيك؟!!؟!!
سامي: ولا شي.. المهم دقي علي..
رشا: انشالله..باي..
سامي: باي..
سكرت السماعه وهي منقهره من اسلوب محمد...
وصلو للسوق.. ودخلو..
محمد: شوفي انا بجلس بالكوفي.. متى ماخلصتو دقي علي...
اميره: طيب..
راح وجلس..
رشا: كان يقصدني لما تكلم على الريحه؟!!..
اميره: هو هوايته ينرفز البنات .. انا بالنسبه لي عارفته ومو اول مره يسويها فيني..
وانتي علطول شكيتي في نفسك؟!!..
رشا: ايه والله.. حسبي الله على عدوه.. طول وقتي جالسه اشمشم روحي... رغم اني توني متروشه.. يعني ريحتي نظافه.. وكنت ناويه اتعطر.. بس توني ماسكه العطر سمعت صوت عند الباب وكان محمد.. خفت اتعطر ويعاقبني ربي..
مشو شوي..
اميره: الا صدق.. سامي وش فيه؟!..
رشا: مدري.. بس يقول لي محتاجك..
اميره مرتاعه: محتاجك؟! ليه سامي فيه شي؟!..
رشا: شوي شوي لايوقف قلبك...
اميره: رويشه.. قولي لايوقف قلبي صدق..
رشا: لا مافيه شي.. بدق عليه اذا وصلنا البيت..
اميره: يابرد اعصابك يارشا...
رشا: خالي واعرفه..
يا انه بيخوفني.. او سالفه بسيطه..
اميره: انشالله يكون كذا..
اقول رويشه شوفي هالبلوزه.. وشرايك فيها؟

!...
* * *
الجزء الخامس
وفي السوق
* * *
" انا ليه افكر فيها؟!.. ليه ماخذه كل تفكيري؟!..
معقوله!!!.....
معقوله انا احبها!!!!!....
معقوله!!!!!....
ايام بسيطه وخذت تفكيري!!!!!....
ليه طيب؟؟؟؟!!!!!....
ليه هي من بذة البنات كلهم ؟؟؟؟!!!!!....؟؟؟؟!!!!!....
مرو علي كثيييييييير..
وبنات حلوات كثييييييييير..
بس ولا وحده خلتني افكر فيها كثير هالرشا...
بس اكيد هي كارهتني....
اكيد سامي كرهها فيني...
اكيد قال .. محمد مغرور.. وشايف روحه..
مثل ما يقولون......."
هذا الي كان يفكر فيه محمد وهو جالس بالكوفي..
بس صحى على صوت بنت بالطاوله الي جنبه ومعها صديقاتها..
____: يالاخو...
التفت عليها محمد..
____: ما عندك بلوتوث؟!..
محمد: ايييش ؟؟؟؟!!!!!....
____: ما عندك بلوتوث؟؟؟؟!!!!!....
محمد: الا عندي... ليش؟؟؟؟!!!!!....
____: وش اسم النيم حقك؟؟؟؟!!!!!....
محمد بدون نفس: مقفله....
____ بدلع: ليه؟؟؟؟!!!!!.... يعني بتحرمنا؟؟؟؟!!!!!....
محمد بنفس الحاله: ايه....
____ بمياعه: لا حرام عليك...ترى كذا اموت...
محمد بصوت خفيف: ياليت...
____: ايش ما سمعت؟؟؟؟!!!!!....
محمد: اصلا ما تكلمت..
____: يعني بتحرمنا من صوتك الحلو؟؟؟؟!!!!!....
محمد: اقول...
____ بحماس: وشو؟؟؟؟!!!!!....
محمد: اولا... وش تسمين الحوار الي يدور بيننا الحين؟؟؟؟!!!!!.... مغازله؟؟؟؟!!!!!....
____: لا... قل اعجاب.. قل حب...
محمد يضحك: حب؟؟؟؟!!!!!....
____: ايه حب... انت احلا واحد في السوق.. عيونك.. ضحكتك.. جسمك.. شعرك.. طولك.. ثقتك في نفسك.. طيب ماعلين..هذا اولا
ثانيا؟؟؟؟!!!!!....
محمد معصب: ثانيا.. ماتحسين اني عطيتك وجه بزياده..
قام يدور اميره ورشا...
شافهم على طريقه...
التفت وراه شاف البنات وراه..
اشر لاميره...
محمد : خلصتو؟؟؟؟!!!!!....
اميره: باقي محلين.. ليه مليت؟؟؟؟!!!!!....
قربو البنات من عندهم...
____: يالاخو ماعرفتنا على خواتك؟؟؟؟!!!!!....
رشا حست بنار تشب فيها ماتعرف سببها...
حست ودها تظربه ودها تظربها..من القهر...
حست ودها تنشق الارض وتبلعها.. من كثر ماهي كرهت هالموقف..
محمد: هذي اختي... وهذي خطيبتي..يالله ممكن توروني عرض اكتافكم...
رشا طيرت عيونها ..
و اميره حطت رجلولها على رجل رشا
قصدها اسمعي وش قال محمد...
رشا العرق قام ينزل من راسها لساسها..
حمر وجهها.. وقلبها يدق بسرعه جنونيه..
____ وهي تشر على رشا: انتي خطيبته؟؟؟؟!!!!!....
اميره: ايه... وش تبين انتي؟؟؟؟!!!!!....
____: نيالك عليه.. وسيم واخلاق.. الله يوفقكم..
على العموم.. فرصه سعيده عرفناكم فيها... تشااااو...

راحو الشله التعبانه....
اميره: من ذولي؟؟؟؟!!!!!.... ووش خطيبتي؟؟؟؟!!!!!.... ووش السالفه؟؟؟؟!!!!!....
محمد ووجهه احمر ويناظر رشا: ايه ذولي معجبات..
رشا معصبه: ايش؟؟؟؟!!!!!.... معجبات؟؟؟؟!!!!!....
ابتسم محمد بغرور: وش فيك؟؟؟؟!!!!!.... هدي اعصابك... بينفتق فيك عرق.. وتموتين...
وفي نفسه يقول" بسم الله عليك"
رشا بعصبيه زايده: محمد.. بتتكلم ولا وشلون...........
<< كأن الحرمه صدقت انه خطيبها ....
محمد حاول يمسك ضحكته.. بس ماقدر...
يمكن فرحه..
لانه يشوف الغيره تمشي في عروق رشا مشي...
اميره: محمد..تكلم..
محمد وهو يناظر رشا: كنت جالس وافكر في ناس اكتشفت اني حبيتهم.... بس نادوني قالو لي البلوتوث ومدري ايش؟!..
بعدين قلت الحين وش تسمين هذا.. قالت اعجاب او حب..
رشا طيرت عيونها..
كمل محمد وهو يناظرها: قالت انت احلا واحد في السوق ..
وجلست تمدح وتمدح..
الين قلت لها.. ماتحسين اني عطيتك وجه بزياده...
قمت ومشيت وهم وراي.. وعلشان اظمن انهم مايلحقوني قلت رشا خطيبتي.....
هاه مطولين؟؟؟؟!!!!!....
اخاف تجي معجبه جديده
اميره: هاه رشا نروح؟؟؟؟!!!!!....
رشا وهي تناظر محمد: ايه.. خالي محتاجني...
مشت وراحت معها اميره ولحقهم محمد..
ركبو السياره وشغل المسجل.. وكانت
ماجد المهدنس - بين ايديا
بين ايديا واحس انك بعيد...
ذوب بأحضاني مثل قطعة جليد
علم العشاق كيف الحب يكون
لا حواجز احلا طعم الحب نعيش...

بس المقطع الي كانت رشا تموت عليه وخلى كل واحد في هالسياره يفكر في شخص معين..
اقترب مني ترى الدنيا فرص..
وخذ من شوقي إذا شوقك نقص....
خلني احكيلك مواويل وقصص..
شما يعدي العمر حبنا يضل جديد..

<< سوووري كان فيه غلط بس وش اسوي هذا الي شغلوه......
كان محمد يغني معه...ويناظرها مع المرايا.....
وتفكر" وش قلبه؟؟؟؟!!!!!....وأنا رايحين كان يبي
ينرفزني ...معقوله كان يقصدني لما قال اكتشفت اني حبيتها؟؟؟؟!!!!!....
انا ليه عصبت لما قال معجبات؟؟؟؟!!!!!....
انا ليه غرت؟؟؟؟!!!!....
معقوله حبيته!!!!!....
كيف عقب كل الي سواه لخالي ولاميره؟؟؟؟!!!!!....
احبه!!!!!...........
بس المشكله ان الحب يدخل القلب من دون ما يستأذن.....
معقوله دخل!!!!!....
ولا ليه انا افكر فيه الحين؟؟؟؟!!!!!....؟؟؟؟!!!!!...."
اميره: رويشه؟! وين رحتي؟!
رشا: معك بعد وين بروح؟!
اميره: ساعه اكلمك وماتردين المهم وش رايك؟!..
رشا: على ايش؟!
اميره: نتعشى في المطعم..
رشا: عشى المغرب؟؟؟؟!!!!!....
اميره: جعنا لانا ماتغدينا...
هاه وش قلتي؟!..
رشا: لا طبعا...
اميره: انزين ليه؟؟؟؟!!!!!....
رشا: صاحيه انتي ولا مجنونه...
اميره: هذا اقتراح محمد...
رشا: تبون تتعشون تعشو
انا ابي اروح البيت...
محمد: الي تشوفين..

# # #
وصلو للبيت...
ونزلو..
وكل واحد توجه لغرفته...
ورشا جالسه تفكر في محمد مثل ماهو يفكر فيها..
اقتنعت في الاخير انها ابحرت في بحر الحب مع محمد..
رن جوالها..
سامي : وين الي بدق؟!.
رشا : معليش ياخالي..بس طول اليوم افكر فيك توني اوصل..
سامي: مشالله من ذاك الوقت في السوق...

رشا: خالي... عن الهذره وقول.. وش عندك؟!..
سامي قالها كل الحوار الي دار بينه وبين امه عن اميره..
رشا: اممم.. شوف خالي.. تبي رايي؟!.
سامي: اكيد ابيه..
رشا: اخطب اميره مره ثانيه...
سامي: وشلون؟! بعد ماردني محمد...اهانني يارشا..
رشا: الي يحب يضحي...
سامي: حتى بكرامته؟!!!!!!!!!
رشا: حتى بكرامته....
سامي: لا عاد كل شي ولا كرامتي..
رشا: اجل اقعد...
سامي: طيب انا احبها...
رشا: وهي تحبك... لاتحرم نفسك منها ولاتحرمها منك...
سامي:_________.
رشا: شف ياخالي.. انت اخطبها بس مو من محمد من عمي صالح...
سامي: وش الفرق .. بينك علينا وبيخرب كل شي...
رشا: لا انشالله..ترى محمد طيب..
سامي: طيب؟!!!!!!
رشا: ايه طيب... انت ماتعرفه .. اسأل الي يعرفه زين...
سامي: رووش.. انتي اليوم مو طبيعيه.. فيك شي؟!..
رشا: فيني اشيــــــاء واشيــــــاء...
سامي يضحك: ليه؟! فيه تطورات؟!!
رشا: خالي... انت تذكر لما قلت لي اذا شفتي محمد دقي علي؟!!
سامي: ايه اذكر..
رشا: دقيت عليك.. وكان مقفل
سامي: طيب يالله قولي ..
شين ولا....
رشا: ولا..
سامي يضحك: يعني يحق له يغتر؟!!
رشا: نيال الغرور كانه بيغتر..
سامي يضحك: اوووووووووه .. حركات.. ليه عجبك؟!!
رشا: مو اعجاب.. حب..
سامي مااات من الضحك..
رشا معصبه: ليه تضحك؟!..
انكت انا!!!
سامي: سبحان من غير ولا يتغير... متى الانقلاب هذا؟!..
رشا: اليوم.. لما قال خطيبتي.. حرك فيني مشاعر ماتتحرك.. آآآ ياخالي.. حسيت وكأن الدنيا بكبرها ابتسمت في وجهي..
لما شفته يتكلم مع البنات.. حسيت ودي اصيح.. ودي اذبحه هو والبنات.. حسيت بغيره تشب فيني.. بس لما جلس يغني في السياره.. وهو يناظرني.. كلمات الاغنيه طفت الحريق الي بداخلي..
اقترب مني ترى الدنيا فرص..
وخد من شوقي إذا شوقك نقص..
خلني احكيلك مواويل وقصص..
شما يعدي العمر حبنا يضل جديد..
آآآه ياخالي.. احساس غريب وداني لبعيد..
سامي: لحظه لحظه
وش خطيبتي وش سالفة البنات الي تكلم معهم؟!
قالت رشا السالفه لخالها..
سامي: كنتي اكثر واحد تكرهينه في هالبيت..
رشا: كنت.. ان الله قادر على كل شي..
سامي: سبحان الله.. رووش.. تحبينه؟!..
ابتسمت رشا...
سامي: يااااااهوووه.. استحت.. ههههههاااااي...
رشا: خالي.. انت تحب اميره؟!
سامي: امووووت فيها..
رشا: حتى انا اموت فيه..
سامي: اهاه.. المسأله مسألة غيره.. لاغير...
رشا: الحمد لله والشكر، الحب مو لعبه، ليه فلان يحب وانا لا اجل بدور واحد احبه!!! ، وش هالكلام؟!.. ماكنت ابي احبه.. ماكنت ابي احب الشخص الي حرم خالي من حبيبته الي هي انحرمت منه بسبب محمد.. بس وش اسوي القلب اختاره وحبيته..
سامي: حاس ان الكلام يطلع من قلبك...
رشا: ايه ياخالي.. حبيته والله حبيته.. وانا مابي احبه.. بس وش اسوي... غصب عني...
سامي: طيب عندي لك بشاره
رشا: وشي؟!
سامي: عرضنا بيتنا للبيع.. بنجي للشرقيه..
صرخت رشا: والــــــلــــــه؟!!
تمزح صح؟!
سامي يضحك: لا والله من جد..
رشا: كيف اقنعت امي شيخه؟!
سامي: ابوي .. ابوي الله لا يحرمنا منه..
رشا: يالبى قلبه.. ابوي سلمان دايم ينقذك في الاوقات الي تكون متورط مع امي شيخه..
سامي جلس يضحك........
ضلو يسولفون مع بعض..

~.~.~.
محمد جالس على الكرسي ومشغل المسجل...
صابر الرباعي - اجمل نساء الدنيا
اجمل نساء الدنيا في عيوني انتي..
اجمل نساء الدنيا انتي ياحبيبتي..

محمد يفكر" طيب حبي من طرف واحد؟؟.. ولا من طرفين؟؟.. آآآه يارشا.. آآآه يا اجمل نساء الدنيا في عيوني.. يارشا..
كيف اعرف مكانتي في قلبك... انتي تحبيني؟!.. ولا بس معزه؟!..اخاف تعتبرني اخوها؟!..لحظه لايكون تكرهني .. بسبة خالها الحسود.. اكيد قالها محمد كذا وكذا وكذا.. لين كرهتني.. كله منه.. طيب ياسامي.. مثل ماحرمتني من رشا.. راح احرمك من اميره.. هين"
طق فارس الباب.. ودخل..
فارس يبتسم: اليوم محمد رومنسي.. اجمل نساء الدنيا وصابر الرباعي... وش السالفه؟!...

محمد: ايه رومنسي.. ولا الرومنسيه لناس وناس..
فارس: اوووه... يعني نقدر نقول فيه وحده قويه قدرت تقتحم.. الحواجز والجدران الي حاطها بين قلبك والبنات
محمد يضحك: وش دعوى؟! حواجز وجدران!!.. لا ياخوي..
ماحطيت لاحواجز ولا جدارن.. بس تقدر تقول مافز قلبي الا لوحده ولاحبيت غير وحده..
فارس: من هذي؟!..
محمد جلس يغني: اجمل نساء الدنيا في عيوني بنت عمي..
فارس مااااات من الضحك
محمد: خير وش يضحكك؟!..
فارس: اقارن قبل ماتروح للسوق.. وبعد مارجعت .. خمس ساعات وش سوت لك فيها علشان تنقلب؟!..
محمد: الحب ماله وقت محدد علشان يجي.. وبعدين..
كذا جلست افكر.. اكتشفت اني احبها بس ماادري عن روحي
مدري.. مدري كيف اشرح لك.. المهم انا احب رشا هذا الي اقدر اقوله..
فارس مبتسم: هذا وانا جاي اخذ رايك؟!..
محمد: رايي في ايش؟!..
فارس: ابد..ودي اكمل نص ديني واتزوج...
محمد: ايش؟!..
فارس: الي سمعته..
محمد: تتزوج من ؟!..
فارس مبتسم: مدري بقول لامي تخطب الي تعجبها.. تحسب الناس كلهم مثلك.. جاهزين..
محمد: طيب اصبر.. ونعرس سوى..
فارس: لا شكلك انت مطول..
محمد: اصلا انت توك صغير عمرك 24 سنه.. وبعدين انا اكبر منك..
فارس: عادي..
محمد: طيب خلاص بكره بكلم ابوي ونعرس سوى..
فارس: اوكيه..
طلع فارس وراح ينام..

الجزء السادس
* * *
وش انتجت هالروحه؟!
* * *
فتحت عيونها بكسل..
مانامت زين امس من سواليف
خالها..
بسبب تفكيرها في محمد.. واسترجاعها لكل كلمه ..
لكل بسمه..
لكل نظره..
سمعت صوت الباب يطق..
رشا: منو؟!!!!!...
ميري: هدا انا ميري .. مدام اميره قول جيب لك انتا فطور..
ابتسمت رشا: ادخلي ياميري
دخلت ميري معها طوفريه فيها كروسان وعصير..
ميري: مدام.. انت ليه مافي يطلع من قرفه<< يعني غرفه.. في ليل قرفه .. في نهار في قرفه.. في صبح في قرفه.. كلو في قرفه.. ليه انتا مايطلع عند هديقه.. فيه ورد.. اهمر.. اصفر.. اسود<< شه شه الكذب.. كلو شكل كلو لون..
فيه مسبه << يعني مسبح..
انتا يعرف يسبه؟!..
رشا مبتسمه: يعني...
سمعو صوت محمد ينادي ميري
ميري بخوف: طويب.. طويب
وتلتفت على رشا: يووووه..هدا مهمد.. هاوش.. هاوش..
كل يوم هاوش انا..
سمعو صوته مره ثانيه..
راحت لما وصت عند الباب التفتت
ميري: بس واجد زين.. هلو..
محمد وقف عند غرفة رشا..
وجلس يناظر ميري..
محمد: الحين ليه ماتجين اول مأناديك..
يعني لازم صراخ وهواش...
ميري: لا.. لا.. بس انا فيه جيب فطور هق مدام رشا...
ابتسم محمد...
ميري: رشا هدا مسكين.. كل يوم في قرفه.. انا جالس يقول لها روه هديقه روه مسبه..
محمد: إذا كانت رشا الي شغلتك عني.. روحي لها متى ماخلصت منك تعالي..
قالها بصوت عالي... علشان تسمعه رشا...
وفعلا طارت من الوناسه...
ميري: لا.. مافي يبغا.. بس انا في كلام مع هو..
محمد: يعني ازعجتيها هاه؟!..

ميري بخوف: لا.. لا.. والله مافي ازعج.. شوف.. انت اسأل رشا..
محمد هذا الي يبيه
محمد: رشا.. ميري ازعجتك؟!!
رشا بدلع : اممم يعني..
التفت محمد على ميري هو مطير عيونه وهي ترتجف...
ميري: لا.. والله.. مهمد .. انا ميزعجها تاني..
رشا تضحك: لا امزح يامحمد ابي اخوفها بس...
جلس محمد يضحك..
وهو يقول في نفسه" تسلم لي احلا ضحكه سمعتها من طلعت من بطن امي."
<< يقصد رشا طبعا..
محمد: يعني وسعت صدرك؟!..
رشا: ايه.. صحيح انها كذابه.. بس احسن من جلستي بروحي.. تعرف.. اميره من الصبح عند غاليه..
محمد: رشا معليش ممكن طلب ؟!..
رشا: تفضل..
محمد: ممكن ما تجيبين اسم غاليه على لسانك..
رشا طيرت عيونها...
رشا: انشالله .. بس ممكن اعرف ليه؟!..
محمد: لانها من مستوى نازل.. انتي اشرف منها ومستواك اعلى..
رشا أرتاحت لانها خافت ان بينهم شي..
توقعت اكيد ان فيه قصه بس ماحبت تسأله..
محمد: ماقلتي لي.. وش عرفك ان ميري كذابه؟!..
رشا تضحك: تقول عندكم ورد اسود...
محمد مات من الضحك: اخترعت هذي... بازين بذا الورد..
لأنهم من زمان يبون ذا الورد يطلع ماطلع..
كانت اميره والحديقه طقاق..
من دخلتي والورد طلع..
ابتسمت رشا مستحيه
التفت محمد.. شاف ميري لين الحين واقفه معهم..
بس طول ماهو يسولف مع رشا.. نساها...
محمد: انتي وش وقفك هنا؟!..
ميري: انتا ايش يبغى؟!..
محمد: ايه صح.. روحي اكوي شماغي..
ميري: طويب...
طلعت من القسم..
تنهد محمد وهو متشق وراح..
اما رشا رمت نفسها على سريرها..
وجلست تلعب بخصلات شعرها الي يتميز بنعومته مثل الحرير وهي في عالم ثاني...

<< على فكره طول الحوار الي دار بينهم هي في الغرفه وهو برى وبينهم الباب...

# # #

لبس ثوبه.. لبس شماغه.. بس هالمره تشخيصه عاديه مو معرجبه...
فتح الباب....
فارس: محمد.. كلمت ابوي؟!..
محمد: لا.. انشالله بكلمه اليوم..
فارس: لحظه.. عندي لك اقتراح.. اسأل رشا اول...
محمد: لا بالعكس.. تخيل قلت لابوي ورفض.. وش نقول لرشا..
فارس: ليه يرفض؟! لا مستحيل..
محمد: افرض.. بس هي إذا رفضت... عادي..
طلع من غرفته..
وفارس لين الحين جالس في غرفه محمد ومستغرب
فارس بتعجب: عادي؟!!!!!!!!!!!........ سبحان من غير ولا يتغير...

# # #

محمد جالس عند مكتبه ..
ويفكر
"اروح لابوي واكلمه؟!..
طيب مو كأني مستعجل..
اخاف انه مو حب..
مجرد طيش شباب..
لا مااتوقع ..
الي احمله لها في قلبي اكبر من كل شي في الدنيا.. مستحيل يكون طيش.."
وقف وطلع من مكتبه متوجه لمكتب ابوه..
وقف عند السكرتير..
محمد: ابوي عنده احد؟!..
السكرتير: لا تبيه؟!..
محمد: ايه قول له ضروري..
دق السكرتير على صالح وقاله يدخل..
دخل وجلس بالكرسي الي قباله..
صالح: خير ياولدي.. وش عندك؟!..
محمد: انا عارف ان هالمكان مو مناسب مع الموضوع.. بس ابي اظمن ان محد يدخل علينا..
صالح: طيب وشو؟!
محمد: ابي اعرس..
ابتسم صالح: لاه.. زين.. الي تامر به بيصير.. بس فيه وحده في بالك؟! ولا اقول لمك تدور لك..
محمد: لا تدور ولاشي.. البنت موجوده.. ابي رشا.. رشا بنت عمي..

صالح بأبتسامه اكبر: ياسلام عليك يامحمد.. زين اختيارك..
وانت قلت البنت الي كنا بنكلمك عنها انا وامك..
محمد: المهم شور رشا..
صالح: بتوافق انشالله..

# # #

فكرت في كلام الشغاله ونزلت...
لقت هيا جالسه تشرب قهوه بروحها...
رشا: صبحك الله بالخير ياخالتي..
هيا: هلا هلا.. صبحك الله بالنور..
رشا: اميره جت؟!..
هيا: لا.. بس قلت لفارس قبل مايروح للشركه يجيبها..
رشا: كم الساعه رايحه؟!..
هيا: يمكن الساعه 8 الصبح
... والحين الساعه 10 يعني خلاص.. يمديها تمل..
رشا: ما اعتقد انها بتمل ..
هيا: مو على كيفها... خلاص انا دقيت على اختي منيره بتجي اليوم..
رشا لفت بتطلع للحوش..
هيا: رشا.. وين بتروحين؟!..
رشا: بتمشى في الحديقه..
هيا: الحين؟!.. الساعه 10 .. شمس يايمه
رشا: بلعكس الجو غيووم.. وبعدين عمري ماشفت الحديقه..
والحين فرصه محمد وفارس مو موجودين...
تجين معي ياخالتي..
هيا: بطلع بس مو الحين
بنطر اميره..
رشا : براحتك..
طلعت وراحت عند الحديقه..
جلست عند الورد.. تفكر..
" احبه.. والله احبه.. وماكنت ابي احبه.. ليه ياقلبي اخترته..
آآآآه.. اسلوبه في الكلام يخليني احبه اكثر.. هو فيه كل المميزات الي احبها فيه.. طيب.. رومنسي.. واثق من نفسه.. وسيم.. عاقل يعني ماعنده حركات المغازله الي يحبونها بعض الشباب.. بس فيه خصله اكرهها فيه..غروره.. انا ابي مافيه ذره من الغرور.. ابيه صافي.. ابيه طاهر.. ابيه يفكر في غيره قبل مايفكر في نفسه.. ابيه يشوف العالم كلهم سواسيه.. مافيه ناس فوق وناس تحت.. بس كيف اغير هالشخص كيف"
قطفت ورده وراحت عند المسبح.. وغرقت رجولها فيه.. وجلست تقطع اوراق الورده الفوشيه.. وترميها على المسبح وتقول: يحبني .. مايحبني .. يحبني..
وتفكر" صح... هو يحبني ولا مايحبني!!.. اخاف انه يشفق علي.. لا لا مستحيل محمد ينزل لها لمستوى... احبه ياربي احبه..ليش حبيته؟!.. ليه جيت هنا؟!.. لوني جالسه عند ابوي سلمان وامي شيخه وخالي سامي كان ماحبيت محمد.. الا بلعكس.. كان الا الان اكرهه..."

اميره: الله... الله على هالرومنسيه.
ابتسمت رشا..
اميره: رومنسيه في هالشمس!!!..
رشا: بلعكس الجو مغيم ويجيك هو بارد ريحته ريحت البحر..
اميره: غريبه.. طلعتي!!
رشا: فكرت.. قلت ليه احبس روحي بالغرفه.. والبيت فاضي..
اميره: طيب وش رايك ندخل؟!..
رشا: يالله...
دخلو.. مالقو احد في الصاله..
رشا: وين امك؟؟!
اميره: في المطبخ..
جلسو..
اميره جالسه تناظرtv...‎
ورشا متردده ماتدري ودها تسأل بس خايفه..
رشا بتردد: اميره..
اميره جلست تناظر رشا...
رشا: فيه شي بين محمد وغاليه؟!!..
اميره طيرت عيونها..
جلست تتلفت لا تكون امها سمعت..
رشا: وش فيك ارتبكتي؟!..
وقفت اميره ومسكت رشا وبسرعه راحت لغرفتها..
جلست رشا على سرير اميره...
اما اميره وقفت عند الباب تتأكد ان محد لحقها..
رشا: اميره.. وش فيك؟!.. والله خرعتيني..
اميره: اششش..
قفلت الباب..
اميره بصوت خفيف: من قالك؟!..
رشا: يعني فيه شي..
اميره: من قالك؟!..
رشا: محد قالي..
اميره: مشالله.. كذا.. فكرتي ان بينهم شي..
رشا: اميره.. بتقولين ولا لا...
اميره: بقول..
رشا: وش بينهم؟!.
اميره: مابينهم شي..
رشا: مشالله.. كل هالارتباك.. والخوف.. والعصبيه.. ومابينهم شي..!!..
اميره: ايه مابينهم شي.. بس تكفين يارشا لا تتكلمين في هالموضوع مره ثانيه...
وقفت رشا: انشالله.. واسفه يااميره.. كاني تدخلت في شي ما يخصني
اميره: لحظه يارشا..
لاتصيرين كذا..
رشا: وش تبيني اصير..
الح عليك؟!..
خلاص انتي ماتبيني ادخل..
اميره: مو هذا قصدي.. والله العظيم مو هذا قصدي بس .. بس..
رشا: بس ايش؟!...
اميره: بس.. لو فيه شي قلت لك... بس ممكن اعرف وش الي خلاك تفكر هالتفكير؟!!
رشا: اسألي محمد....
طلعت وراحت غرفتها وسكرت الباب.. وتقول في نفسها" يعني يعتبروني غريبه الى الان... كيف بعيش مع ناس كذا.. وش سالفه محمد وغاليه؟!.. وش الي خلى اميره تخاف..معناها البيت كله متفق انهم مايعلموني.. اكيد"
طاحت من عيونها دمعه لما حست بالغربه.. حست انها غريبه..
حست احساس ماحسته لما كانت عند خوالها..
رن جوالها.. وكانت المتصله خالته هدى...
هدى: هلا.. هلا بلي من راح لعمه وهو ناسينا..
رشا: عمرك طويل يا خالتي توني افكر فيكم...
هدى: وشلونك يارشا...
رشا: ماشي الحال ..
هدى: ماشي الحال!!! لا لا لا مو انتي رشا الي سألت عنها من عند سامي.. يقول مبسوطه..
رشا: الحمد لله على كل شي..
هدى: رشا دريتي انا جيناكم...
رشا: ايه .. خالي سامي قال لي.. عقبالهم..
هدى: يمكن السبوع الجاي.. اقول انا مشتاقه لك مره مره مره..
رشا: وانا اكثر ياخالتي..
هدى: شوفي.. تراني بقول لجاسم يمرك..
هدى: لا امس.. اكيد اليوم.. تغدي عندنا اليوم.. اوكيه
رشا: اوكيه...
سكرت السماعه على موعدها مع خالتها..
فتحت الدولاب تفكر وش تلبس...
رن جوالها مسج..
فتحته..
وكان من خالتها هدى
{{{ احسبي حساب لبكره.. لانك بتنامين}}}
ابتسمت...

# # #

هدى: جاسم حبيبي.. اياني واياك تعلم رشا عن اهلي..
جاسم: ليه ماتدري انهم بينقلون؟!
هدى: تدري.. بس ماتدري انهم نقلو وخلصو..
جاسم: ياهي بتفرح فرح..
هدى: تذكر لما تعلمها.. ترى والله يذبحنا سامي..

# # #

نزلت لما تأكدت ان محمد وفارس نايمين...
لقت عمها وهيا واميره.....
صالح: كيف حالك يارشا...
رشا مبتسمه: الحمد لله..تعرف العطله خلصت والدراسه بعد بكره لازم تكون النفسيه زفت...
صالح: وش يعجبكم في جلسه البيت.. والله الدوامات زينه..
رشا: عمي...
صالح: لبيه..
رشا: اليوم زوج خالتي بيجي بياخذني...
اميره طيرت عيونها..
رشا: وبنام عندهم
اميره دمعت عيونها ورحات تركض لغرفتها..
هيا: وش فيها ذي؟!..

رشا: على بالها اني معادني راجعه..
ضحكت هيا: تحبك هالاميره حب...

ابتسمت رشا
صالح : طيب جاسم مو محرم لك..
رشا : الا..نسيت ان امه راضعه امي..يصير خالي من الرضاعه..
صالح : براحتك..بس ابيك في موضوع..وفكري عند خالتك واسأليها..
رشا : آمر عمي...
صالح: ولدي محمد.. طالبك على سنه الله ورسوله

# # #

وهي جالسه في غرفتها.. سمعت صوت الباب حق غرفة رشا..
طلعت اميره..
شافت رشا معها شنطتها ومعها عبايتها..
وكانت تسكر باب غرفتها...
لفت رشا وجلست تناظر اميره
وابتسمت..
اميره: رشا.. خالك جاسم جى..
رشا مبتسمه: لا.. بس بيجي الحين.. توه داق يقول تولمي..
اميره: رشا انتي زعلانه على..
رشا: ازعل!!!!! لا انا ماأزعل على روحي....
اميره ابتسمت: طيب لا تروحين.. اجلسي عندنا.. تعودت عليك..
رشا: اميره.. انا برجع لكم.. مو إنا بندوام بعد بكره...
بتلاقيني في الجامعه.. راح ارجع معك...
اميره: طيب اليوم وبكره من اجلس معه؟!!!...
رشا: طول عمرك عايشه بدوني..
اميره: بس تعودت عليك..
رشا: وشلون اثبت لك؟!.. طيب والله والله مازعلت.. خلاص عاد.. تراني مليت من هالموال.. طلعنا كأننا بزران.. ترى بروح ومعاد ارجع..
اميره: لا لا لا...اهم شي ترجعين...
رشا تضحك: والله انك على نياتك.. من جدك انتي مصدقه اني معادني راجعه..
ابتسمت اميره: اشوا...
دخل عليهم صالح...
صالح: رشا.. جاسم ينطرك..
رشا : انشالله عمي..
التفتت على اميره...
وباستها على خدها...
رشا: انا ما ازعل على الي احبهم..
ونزلت ودخلت المجلس وكان جاسم يشرب شاهي
رفع راسه وابتسم..
رشا: اهلين بخالي..
جاسم: هلا رووش.. شلونك؟!
رشا وهي تسلم عليه: بخير دامك قدامي..
جاسم: يالله.. يالله لاتجلسين.. بتذبحني هدى..
رشا: اصبر بلبس عباتي...
لبست عباتها وركبت السياره..
رشا: ايه صح نسيت ابارك لكم النقل... مبروك..
جاسم: اجرنا واجرس..
رشا: افا.. خير؟!..
جاسم: تدرين اني ماابي الشرقيه...
رشا: وخير ياطير... وش تبي؟!..
جاسم: ابي ديرتي... في الرياض وظايق... يجون يودوني الشرقيه...
رشا: وععع..
جاسم: حدس.. الخرج تسواس وتسوى امثالس...
رشا تتهزابه: حدس.. حدس .. سؤال شلون تفهمون بعض؟!..
جاسم: ليه يا حبيبتي؟!.. شايفتني اتكلم ياباني ولا اتكلم ياباني!!!..
رشا: كل كلامكم بحرف السين.. تقول وكأنكم صراصير.. عمركم ماتتطورون.. خالي.. ترى فيه حروف غير هالحرف..
جاسم: لاه..
رشا: ايه..
جاسم: احلفي..
رشا: والله..
جاسم: اقول انزلي.. انزلي.. انزلي..
رشا ميته من الضحك: خالي..وانت على طول تعصب..
جاسم: انتي عارفه اني من المتعصبين الخرجاويين...
رشا: إذا كان انتاج الخرج مثلك.. فأنا احسدهم..
جاسم: ايه تعدلي..
جلست رشا تضحك...


# # #

نزلت من غرفتها.. لقت خالتها وغاليه..
اميره: السلام..
منيره وغاليه : وعليكم السلام..
غاليه: وين رشا؟!..
اميره: عند خالتها..
غاليه: عند خالتها؟!.. مو هي جايه من الرياض..
اميره: خالتها نقلت..
غاليه بدون نفس: وش هالنشبه يعني انحاشت منهم من الرياض .. لحقوها لشرقيه.. يووه.. الحمد لله والشكر..
اميره استغربت من غاليه.. لانها ماعمرها شافت رشا وتتكلم عنها كذا..
غاليه: اميره.. هذي الي اسمها رشا..... كم عمرها؟!
اميره: 22 سنه...
غاليه: اممم حلوه؟!..
اميره: ليه تسألين؟!..
غاليه: بس .. لقافه..
سكتت اميره..
دخلت هيا وجلست.. هي كانت معهم.. بس طلعت تقول للخدامات يجيبون قهوه..
جت ميري وحطت القهوه..
قامت اميره بتصب القهوه..
نزل محمد وشاف غاليه جالسه..
على طول رجع وهو يقول
محمد: وععع.. وش تبي ذي؟!..
ثم قال بصوت عالي...
محمد: اميره.. اميره..
اميره: طيب..
غاليه دق قلبها بقوه.. ماتدري خوف!!..ولا اشتاقت له.. لانها مهما سوت...ومهما قالت.. راح _تضل تحبه.. ومهما قال لها ومهما سوا لها .. راح تضل تحبه..
وصلت اميره عند محمد..
محمد: قولي للمغتصبه.. تتغطى...
اميره: انشالله.. بس لاتقول المغتصبه مره ثانيه....
محمد: هي تحب الناس يقولون لها كذا...
اميره لفت توها بتروح..
محمد: لحظه .. لحظه..
لفت وجلست تناظر محمد..
محمد: انتي داريه اني خطبت رشا؟!..
اميره مرتاعه: خطبت مين؟!!....
محمد: يوه .. على بالي عارفه.. ابي اعرف راي رشا فيني...
اميره مبسوطه: الله.. الله عليك ياحمودي.. خطبت رشا؟!
محمد: ايه.. بس بسألك هي قد كلمتك عني؟! يعني قد مدحتني عندك؟!..
اميره: اممم ما اتذكر..
محمد بأبتسامه غرور: اميره.. علمي غاليه اني احب رشا..
صرخت اميره: تحبها؟!!!!!!!
محمد: ايه.. وش رايك.. اخطبها وانا اكرهها..
اميره طايره من الوناسه: على بالي امي قالت لك.. او ابوي اقترح عليك..
اميره: وليه ماقلت لي؟..
محمد: مدري.. المهم علمي غاليه اني مجنون رشا.. احبها احبها..
اميره: مجنون؟! يعني اكذب؟!
محمد: لا من قال انك تكذبين.. انا مجنونها.. على فكره.. ماودي ان غاليه تجلس مع رشا علشان كذا.. صرفوها انتي ورشا...
اميره: رشا مو موجوده..
محمد مرتاع:
موموجوده؟!!!!!!.....وينها؟!!!
اميره: عند خالتها...
محمد انهبل: في الرياض؟!!!!!.........
اميره تضحك: شوي.. شوي.. لايوقف قلبك.. لا ياخوي.. خالتها نقلت من الرياض لهنا... وراحت تزورهم.. وبتنام.. وإذا كنت انت الي بتاخذني من الجامعه.. فهي بتركب معي...
محمد: اجيك واجي الي خلفوك بعد...
ضحكت اميره وراحت قالت لغاليه تتغطى...
تغطت .. دخل محمد..
محمد: السلام ياخالتي...
منيره: وعليكم السلام..وشلونك يامحمد؟!..
محمد: من جت رشا بيتنا وانا بخير...
ضحكو هيا واميره.. منيره طيرت عيونها.. غاليه انهبلت..
منيره: ليه وش السالفه؟!..
محمد: خلي ام محمد تعلمك..
غاليه: كيف حالك يامحمد؟!.. شكلك مبسوط...حتى دقات قلبك اسمعها وانا جالسه هنا..
محمد جلس يناظرها من فوق لتحت.. نظرات كلها غرور
محمد بكل غرور: انا كلمت خالتي...
غاليه: يعني بالعربي.. اني وش دخلك؟!.. ولا انا غلطانه..
محمد: افهميها حسب مفهومها..
طلع من الصاله.. وركب سيارته ومشى....


# # #

رشا: خالي.. لك ساعه تلف.. ضيعت بيتكم؟!..
جاسم: لا.. احتري مكالمه علشان اوديك مره وحده..
رشا: تنتظر مكالمه من من؟!..
جاسم: يوووه... صدق انس ملقوفه.. وش دخلس؟!..
رشا: طيب كان مامريتني الا لما جتك المكالمه؟!!..
جاسم يناظرها بطرف عينه: قلت مشتاق لها.. لاني عارف اذا وصلتي للبيت هدى بتحرمس مني.. هي وبعض الناس..........
رشا بأستغراب: بعض الناس؟!!! ليه خالتي عندها احد....
جاسم بأرتباك: هاه.. ايه جو جيراننا توها متعرفه عليهم..
رشا: ياشينكم انت وخالتي.. ليه ماعلمتوني؟.. لبسي عادي..
جاسم: بالعكس.. لبسس اليوم يجنن...
رشا: مجامله صح؟!.. ايه خايف اقول لك ارجع لبيت عمي..
جاسم: لا مو مجامله... لاني ماخفت.. وتحسبيني اول ماتقولين ودني اقول انشالله.. اشتغل عندس انا؟!..
وبعدين لا تحسبينهم خطاب.. موب خطاب تقعدين تتزينين..
اصلا لو تتزينين من اليوم لبكره.. شينه..
رشا: شينه؟!.. بسم الله عليك ياراشد الي في عذاري..
جاسم: انتم وش ذبحكم غير راشد الي في عذاري.. وسعود الي في درب المحبه.. وخالد الي في ليالي الصالحيه.. كل يوم مشبهتني في واحد منهم...
رشا: من الجمال الي فيك ياخالي.. والمره الثانيه بشبهك في محمد في القيطه...
جاسم: هدى تقول اني اشبهل احمد السقا....
ضحكت رشا: احمد السقا دب؟؟؟!!!!!.....
ضحك جاسم: تلعب علي .. مثلك...
رشا: وبعدين ما يحتاج انخطب.. لاني مخطوبه...
جاسم: مخطوبه؟!!!...
رشا: ايه اليوم عمي قالي ان محمد طالبك...
جاسم: محمد؟!! وش قلتي لعمك؟!!!
رشا: قلت خلني افكر واشاور اهلي...
جاسم: زين سويتي.. خلني اسأل عنه..
رشا: تسأل عن ولد عمي؟!..
جاسم: ايه.. انا طول عمرنا في الرياض.. مانعرفه زين..
رن جوال جاسم رنه وانقطع.. ابتسم جاسم..
جاسم: اشتقتي لهدى؟!..
رشا: كثييير..
جاسم: نروح لها؟!..
رشا: يالله..


_ # # #

غاليه: ليه ماخليتيني اسمع امك وش تقول؟!
اميره: خلاص انابقولك.. محمد اخوي يحب رشا...
غاليه حطت يدها على فمها بعد ماشهقت..
اميره: غاليه حبيبتي.. رشا مالها ذنب... محمد هو حب رشا..
غاليه والعبره خانقتها: يعني سوتها.. جت من الرياض تخرب علي؟!..
..

اميره: والله رشا مالها ذنب.. هو حبها لأنها محترمه ومتربيه..
غاليه جلست تصارخ: وش قصدك يعني ؟! انا مو متربيه..
اميره: اششش قصري صوتك ياغاليه.. ماله داعي تصارخين...
غاليه بنفس حالتها: ماراح اقصره.. ليه يعني انا ما مليت عينه.. محمد طول عمره اناني ومايفكر الا في نفسه..
اميره: لو محمد يحبك.. مراح ياخذك عقب الي سويتيه...
غاليه: من كثر ما انا احبه.. إن ماخليته ياخذني ماأكون انا غاليه..
اميره: اصلا محمد خطبها....
غاليه والدموع مخبيه وجهها وبصوت شبه للهمس
غاليه: خطبها؟!!!!!!!.....
اميره: ايه خطبها.. بس مابعد ردت...
غاليه: خطبها؟!!!! خطبها رسمي؟!!!!!!!!..........
اميره: هو قال لابوي وابوي قال لها وهي الحين تفكر...
غاليه بصوت عالي لدرجه ان هيا و منيره سمعوها...
غاليه: ليه يخطبها؟!!!!!!!!!!..... لييييييه؟؟؟!!!!!!!!!!!!!!!.....
اميره: هدي اعصابك ياغاليه.. مايستاهل هالصراخ السالفه ماتسوى...
غاليه: ماتسوى؟؟!!!!!!!!..... كيف يعني ما تسوى؟!!!!!!!!!.
ادري ان محمد يتزوج وحده غيري اقول ماتسوى؟!!!!!!!..
طلعو هيا ومنيره لغرفه اميره...
هيا ومنيره: وش السالفه؟!!
غاليه: شفتي يايمه.. شفتي محمد وش بيسويي فيني؟!!..
خالتي .. ليه ياخالتي.. ليه تخطبون رشا... وانا وين رحت؟!.. البنت اغلى ماعندها سمعتها.. وانا ضحيت بها علشان تجبرونه علي...
هيا: ياغاليه يابنتي الولد ماينجبر.. وبعدين هو الي اختارها انا مالي ذنب..
منيره: غاليه.. تعالي معي.. يالله بنروح للبيت...
غاليه: ماابي.. ماابي.. ابي اكلم اميره.. اطلعو برى..
منيره لفت على هيا: يالله ياهيا..
طلعو ونزلو تحت يتحسرون على حاله غاليه.....
غاليه: اميره... ابي ورقه وقلم...
اميره: ليه؟!..
غاليه بصوت عالي: ابي ورقه وقلم.. بسرعه..
اميره: ماعندي..
غاليه: اصنعي لي... بس ابي بسرعه...
طلعت اميره لفت غاليه لقت جوال اميره على كمدينتها...
خذته وجلست تدور بين الاسماء الى ان لقت الي تبيه خذت جوالها ونقلت الرقم ورجعت جوال اميره مكانه...
دخلت اميره ومدت لها ورقه وقلم...


# # #

دخلت الصاله وكانت ظلام...
لفت على جاسم...
رشا: خالي.. البيت هدوء وظلام...
ابتسم جاسم ابسامة شر...
رشا: وين خالتي هدى؟!!!...

فجأه..........

ولع النور..........
وتفاجأت بهدى
وسلمان << جدها..
وشيخه<< جدتها..
وسامي << خالها..
صرخت رشا لما شافتهم...

وراحت بسرعه تضم واحد واحد..

* * *
وش بيكون رد رشا؟!
* * *



رجع محمد وكان في غرفته... منسدح بينوم لانه مارجع الا الساعه 2 الليل......
لانه كان عارف ان غاليه مراح تستحي وبتدخل عليه تهاوشه....
حمد ربه كثير انه ماشافها...
رغم انه جلس عند راشد وخالد اكثر من اللازم... وكانو اثنيناتهم ينصحونه ينام عند واحد منهم....
<< مسببه لهم رعب هالغاليه..
جلس يتذكر لما قال له خالد
خالد: اتوقع ان غاليه مريضه...
وتذكر لما أكد له راشد: انا متأكد انها فيها حاله نفسيه... مستحيل تكون طبيعيه...
وجلس يفكر" معقوله اكون انا سبب حالتها النفسيه... الى متى وانا اطالع الناس وكأنهم حشرات.... لازم اتعاطف مع غاليه... وانسى كل الي صار... وابدا صفحه جديده معها.. اعاملها مثل اخت.. ولازم اكلم خالتي منيره علشان اعرض حالتها على طبيب نفسي.. صحيح راح تجيني اهانات.. بس بما انه انا سبب الحاله الي هي فيها لازم اتحمل..."
قطع تفكيره صوت الباب ينفتح..
اميره: عارفه.. الحين بتهاوش ليه ماطقيتي الباب.... بس انا نسيت.. تعودت إذا جيت ادخل على فارس كذا...
محمد ابتسم: عادي... تمونين...
اميره طيرت عيونها: غريبه!!!.. موب عادتك!!!..
محمد: تعودي.. بصراحه.. حاب اتغير.. فيني حماس... بصراحه انا وخالد رحنا لراشد.. مالقيناه في البيت.. سألنا اخوه قال في المسجد.. استغربنا لانهم خلصو من الصلاة العشاء... دخلنا.. وكان فيه شيخ يلقي محاظره.. شدني اسلوبه.. لاني حسيت فيه خشوع من الحظور.. رغم خفة دم الشيخ.. وكان موضوعه عن الغرور والكبر.. حسيت وكأنه يوجه الكلام لي.. ماأدري.. بس خفت.. خفت خوف مو طبيعي... لدرجة اني جلست اناظر يدي ترتجف.. خالد سألني وش فيك؟!.. بس من الخوف والتفكير مارديت عليه... وكان الكلام الي خلاني انفجر عليهم في المسجد يوم قال..
قال رسول الله صلى الله عليه وسلم " لا يدخل الجنه من كان في قلبه ذره من الكبر"
ذره من الكبر.. ماتدخلك الجنه.. فكيف انا الي كله كبر وغرور.. والشيطان طرد من الجنه بسب تكبره وغروره... لما قال هذي الكلمه حسيت اني شيطان.. بس انشالله من اليوم ورايح بيكون عندك اخو.. غير الي انتم تعرفونه"
ابتسمت اميره لماشافت الدموع في عيون محمد
مدت له ورقه..
محمد اخذها وجلس يقلبها...
محمد: وش ذي؟!..
اميره: مدري.. بس من غاليه..
محم سكت وفكر" وش اسوي الحين؟!.. أخذها على قد عقلها الين تتحسن حالتها.. بعدين اوديها للمستشفى.. ولا اشقها.. لا احسن اشقها علشان تحط في راسها اني مراح اكون لها"
شق الورقه نصين..
اميره: طيب كان قريتها.. يمكن تعتذر وتدعي لك...
محمد: مستحيل.. غاليه اعرفها ماتتغير..
اميره: براحتك.. بس بقولك شي.. سامي واهله نقلو من الرياض للشرقيه...
محمد حس شعور عادي.. بعكس اول.. إذا سمع اسمه على طول يعصب " بس هذا الشي مو معناه انه ياخذ اميره.. اميره متعوده على العز والفلوس وهو مراح يسوي مثل ماسوى ابوي لها..."
محمد: وش عرفك؟!..
اميره: توني مسكره السماعه من رشا...
محمد عدل جلسته: والله.. طيب موافقه؟!..
اميره: يقولون خوالها سامي وجاسم بنسأل عنك...
محمد: طيب هي قالت شي عني؟!..
اميره: سألت انت الي تبيها ولا ابوي...
محمد: وش قلتي؟!..
اميره: قلت لا هو.. لانه يحبك..
محمد مبسوط: ياسلام عليك ياختي.. انتي شي.. وش قالت؟!..
اميره: استحت..
محمد: طيب..هي.. هي.. هي موافقه؟!..
اميره: وليه ماتوافق؟! ولد عمها ويحبها ووسيم وغني..
محمد تدرين ولا لا...
اميره: لا.... ايه صح يا محمد.. انت قلت لها شي عن غاليه؟..
محمد: لا.. بس قلت لها لا تجيبين اسمها على لسانك انتي مستواك اعلى منها.. ليه؟!..
قالت له كل شي دار بينهم...

# # #

رشا : وش راييك ياخالي؟!..
سامي: مو انتي تحبينه؟؟.. خلاص..
رشا: احبه ايه.. بس ماادري حاسه ان غاليه هذي لها قصه.. هي الي خلتني اتردد..
سامي: تبيين رايي... استخيري..
رشا: صح.. كيف غابت عن ذهني...
خالي؟!!..
وش فيك ؟! حاسه ان عوينك مليانه حزن
سامي: مشالله على كل واحد حب أخذ حبيبته..
رشا: وعد ياخالي.. إذا تزوجت محمد بتتزوج اميره..

# # #

طلعت اميره من عنده..
وحط راسه على المخده..
بس رن جواله..
وكان رقم غريب..
محمد: الو.....
___: ____
محمد: الو.....
___ بتردد: الو... محمد..
محمد: نعم؟!..
___: انا غاليه...
محمد: غاليه... وش فيك؟!..
غاليه: انت خطبت؟!..
محمد: ايه ياغاليه.. وانتي الحين زي اميره اختي..
غاليه: زي اختك؟! طيب يامحمد..

طوط..
طوط..
طوط..
محمد ذبحه الفضول..
رتب الورقه وقرى..
{{{ محمد حبيبي..
إذا كنت تظن اني راح ابعد عنك إذا تزوجت..
فأنت غلطان...
حتى لو اخذت اربع...
~~محبتك~~
~~ غاليه- المجنونه~~ }}}
ابتسم محمد وحط الورقه بالدرج.. ونام..
<< على فكره الرقم الي خذته من جوال اميره مو رقم محمد.. رقم محمد مخزنته في جوالها من سنة نوح عليه السلام...<< يلعن ابو شكل المبالغه ياشيخ...
ولا بعد مسميه محمد في جوالها حبي...
وهذا الاعتراف منها شخصيا
هي الي قالت لي


# # #

دخلو عليها خوالها...
كانت توها طالعه من التواليت.. ماخذه شور...
ابتسمت لما شافتهم...
جاسم: نعيما...
رشا: الله ينعم عليك..
سامي: اقول رووش.. اليوم رحت شركة ابوك.. وتوظفت..
رشا: صدق؟!.. مبروك..
سامي: الله يبارك فيك.. وسألت عنه..
رشا: هاه وش قالو؟!
سامي: والله كلهم يمدحونه..
رشا: ماقالو انه مغرور؟!
سامي: الا فيه واحد قاله.. بس مو عذر انك تردينه..
رشا: لو برده مو علشانه مغرور.. بس خايفه من غاليه وقصتها..
ماخبو عني الا فيه شي..
جاسم: وانا سألت عنه في حارتهم.. صليت معهم.. لما خلصنا .. جلست اسأل.. ومسكت محمد وسألته.. انا وش دراني عمري ماقد شفت محمد هنا واصله.. المهم قلت تعرف محمد ولد صالح..
جلس يضحك بعدين قال ايه لاتردونه.. تراه يحبها..
يوم قال كذا طيرت عيوني
قالي انا محمد وجلست اضحك وسألني من انت .. قلت خالها جاسم من الرضاعه.. وزوج خالتها..
وجلسنا نسولف شوي..
رشا وسامي ماتو من الضحك
سامي: ترى هذا بقره يمشي ويسأل
جاسم: وانا ولد ابوي .. انا بقره ؟!.. افا ياسامي خليتني حرمه!!!
سامي: اسف اقصد ثور..
جاسم: ايه تعدل... على فكره تراني نسيبك.. والثور مايناسب غير سامي .. اوه اسف كاني غلطت في حقك اقصد مايناسب غير ثور
قالها وأشر على سامي..
جلسو يضحكون لانهم في البدايه استغربو ان جاسم ماردها لسامي بس جاسم مايجوز عن طبعه وردها بأسلوبه الخاص...
رشا: اقول خالي جاسم.. كيف شفت محمد
جاسم: مره فظيع..
سامي: يمكن يستعرض..
رشا: يمكن ليه لا..
سامي: استخرتي؟!
رشا: ايه .. والصراحه ارتحت لمحمد...
جاسم: تبين رايي؟.. وافقي... بصراحه حبيته .. ومرتاح له..
رشا: وانت ياخالي سامي؟!..
سامي: رايي مو مهم..
جاسم: اقول بلا حركات الشخصيه الضعيفه..ولا تقعد تسوي فيها بطل مسلسل..
سامي يضحك: والله محد فاهمني غيرك ياجسوم..
رشا: خالي رايك مهم وقول..
سامي: انتي عارفه اني انا وياه على خلاف..
قاطعته رشا: خل الخلاف على جنب.. وانسى.. وتخيل محمد ماتعرفه..
سامي: بالنسبه لي.. اتمنى كل واحد يحب وحده يتزوجها..وإذا كنتي تحبينه ويحبك وافقي..
رشا: الحب مو كل شي ياخالي..
سامي: تبينه؟!!!...
رشا سكتت.. نزلت راسها مستحيه...
جاسم يضحك: يستحون....
سامي : السكوت علامة الرضا...
رشا: ابوي سلمان والباقي وش يقولون؟!
سامي: كلهم يقولون الراي رايها هي..
ابتسمت رشا: خلاص الي تشوفونه...


# # #

نزلت اميره لقت كل اهلها جالسين...
اميره: بصراحه البيت بدون رشا مو حلو...
محمد: صادقه.. البيت بدون رشا.. كالبيت بدون رشا...
ضحكو كل الي في الصاله...
فارس: سؤال يا محمد شلون نجحت في البلاغه؟!..
اميره: شوفو من تكلم.. بصراحه مافيكم واحد طلع ناجح في دراسته في هالبيت غيري..
محمد: ياربي.. وش شهادتك عاد؟! دكتوراه؟!!!!
اميره: لا البكلريوس احسن من ثانوي...
صالح: لولا الله ثم الشركه كان الحين حالتكم مثل بعض الشباب يدورون بأوراقهم من مكان لمكان...
فارس: الحمد لله... لولا الله ثم ابوي وعمي فهد الله يرحمه.. وابراهيم صديق ابوي كان حنا ضعنا...
وهم جالسين يسولفون رن التلفون...
قام محمد ورد...
محمد: الو...
غاليه: الو.. محمد؟!..
محمد: ايه.. من معي
غاليه: غاليه... كيفك يامحمد؟!..
محمد: الحمد لله تمام..
<< ولأول مره تسأله كيفك؟!
ويرد عليها زي الناس...
غاليه بدون نفس: كيف حال رشا؟!..
محمد: مابعد جت.. انشالله بكره..
غاليه: وافقت؟!!..
محمد: مابعد ردو علينا...
غاليه: لانهم ماعرفو قدرك.. فيه احد يتقدم له محمد.. ويجلس يفكر!!!..
محمد: هذا زواج.. مو لعبه..
غاليه: ولو... يحق لها تفكر إذا كان اي واحد الي متقدم لها.. مو محمد.. لوك متقدم لي ماجلست مثلها...
محمد: اقول غاليه.. تبين اميره؟!!..
غاليه: تتهرب مني؟!.. اوكيه وين اميره...
محمد كان داخله صراع وده يرد عليها رد يسكتها كالعاده.. بس إذا تذكر اتفاقه مع نفسه سكت..
مد السماعه لأميره...
اميره: الو.....
غاليه: من احلا انا ولا رشا؟!!!
اميره: بسم الله.. الواحد يسلم.. يسأل عن الاحوال.. كذا على طول!!!!...
غاليه: من احلا؟!!!!!!.....
اميره: تبين الصراحه... رشا ملكة جمال...
غاليه: من احلا؟!!!!...
اميره: رشا احلا...

طوط...
طوط...
طوط...
طوط...

اميره تناظر السماعه...
اميره: الحمد لله والشكر...
وقف محمد...
وطلع...
راح يتمشى في الحديقه...
شاف المسبح...
وحب يتسبح شوي...
جاب فوطته وكان لابس شورت السباحه...
دخل في المسبح نطة صاروخ...
وجلس يتسبح...
وقف وكان هدوء..
غمض عيونه واخد نفس طويل....
كان شعره طايح على وجهه.. ويقطر مويه...
فتح عيونه وكان قدامه اميره..
محمد: من مته واقفه هنا؟!..
اميره: قبل شوي...
عم الهدوء في المكان... رفع راسه.. وشاف القمر..
كان بدر..
جلس يناظر النجوم الي حول القمر كانت كثيره ...
ويفكر" تأخرتي يا رشا.. خايف ان هذا التأخر وراه شي.. لايكون رافضه.... ودي اعرف رايها فيني....."
اميره: مجنونه....
محمد: مين؟!...
اميره: غاليه..
دخل عليهم فارس....
فارس: ابصم بالعشره إذا كانت مو طبيعيه..
محمد: ايه والله اقوله بس خايف إذا قلته لهم قالو لي انت مغرور وماادري ايش..
فارس: واضح.. اوضح من عين الشمس.. الي مستغرب منه خالتي كيف مالاحظت...
محمد: شوفو... بنكلم امي تكلم خالتي...
اميره: تحملو الي بيجيكم امي ماتعرف في هالاشياء..
محمد: لازم اكثر واحد يتحمل انا... لأني انا السبب...
فارس: ولو.. كلنا بنفزع.. نسيت انها بنت خالتي...
سكتو كلهم...
اميره: فارس توديني للسوق..
فارس: الحين توك رايحه...
اميره: ايه بس باقي اكسسوار بسيط...
فارس: سوري.. بنروح انا وربعي للكورنيش..
اميره: طيب انت يا محمد..
محمد توه طالع من المسبح ولف الفوطه على خصره......
محمد: بشوف...


# # #

سامي في السياره ومعه رشا...
سامي: الحين ذاك اليوم رايحه للسوق.. ماخلصتي؟!!
رشا: لا.. صارت سالفة البنات وضاق السوق علي رغم كبره...
رن جوال رشا..
وكانت المتصله اميره..
رشا: اهلين اموره...
اميره: اهلين رويشه.. كيفك؟!
رشا: الحمدلله تمام.. كيفك انتي؟!
اميره: بخير... بس بسألك عن محمد
رشا مرتاعه: محمد.. محمد وش فيه؟!
اميره جلست تضحك.......
اميره: اصبري خليني اكمل..
رشا جلست تضحك.......
اميره: اقلقني في عيشتي... إذا طلبت منه شي قال اول علميني رشا موافقه ولا لا... وإذا قلت مدري قال كذابه انتي عارفه بس ماتبين تعلميني....
يوووه..
اقسم بالله نشبه..
قولي وانقذيني..
رشا تضحك: مراح اقول... خليه يبرد قلبي فيك...
اميره: ياشينك يارشا... يالله قولي...
رشا مستحيه: مالك دخل.. هذا شي ما يخصك...
اميره: اشم ريحه حيا.. هاه؟!!
رشا: بصراحه محمد ماينرد...
اميره:موافقه؟!..
رشا: بس اصبري لاتعلمين محمد.. بيقول وش ذي ماصدقت..
اميره: رويشه.. لو محمد يسمعك ذبحك.. طول كلامه عنك.... طولت.. خايف..وماأدري ايش..
رشا: المهم لاتعلمينه.. قولي له لين الحين تفكر.. يالله عاد سكري ترانا وصلنا ...
اميره: صحيح ان اللقافه شبت فيني وينك فيه؟! ومن معه؟! وليه؟! ومن متى طالعه؟! بس بكره في الجامعه علميني....... باي..
رشا: باي...
سكرت السماعه لما وقف سامي سيارته...
التفت عليها..
سامي: الحين انتي موافقه؟!!..
رشا هزت راسها: احبه..
ابتسم سامي.. ونزل..


# # #

ركبت السياره مستعجله...
اميره: لا تهاوش... ماتأخرت...انت الي طلعت بدري..
محمد مبتسم: مراح اهاوش.. اي سوق تبين؟!..
اميره: الراشد..
ضلو ساكتين طول الطريق..
محمد: دقيتي على رشا..
اميره: ايه..
محمد: كيف حالها؟!..
اميره: الحمد لله.. مبسوطه..
محمد: سألت عني؟!!
اميره: انا ماعطيتها فرصه.. سألتها عنك...
محمد بحماس: والله!!!!..... وش قالت؟!
اميره: تفكر...
محمد: يوووه... طولت ماصار تفكير..
اميره: بسم الله على اخوي.. بيموت.. له سنين ينتظر موافقتها..
محمد: الساعه عندي سنه.. وانتي عاد احسبي..
ابتسمت اميره وهي تشوف اخوها غرقان في حبه...


# # #
داخله محل الاكسسوار.. وخالها يتأفف...
رشا: خالي شف هذا الخاتم
وش رايك؟!
سامي بدون نفس: زين...
رشا: وش فيك؟!... تتكلم بدون نفس..
سامي: مليت..
رشا: محد غصبك تجي.. انا كذا يالبنات حطنا في محل اكسسوار وإنسانا...
سامي: طيب لقيتي شي هنا...
رشا: اممم تقريبا لا.. يالله نطلع..
طلعو.. وشافو محمد معه اميره... بس ما انتبهو لسامي ورشا....
رشا وسامي: مو كأن هذا محمد...
رشا: لين الحين تذكر ملامح محمد...
سامي: مانسى هالوجيه ابد....
رشا: خالي... مو محمد خطيبي...
سامي: ايه.. ليه وش ناويه عليه؟!..
رشا: ابي اختبره...
سامي: لحظه.. لحظه... هذي هي اميره؟!!
رشا: ايه
سامي جلس يناظرها وقلبه يدق... بس حس ان السوق ضاق عليه.. فرح انه شافه.. بس حس بشعور غريب..
يمكن خوف من المستقبل.. خوف من انه يشوفها مع واحد ثاني... ليه حبها وهو عارف الفرق الي بينها وبينه... هي وين.. وهو وين..
بس القلب... القلب الي اختارها.. حبها من اربع سنين... لما كانت تدرس في الثانويه.. لما كان سامي توه جاي من السفر .. لما تقابلو صدفه.. لما كانت جايه لبيتهم هي و ابوها وامها.. يزورون رشا... ولما دخل غرفه رشا..
وكانت اميره معطيه الباب ظهرها.. وماسمعت الباب ولاتدري ان احد دخل.. وسامي داخل.. وشافها.. وكان شعرها وجسمها ولونها البرونزي وكأنها رشا.. حط يده على عيونها.. في البدايه ضحكت وهي تقول.. وخري يدك..
حس سامي ان الصوت مو صوت رشا.. تمنى انه يظل حاط يده علشان ماتعرفه... وقتها ماعرف وش يسوي.. حطت يدها الناعمه على يده.. وحست انها يد رجال..
على طول وخر يده..
والتفتت..
وكان قمر قدامه..
ملاك على هيئه بشر..
جمال رباني...
طلع بسرعه.. وماكان وده يطلع.. وده يجلس يكحل عيونه بشوفتها... ومن ذاك اليوم الا اليوم وهو مجنونها...
رشا: خالي.. وش فيك؟!.. وانت من تسمع اسمها ولا تشوفها على طول تروح عالم ثاني...
سامي: _______.
رشا: ساعه اكلمك مو معي...
سامي: وش كنتي تقولين؟!..
رشا: انت اجلس وشفني..
جلس سامي على كرسي...
رشا: تلطم.. علشان مايعرفونك...
تلطم وجلس...
كانت اميره داخله محل..
ومحمد واقف عند الباب..
مادخل....
جت رشا قدامه....
رشا غيرت صوتها: لو سمحت.. ممكن نظره...
ناظرها محمد بطرف عينه ولف...
رشا بدلع: طيب كلمه....
مارد عليها...
رشا: طيب بسمه....
محمد معصب: والله ان مارحتي من قدامي لأفضحك...
رشا: طيب بروح.. بس لاتعصب...
راحت رشا من عنده مبسوطه...
سامي: انتي وش سويتي؟!
رشا: اختبرته.. ونجح في الاختبار.. تدري خالي الحمدلله انا متغطيات..
سامي يضحك: صادقه.. لأنه ياما تحت البراقع ضفادع..
رشا: وش تقصد؟!..
سامي: ابد.. مااقصد شي.. تعالي بس عند المطاعم .. تراني ميت من الجوع ..
رشا: يالله ..
راحو عند المطاعم .. طلبو .. وتعشو .. لما جو بيروحون..
قابلوهم مره ثانيه..
محمد لما شاف سامي.. ابتسم.. بس مو من قلبه.. بس عرف ان الي معه رشا.. فحب يستعرض عندها.. مد يده.. وتصافحو..
محمد لف عيونه وجلس يناظر رشا...
سامي لف عيونه وجلس يناظر اميره ...
محمد: كيف حالك يابنت العم؟!..
رشا مستحيه: بخير الحمدلله..
كان في عيون سامي كلام كثير لاميره..
هالشي لاحظه كل الثلاث
محمد ورشا واهم شي اميره
الي عيونها غرقانه من الدموع...
سامي: يالله استأذن...
راح ومعه رشا......
ركبو السياره...
وساق ..
سامي: احبها... كل يوم اقوم الاقي نفسي احبها اكثر من اليوم الي قبله.. بس احس فيه بيني وبينها حواجز..
اخوها.. الفلوس الي مصروفها لحالها.. دبل راتبي 3 مرات..
وش اسوي... وش اسوي...
الله يلعن الفلوس.. استغفر لله.. ياليتني ماجيت وشفت عيونها.. بس الحب مااقدر اهرب منه لو اروح لأبعد البلدان.. راح اضل احبها.. هذي مو ميزه فيني .. هذا عيبي.. اني لما حبيتها.. اخلصت بشكل اني ماابي اتزوج غيرها.. بس مايذبحني غير الحاح امي علي..وابوي صحيح ساكت.. بس احس في عيونه.. انه يبيني اتزوج اليوم قبل بكره.. وانا ماالومهم.. ولدهم الوحيد.. من بين البنات...بس انا مابي غير بنت عمك يارووش.. إذا تملكتي على محمد.. ارجعي اسألي اميره.. إذا الين الحين تحبني.. بخطبها.. وإذا غيرت رايها فيني.. بأشوف لي دكتور نفسي.. لأني اكيد بأنجن..
خلاص؟!..
ماردت رشا عليه..
سامي: خلاص؟!..
ماردت
التفت سامي لقاها.. مرجعه الكرسي ورا.. ونايمه...
جلس سامي يضحك على نفسه لانه من ركب وهو يكلم نفسه..

# # #

هدى داخله غرفه رشا... تقومها تروح للجامعه...
هدى: رشا.. رووش.. يالله قومي.. روحي للجامعه..
وتسحب الفراش من على وجهها.. ولعت النور....
رشا تخبي عيونها عن النور...
هدى: ماتبين تروحين لبيت عمك وتشوفين محمد؟!..
رشا من سمعت اسم محمد نقزت واقفه...
هدى جلست تضحك على رشا..
وطلعت..
لبست وطلعت..
لقتهم يفطرون..
جلست تفطر معهم ..
رشا: خالي سامي... توديني للجامعه؟!..
سامي: سوري رووش..بس تعرفين هذا اول يوم اداوم فيه في الشركه.. ومايصلح اتأخر.. سوري...
جاسم: ولايهمس يارووشه.. انا اوديس..والله صار خوال الرضاعه.. انفع من الخوال الاصليين...
سامي يتهزى بجاسم: ولايهمس.. اوديس.. انقلع بس يالخرجاوي..
رشا: والله الخرجاويين احسن منك...
سامي: افا يارووش... تفزعين مع خالك المزور.. وتتركين خالك الاصلي... وينك يانوره يااختي تشوفين بنتك كيف راحت لأخوك من الرضاعه.. وتركت اخوك الصدقي..
جاسم: ايه اخوها الاصلي.. مانفعها...
رشا: خلاص.. خلاص..كلكم خوالي واحبكم
وقامت وحبت كل واحد على خده
رشا: ماعليه خالي سامي وداني امس للسوق... واليوم خالي جاسم...
كلكم ما قصرتو.. والله يخليكم لي...
جاسم: يالله مشينا؟!..
رشا: يالله..


# # #

اميره جالسه في الكافتريا.. ومعها منال..
منال: بنت عمق من وين جت؟!
اميره: من الرياض...
منال: كانت في الجامعه في الرياض؟!..
اميره: وش رايك يعني كيف وصلت ثالث؟!..
ضحكت منال على نفسها...
منال: حابه انرفزك... لأني عارفه انك تكرهين الاسئله...
اميره وهي تضحك: حسبي الله عليك...
فجأه...
حست بيد ظربت ظهرها بقوه ....
اميره لفت وراها...
وصرخت: رويييشه؟!؟!؟!؟!.....
رشا: اهلين بعد عمري
ضمت اميره رشا...
اميره: البيت بدونك ماينطاق..
رشا: تسلمين ياعمري... كيف حالك؟!
اميره: ماصرت بخير الا لما شفتك...
رشا وهي تغمز لأميره: كيف حال محمد؟!....
اميره: هييييه... ياهو اليوم فرحان .. فرحان.. فرحان فرح عمري ما شفته بهالفرح..
رشا: الله يديم عليه الفرح بس ماقلتي لي ؟!..
اميره: ليه!!! بردتك للبيت طبعا...
رشا: يابعد عمري والله...
اميره: انتي وش اخبارك؟!..
رشا: الحمدلله تمام... بدام خوالي وعمي اجتمعو... خلاص بكون تمام بأذن الله...
اميره مستحيه: كيف حال سامي؟!!!..
رشا تضحك: امس من ركبنا وانا عارفه انه بيكلمني عنك وبيوصيني عليك.. عاد انا وش سويت؟!.. رجعت الكرسي.. وسويت نفسي نايمه.. ويبربر..ويبربر.. وانا امثل الدور بكل براعه..لما التفت وشافني نايمه جلس يضحك على روحه... ظليت ماسكه روحي.. الين ماوصلنا.. وقومني ورحت لداري .. ومت من الضحك عليه ..
اميره معصبه: حسبي الله عليك.. حرام عليك..
رشا تضحك: يالله بداء الدفاع المدني يشتغل في مهمته...
بس من جد.. انا المفروض احصل على جائزه الاوسكار على تمثيلي..
اميره جلست تضحك...
منال وهي رافعه يدها: نحن هنا....
لفو عليها... وابتسمو...
رشا: انتي اكيد منال..
منال مبتسمه: يقولون كذا..
سلمو على بعض...
منال: ازعجتني اميره عنك..
حتى في التلفون إذا دقيت عليها لما كنا في العطله..
عندي سواليف.. وهي رشا قالت.. رشا عندها.. رشا سوت..
تحمست اشوف هالرشا...
واخيرا شفتها..
بس انا الي اشوف ملاك على هيئه بشر..
اشوف قمر..
غزال.. مشالله تبارك الرحمن..
ما الوم محمد ينجن عليها مثل ماقالت لي اميره..
استحت رشا من كلام منال..
رشا: شكرا... هذا من ذوقك.. بس احيانا المجاملات ترفع معنويات بعض الناس...
منال: لا والله مو مجامله.. من جد ملكة جمال...
نزلت رشا عيونها من الحيا...
رشا: عيونك الحلوه...
منال وهي تقلب عيونها: افهم من كلامك ان عيوني ساحره..
ضحكت اميره: من جد انتي ...هذا كلام يقولونه الناس..
منال تكش على اميره: بسم الله على قلبك ياعيون المها...
رشا تضحك: لا تهمك يامنال..بالعكس.. اول ماشفتك جذبتني فيك عيونك... عسليه صح؟!
منال: لا زرق.. وش تشوفين يعني...
اميره: ياشينك يامنالوه... إذا مدحك احد تضيعين وجهك...
جلسو يضحكون...
منال: بالعكس... انا احب العيون السود مثل عيونك يارشا...
اميره: صادقه... انا ومحمد الوحيدين في العائليه عيوننا عسليه.. بس رشا وفارس عيونهم سود... مشالله ورموشهم كثيره... وعيونهم وساع.. مشالله تجنن..
رشا: بالعكس العيون العسليه احلا...
اميره: ايه بس علشان عيون محمد عسليه...
منال: لا.. حنا كذا.. محد يعجبه شي.. ابن ادم مايملى عينه الا التراب...
رشا واميره: صادقه...


# # #

مر وقت وهو على هالحال...
يدور في مكتبه.. يناظر الساعه..
جلس على كرسيه..
ورجله تطق طق الارض....
ناظر الساعه..
تشر على 5 و 1 ...
باقي نص ساعه على موعدهم..
طلع من مكتبه...
وركب سيارته....
جلس يناظر نفسه مع المرايه..
طلع الموس من الدرج..
وجلس يرتب سكسوكته...
رتب شكله..
عدل شماغه..
وشغل المكيف علشان تبرد السياره..<< على فكره سيارت محمد يوكن 2006 سودا......
جلس يدور بين الاشرطه...
لقى شريط تامر حسني..
دخل الشريط وجلس يعيد ويقدم .. الى ان وصل للاغنيه الي يبغاها...
ناظر الساعه صارت 2 الاربع...
باقي ربع ساعه ويكون موعد طلعتهم...
ضغط على البنزين متوجه للجامعه..
وقف عند المكان الي اتفق عليه مع اميره ...
رش ثوبه بالعطر ...
رش على المرتبه الي ورى ...
رش عند المكيف علشان تنتشر الريحه...
من شاف بنتين يمشون مع بعض..
ابتسم من الفرحه..
بس هالبنتين ركبو سياره ثانيه...
سكر فمه ببطء ...
تنهد..
جاه النوم مع الهدوء والجو البارد ...
غمض عيونه...
ورجع راسه لورى...
فتحو الباب..
فتح عيونه...
وعلى طول لف للمرتبه الثانيه...
ابتسم لما شافها...
اميره خذ نفس: الله.. عطر جديد؟!...
محمد: ايه...
رشا: سوري محمد... واضح إنا تأخرنا عليك...
محمد:
تدري الصبر في بعدك عذاب...
وتدري إنك في عيوني وافقدك...
وادري انك ماتأخرت بغياب ...
بس انا الي دايم اسبق موعدك...
وجه رشا طلع << كأنه دراعة امي...
احمر
اميره تصفق: الله.. الله على الرومنسيه..
ابتسم.. وشغل المسجل...
تامر حسني- مايحرمنيش منك
حبيبي وانا جمبك..
تعرف بحس بأيه..
وانا في حظن ألبك..
ببأء عايز اقولك ايه..
يامحلى الدنيا وانا جمك..
ياكل منايا محتجلك...
حبيبي ياعمري ماتسبنيش..
وحياة اغلى حاجه عندك..
ومايحرمنيش منك..
ومايبعدنيك عنك...
طول الوقت ساكتين...
محمد: اميره.. أ أ.. شفتي..أأ..
اميره: وشو يامحمد؟!..
محمد : اشرطتك حقت راشد الماجد كلها في غرفتي..
اميره شهقت : ليه؟! كل شي ولا راشد الماجد..
محمد : حبيت اسمع بعض اغانيه..
اميره : لا ياحبيبي لا..خصوصا السندباد..لا تتعرضه..
محمد : تبينه..تلاقينها بغرفتي..روحي خذيها..
وقف السياره عند باب بيتهم..
نزلت اميره تركض..
رشا توها تفتح الباب
محمد: رشا......
لفت جلست تناظره...
محمد: انا فبركت قصه الاشرطه علشان تخليني اكلمك براحتي...
نزلت رشا راسها...
محمد: انا ضايع...ابي اعرف انتي موافقه ولا لا... إذا كنتي موافقه..اسكتي... او اتركي لي ورقه بغرفتي..ولك مني اني ادور نص ساعه فيما تكتبين وتحطينها... وإذا كنتي مو موافقه... قولي لي الحين.. او اتركي لي ورقه في غرفتي.. ولك مني اني مراح اكلمك في الموضوع مره ثانيه.. رغم اني بتعذب.. بس مراح ازعجك.. وانسي اني خطبتك.. بس لاتخليني كذا..
ماادري وش مصيري .. وانا سمعت انك حنونه وطيبه ومراح تخليني ضايع اكثر...
استحت رشا ونزلت من السياره...
التفتت وجلست تناظره...
كان محمد مبتسم...
دخلت سكرت باب الشارع ...
شالت برقعها من على وجهها
وتنهدت وهي مبتسمه ...
على طول راحت متوجهه للحديقه ...
جلست عند ورده جوري حمراء ... وعليها قطرات من الندى .. قطفتها.. وشمتها...
فجأه...
اميره: على بالك صدقت سالفة الاشرطه.. عارفه انها خطه من خطط محمد علشان يكلمك.. بس وش قال؟!.. وليه ماقال قدامي؟!.. وش الكلام الي قاله وخلاك كذا؟!.. لا غيرتي ملابسك..
وعباتك على كتفك.. طايحه من راسك ومادريتي عنها.. وطرحتك بعد على كتفك .. وبرقعك في يدك ..والورده في يدك الثانيه.. وقمة الرومنسيه تقطر مع حراره الشمس.... وش السالفه؟!
ابتسمت رشا ابتسامه وهي ذايبه....
قامت وهي تشم الورده ..
رشا: مو شغلك.. خطيبي ويكلمني.. عندك مانع؟!
دخلت العماره..
دخلت غرفتها..
ورمت نفسها بسريرها..
وابتسمت ابتسامه كبيره ..
غمضت عيونها وجلست تتذكر كلامه معها.. والقصيده.. والاغنيه.. نظراته.. ابتساماته .. طريقه كلامه ..تحبه.. تحبه بكل مافي هالكلمه من معنى او اكثر...
قامت ..
وخذت كرت وكتبت فيه
{{{ دقات قلبي..
غير احسها..
احسها بصدري ..
واحس انا بتغير..
ياليته من بدري..
شعور حيرني فجأه..
وغيرني ..
توني احس انه..
توه بدا عمري..
حب وسعاده دووم..
فرحه بدت هاليوم..
لما سمعت اليوم..
دقاته في صدري..
محمد...
انا موافقه ..
مو بس علشانك ولد عمي بس......
علشاني احبك...
~ رشا ~}}}
بخت على الكرت من احسن عطوراتها..
وخذت الورده الجوري.. الحمراء.. الي مليانه قطرات الندى..
وحطتها وسط الكرت بعد ما باستها...
رمت عباتها على سريرها ورمت معها شنطتها..
طلعت ودخلت غرفة محمد..
الي لقتها قمه في النظافه..

فراشه على الارض..
والاشرطه متناثره على الارض..
والكرسي طايح على الارض..
وسادات الاريكه على الارض..ملابسه الي كان لابسها على سريره..
وشماغه على الارض.. سمعات الجوال وسماعات الكمبيوتر والشاحب متشابكه مع بعض..
وطايحه على الارض..
حطت الكرت على التسريحه..
ولفت مره ثانيه على الغرفه ..ضحكت لما شافتها..

وقررت........


# # #

دخل البيت..
وطلع لغرفته..
لاكن الى دخلها مو غرفته الي تعود عليها..
طلع منها وجلس يناظر الغرفه الي جمبه..
بس تأكد انها غرفته دخل مره ثانيه..
توه يعرف ان غرفته بالجمال هذا..
بس كان يخبيها بالأشياء الي إذا طاحت في الارض..
مستحيل يشيلها..
ابتسم...
سكر الباب وهو يتلفت على الغرفه ..
اخذ نفس شم ريحه عطر في الغرفه..
لمح كرت على التسريحه..
مد يده الي تترجف..
وخذه ..
فتحه وشاف الورده ..
فاحت ريحه نفس العطر الي في الغرفه في الكرت..
جلس يقرا وهو متشقق..
فجأه...
صرخ: ييييياااااااااااااااهههههههوووووووو...........
عرف ان الي منظف الغرفه ومخليها تفتح النفس...
رشا...
محمد: وانا اقول انا مانع الخدم يدخلون غرفتي ..
وش قلبها كذا؟!..
اثاريها رشروشتي..
رشروشة قلبي..
آآآآآه يلوموني فيها.....

الجرء الثامن
* * *
الــمــلــكــــه
* * *

بعد مرور ايام واسابيع...
سكرت منيره السماعه..
ووجهها اسود..ومحزنه..
متعب: وش فيك يامنيره؟! من مات؟!
منيره: وش مات بعد انت؟! فال الله ولا فالك...
وجهك شر علي اليوم...
وش جابك؟!
كان جلست عند ست الحسن والجمال..
متعب: خير .. اشوفك قلبتي السالفه علي.. خير وش صاير؟!..
منيره: محمد..محمد ولد اختي هيا.. ملكته على رشا بكره.. ويقولون عائليه..
متعب: وخير ياطير.. الف الحمدلله والشكر.. والله يوفقهم..
منيره: وبنتك..ولا نسيت غاليه من تزوجت على امها بنت السنع والاصول..؟!..
متعب: وانتي من جدك تنطرين محمد يتقدم لبنتك؟!
منيره: وش فيها بنتي؟! بنتي الف من يتمناها..
متعب: الالف هذولي شيلي منهم محمد..
محمد مستحيل يفكر فيها عقب ماسوودت وجهنا.. بنتك هذي....
قاطعته منيره: بنتك .. بنتك.. وكأنها بنتي بروحي .. ولا نسيت انها بنتك عقب ماتزوجت؟!..
متعب يحاول يمتص غضبه: بنتي مانسيتها.. بس بنحاول ننسى الي سوته للولد العام...
منيره: مو هذي المشكله.. المشكله ان غاليه تحب محمد حب مو طبيعي..
ولا محمد قال انه راح ينسى ويفتح صفحه جديده...
الله يعيني على هالبنت...
متعب: بروح اقول لها..
يمكن اسلوبي احسن منك..
ويمكن لاني مو دايم عندكم بتستحي مني...
طلع فوق
منيره تكلم نفسها: هه.. مااستحت من محمد لماشققت هدومها...
ولا استحت من العالم على فضيحتها السوداء..
تستحي منك..
هه مالت عليك..
وعلى الي ماتنتسمى يارا..
وعلى بنتك..
اجل قلو بنات السعوديش علشان تاخذ سوريه..
هه مالت علي وعلى حظي...


# # #
غاليه جالسه على كرسي هزاز..
ولامه رجولها على صدرها..
وشعرها طايح على وجهها..
وتاكل اظافرها..
وتهز الكرسي..
ومطفيه النور..
دخل عليها ابوها..
ناظرته ولفت صوب الجدار..
ولع النور..
متعب: افا ياغلويتي.. فيه احد يقابل ابوه كذا!!!..
من اسبوع ماشفتك.. وكذا الاستقبال؟!...
قومي يالله سلمي علي...
غاليه وهي ملتفته صوب الجدار: __________.
متعب: طيب لاتقومين.. سلمي وانتي جالسه..
غاليه بنفس حالتها:_______.
متعب: طيب ابتسامه؟!..
غاليه بنفس حالتها: ______.

متعب: حتى نظره؟!.. ناظري ابوك الي مشتاق لك...
غاليه بنفس حالتها: انت مو ابوي..
متعب: افا.. إذا كنت انا مو ابوك.. من ابوك؟!
غاليه: ابوي مات...
متعب: طيب من انا؟!
غاليه: انت زوج يارا السوريه..
متعب مبتسم: اموووت على البنات الي يدلعون على ابوهم.. محد يدلع على ابوه الا الي يعرف غلاته..
غاليه: اناماعرف غلاتي عندك...
متعب: انتي ماعطيتيني فرصه.. كل ماقلت لك كلمه.. سكتيني..
غاليه: لوك تحبني ماتزوجت على امي...
متعب: انتي ماتبين اخو او اخت يوسعون صدرك؟!..
غاليه: الا..
متعب: انتي عارفه ان امك جاها مرض منعها من الحمل؟!..
غاليه: الا عارفه..
متعب: طيب كيف اجيب لك اخوان؟! وبعدين هذا حق من حقوقي..
صح ولا انا غلطان...
غاليه: طيب ليه ماأخذت سعوديه؟!
متعب: النصيب..الزواج يابنتي قسمه ونصيب..
غاليه: _____.
متعب: كل واحد في هالدنيا.. مكتوب من بياخذ ومن بيتزوج..يعني انا مكتوب اخذ منيره امك..ويارا..
وانتي مثلا مكتوب واحد ثاني..
وخالتك هيا خذت صالح..
ومحمد مثلا مكتوب ياخذ رشا..
غاليه طيرت عيونها
وقفت...
غاليه صرخت: كييييييييف؟!؟!؟!؟!.....
متعب: لا لا لا..شوي شوي..
غاليه: ليه يامحمد؟! ليه تاخذها؟! وانا وين اروح؟!
من لي بعدك يامحمد؟!..
في لحظه صراخها..
طاحت عليهم...
وداها ابوها وامها للمستشفى..


# # #
شيخه: اقول ياهدى.. رووش بكره بتصير حلال عليه...؟!...
هدى: انشالله يمه..
كانو خالاتها مجتمعين
ساره وبناتها من الجنوب
طبعا هم شرقاويين.. بس العسكريه حطتهم هناك...
ومنى وبزرانها من الحجاز..
زوجها نجدي وهي شرقاويه بس نفس الشي العسكريه
على فكره زوج منى جاب واسطه ونقل للشرقيه وزوج منى معروف بالواسطات فطلب زوج ساره منه نقل للشرقيه
بس الا الان مابعد جاهم الرد << بس هذا وجهي ان مانقل في هذا الزمن كل شي بالواسطه يمشي..<< اسأل مجرب.. الي هو انا...
ساره تتكون عائلتها من
بنتها فجر في ثالث كليه 22 سنه ..
بنتها سحر في ثالث ثانوي 18 سنه..
وبنتها ريما في سادس 12 سنه..
وبنتها ود في اولى 7 سنين
وساره يسمونها ام البنات بس العيب من زوجها..
منى تتكون من
ولدها ثامر في ثاني متوسط 14 سنه..
وشيوخه في خامس 10 سنين..
وزياد وإياد تؤام في الروضه...

~.~.~.

فجر وسحر ورشا في غرفتها..
سحر: طيب محمد حلو؟!..
فجر وهي تضرب كتف سحر: وش دخلك؟! يمكن شيفه.. لاتفشلين البنت..
ضحكو كلهم الا رشا..
رمت رشا المخده على فجر وهي تقول: شيفه في عينك..
الا محمد قمه في الوسامه.. ياااي.. يجنن.. يقول للقمر قوم واخد مكانك..
سحر: بس القمر يقول وعع انا اقوم علشانك تف عليك
ضحكت هي وفجر..
رشا: ماالومكم لانكم ماشفتوه بس لو تشوفونه انهبلتو..
ماشفتو والله العظيم مره جوه معجبات بس قالهم اني انا خطيبته حتى قبل مايصير شي..
سحر: الله.. الله.. شوفي يارووش.. بكره بدخل اشوفه إذا صلح لي بأخذه.. ماعلي منك..
فجر: وإذا ماعجبك.. لاتنسين اختك الكبيره.. ترى انا استقبل..
رشا: وش استقبل بعد انتي... حاطين خطيبي بلوتوث؟!..
دخل سامي...
صرخو سحر وفجر: خالي؟!!!!!........
سامي: لا ابوك سلمان.. وش تشوفون قدامكم؟!..
ضحكو وقامو يسلمون عليه..
سامي: وجهك يارووش واضح ان هالثنتين جالسين يلعبون بأعصابك كالعاده.. وانتي على طول مصدقه.. شوفي حبيبتي..اسمعي من هالاذن وطلعي مع الاذن الثانيه.. اوكيه يا قلبي...
ابتسمت رشا: اوكيه.. خالي تدلعني علشاني عروس؟! ولا علشان شي ثاني..
سامي: الاثنين...
قالها وطلع..
فجر: وش الشي الثاني؟!..
رشا: تبين تعرفين؟!..
سحر: اكيد.. مو خالي ولا استحليته في غيابنا
ترى ارفع عليك قضيه عند ابوي سلمان...
رشا: محد قال لكم غيبو..
فجر: على بالك مستانسين في الجنوب..
الغربه شينه..
رشا: صادقه..بس مراح اقول لكم...
سحر رمت على رشا المخده..


# # #

اميره وهيا... في الصاله..
دخل عليهم محمد..
معه ثوبه جايبه من الخياط..
محمد: السلام عليكم..
اميره وهيا: وعليكم السلام..
محمد: يمه.. انا وابوي كلمنا زوج هدى.. خالها جاسم..
وزوج خالتها منى احمد..
وزوج ساره ناصر...
وقلنا لهم الملكه في بيتنا...
اميره: وافقو؟!!!!!.....
محمد: بعد طلعة الروح..
اميره: الحمد لله
هيا: يالله يامحمد.. نبي نتفق مع مطعم.. البوفيه.. ويرتبون طاولات وكراسي.. كل طاوله لها ست كراسي..
اميره: ايه يايمه... يلبسون الكراسي والطاولات عنابي وسكري.. وش رايك؟!
محمد: لا ابي احمر واسود.. خله يطلع شوي رومنسي..
اميره: لا بالعكس عنابي وسكري احلا بكثير...
محمد: كيفكم...
هيا: ونبي شمعدانات .. تفتح النفس...
محمد: عطوني اسم مطعم اتعامل معه .. ومحل حلويات.. وانسو كل شي..
اميره مدت له ورقه بعد ماكتبت فيها...
خذها محمد وراح لغرفته...
هيا رفعت السماعه..
تدق على اختها ماترد...
تدق مره ثانيه ..
وماردت..
هيا: اميره يمه...دقي على جوال غاليه..
مايردون على البيت..
دقت اميره على غاليه ومقفل..
اميره: مقفله جوالها يايمه..
هيا: الله يستر بس...
~.~.~.
محمد دق على المطاعم واتفق على كل شي ودق على محل الحلويات واتفق معهم..
الشمعدانات.. والعصيرات.. والشكولاتات..والقتوهات.. والامواس.. والترته الكبيره..
~.~.~.
اميره دقت على القهوجيات..
~.~.~.
فارس جالس على النت .. يطلع لهم اغاني طق.. للرقص..
~.~.~.
منى وساره وهدى وفجر وسحر ورشا..
جالسين مع سامي..
يدورون اغاني للزفه.....

# # #

منى: يارشا.. يارشا يالله قومي .. الكوفيره جت..
رشا تخبي وجهها بالفراس: شوي ياخالتي.. بس شوي..
منى: وش شوي يارووش.. الساعه الحين 6 المغرب...
وكلنا خلصنا..احسبي ساعه على ماتتروشين.. واحسبي لها 3 ساعات عليك .. تصير الساعه 10... يالله ياحبيبتي...
رفعت راسها من على المخده..
وابتسمت...
رشا: انشالله خالتي...مثل ماقلتي احسبي لي ساعه بس اخذ شور..
منى: يالله بسرعه..
طلعت منى..
تمغطت..
وقامت..
دخلت التواليت..
بعد ماطلعت..
مشطت شعرها..
وخذت فستانها ونزلت..
لقت كل اهلها مجتمعين في الصاله..
والكوفيره تشتغل على خالتها هدى..
التفتت عليهم كلهم جاهزين...
ام راضي(( الكوفيره)): انتي العروسه؟!..
رشا: ايه..
ام راضي: مشالله...يخزي العين عليكي.. بجنني..انتي مابتحتاجي لميك اب...بطيري العقل..
سحر: قولي مشالله..
ام راضي: مشالله.. لا اله الى الله.. بس انشالله العريس حلو متلك..
فجر: توم كروز سعودي... هذا العريس...
ام راضي: مشالله.. لايئين على بعض..
قامت هدى لانها خلصت..
ام راضي: فرجيني فستانك من شان الميك اب...
قامت رشا.. ورفعت فستانها وعلقته قدامها..
وجلست على الكرسي..
سمت ام راضي..
واشتغلت عليها..
وحطت لها مكياجها...
وسوت لها تسريحه بسيطه..
وتكون على جنب..
وحطت وردة جوري حمراء على جنب.. ولبست فستانها الاحمر..
وطلعت تااااااااااخذ العقل ...

~.~.~.
محمد توه جاي من الحلاق...
خذ له شور..
ولبس ثوبه..
ولبس شماغه..
وقف عند المرايه..
وجلس يكلم صورته الي في المرايه..
محمد: وش هالجمال.. وش هالحلاوه..
نيالك يارشروشتي على واحد مثلي.. جمال.. واخلاق.. وفلوس.. وولد عمك الي يمووووت عليك..
دخلت عليه اميره كاشخه.. ومعها مدخن..
اميره: لولولولولولولولولولولولولولولولي
ابتسم محمد وخذ المدخن منها وجلس يدخن...
اميره: الف الف مبروك..
محمد: الله يبارك فيك عقبالك ..
اميره في نفسها " على سامي يارب "
اميره: واو.... تجنن.. قلب رشا بيوقف...
محمد: إذا قلبها هي بيوقف.. انا وش بسوي؟!..
ابتسمت اميره..
دخل عليهم فارس..
فارس: يالله يامحمد انزل.. خالد وراشد جو...
يالله علشان نستقبل الضيوف...
محمد: طيب .. فارس..وش رايك البس بشت ولا لا؟!..
فارس: ماله داعي.. خل البشت للعرس..
محمد: يالله اجل...
طلعو..
ونزلو..
نزلت اميره..
طلعت للحوش..
كل شي تمام..
مثل مارتبو عليه..
بس خالتها منيره تأخرو.. موب عادتهم...
هيا: اميره يمه..
قولي للقوجيات يروحون عند الباب..ومعهم دخونهم ..
اميره: انشالله يمه...
راحت وقالت لهم..رجعت لأمها...
اميره: يمه.. انا قايله لرشا.. إذا ركبو سيارتهم.. تدق دقه وتسكرها......
ما امداها تكمل كلمتها الا جوالها رن رنه.. وانقطع..
اميره: الحين بيجون...
راحت عليهم كلهم...
سلمو عليهم وجلسو في الصاله...
وكانت رشا جالسه وعلى يمينها اميره..
وهيا في المطبح ..
جالسه تعلم الصبابات وش يوزعون الحين.. وش يوزعون بعدين..
اميره: رشا.. من هالبنتين؟!..
رشا: هذي فجر وهذي سحر.. بنات خالتي ساره..
شفتي الي لابسه اسود هذي امهم..
اميره: مشالله.. مابان عليها.. كأنها اختهم..
رشا: كلن يقوله.. وشفتي الي لابسه تركواز.. هذي خالتي منى.. الي جايه من الحجاز...
اميره : تشبه جدتك..بس مصغره..واحلا..
رشا : والي لابسه حرير ملون..هذي خالتي هدى..
اميره : هذي الصغيره..توها متزوجه؟!..
رشا: ايه..
اميره: اقول.. تراك بتنامين عندنا..
رشا: لا وين مانتي صاحيه..
اميره: وإذا قلت لك ان محمد الي قايله..
رشا: إذا كان محمد بشوف..
ضحكت اميره..
سمعت صوت فارس ينادي اميره...
راحت له..
وكان معه الكتاب والقلم..
فارس: خذي.. عطيه رشا خليها توقع...
اميره: انشالله..
خذته..
جت وعطت الكتاب رشا..
رشا خذت القلم ترتجف...
سحر: يالله يارووش بتوقعين ولا جيبي اوقع انا.. واروح اتزوجه..
محد سمعها الا فجر ورشا واميره..
اميره تضحك: ماأتوقع ان رشا بتترك هالفرصه..
فجر: بيدخل علينا محمد وبيذبحنا .. خلصينا..
اميره: ترى محمد يسويها..
رشا بأرتباك: ماتخيلت ان هالشي يربك مرره
سحر: اقول وقعي وخلصينا..
وقعت رشا....
جلسو يزغردون كل البنات...
اما هدى جلست تصيح..
هي وجدتها شيخه..
راحو البنات فوق وكانت معهم هدى..
لان رشا صاحت وراحت تعدل مكياجها...
وعلشان الزفه...
دخلت هيا..
هيا: تفضلو على العشا الله يحيكم...
قامو...
طلعو للحوش..
الي مليان طاولات وكراسي..
وعلى جنب طاوله البوفيه...

دخل محمد للصاله وجلس..
نزلت اميره وقالت للمصوره تتجهز واتفقت مع البنات الي مع المصوره..يشغلون المسجل ويركزون النور على رشا...
محمد جالس على احر من الجمر.....
طفو الانوار...
ركزو النور على محمد...
والنور الثاني على الدرج...
وشغلو المسجل....

راشد الماجد- البدر..
لولولولولولولولولولولولي..
لولولولولولولولولولولولي..
الف الصلاة والسلام عليك ياحبيب الله محمد..

ثم جت موسيقى روعه..
ثم غنى راشد بصوته الحلو...
حد منكم في الدنيا بدر... مقبلن يمشي ومن حوله بشر.. من حلاه يشد الناظر ضياه...
ان ظهر للناس ولا ماظهر..
هذ ماهو بدر ليل يختفي..
مع طلوع الصبح وبصوغ الفجر..
او بدر يصبح بعد مده هلال..
هذا بدر مكتمل طول الشهر..
ولا إله الى الله..
لا إله الى الله..
عالنبي محمد ويالله صلو عليه...
<< من سمعت صوت راشد...
عطتها فجر مسكتها الي على شكل سله..
مسكتها وطلعت...
والنور عليها وطالعه فعلا بدر...
يا عروس النور في هذا الزمن...
هي ملاك بس في صورة بشر...
من غلاها نقول صلو عالرسول...
يالي شفتوها بقلبنا ونظر..
ولا إله الى الله..
لا إله الى الله..
عالنبي محمد ويالله صلو عليه...
<< دخلو خالتها متغطيات... كانت اميره متفقه مع امها ان خالاتها إذا جو يتعشون..
تنزف رشا..
لان محمد يستحي...
بس خالاتها دخلو لانهم يقولون .. هذا يوم في العمر..
إذا ماشفناها اليوم متى نشوفها..
لان رشا رافضه انها تنزف في عرسها لانها خجوله..
والا الان خالتها جالسين يقنعونها..
الله يانورا في هالدنيا نراه.. مستحيل انا نشوفه في بشر.. والتقت شمس الظهيره بالقمر..
لا إله الى الله..
وفي محياه بدا الصبح الضيا.. مشرق الورد ولها واحه زهر.. والعيون الي تما عين المها..
تمتزج فيها البراءه بالسحر...
الليله الليله محلى هالليله.. الليله الليله حلوه وجميله..
ولا إله الى الله..وعلى العروس اسم الله...
<< في بدايه الاغنيه هاديه.. بس من قال الله يانور.............
صارت سريعه.. وبدو سحر وفجر وهدى يصفقون ويصارخون....
اما رشا واقفه في الصاله والمصوره تصورها مع كل حركه من رشا
ومحمد مرتبك......
شعرها ليل كسا الدنيا دجا..
هالك متحدر كأنه نهر..
يحسبه قطعة حرير من مهر.. والحقيقه هو حرير من شعر..
والحسام الي صفا الوجنه وكساه..
يبعث اشواق الحواجب للثغر..
والثنايا كالبرد بين الشفاه.. او كحبات الندى ولا المطر..
الليله الليله محلى هالليله.. الليله الليله حلوه وجميله..
لاإله الى الله وعلى العروس اسم الله..
عذبة لوتلمسطره في الحياه..
كل غصن مفتح بورد حمر..
والعفاف بروحها يسقي الوفا..
والوفا في عينها النجلا زهر..
الليله الليله محلى هالليله.. الليله الليله حلوه وجميله..
لاإله الى الله وعلى العروس اسم الله..
شاعر الوجدان واحلام سما.. مبدع في احساسه المرهف شعر..
ماخذن من وصفك وابتغا..
ياعسى الله يوهبه طولت عمر..
الله يحفظها ويسعدها معاه..
شيخ بطيبة فؤاده يشتهر..
والله يجعل كل دنياهم هنا..
تكتسي بالسعد كله والبشر..
الليله الليله محلى هالليله..
الليله الليله حلوه وجميله..
ولا إله الي الله.. وعلى العروس اسم الله...

<< معلييييييششش يااااناااس.
.... انا اصلا ماحفظت الاغنيه.. وقلت بكتب المقطع الاول بس... بس الابطال رفضو.. ومحمد خنقني لما عاندت وكتبت المقطع الاول بس..
قالو اكتب الي انت حافظه... وانا عاد ماحفظت الى ذا المقاطع.. والعذر والسموحه للفنان الكبير راشد.. لأني ماعرفت بعض الكلمات والفت... بس كله من محمد حسبي الله عليه...........

جلست بجمبه .. والبنات يزغردن ...
محمد متشقق من الفرح ... لين الحين مو مصدق ...
رشا كانت قمر 15 ... ومستحيه ..
ومحمد ماشال عينه من عليها ...
كانت محلوه بزياده ...
محمد: وش هالحلاوه... وش هالزين...
رشا نزلت راسها.. ووجهها احمر...
رشا: عيونك الحلوه ..
محمد داخ ..وماعرف يرد عليها..
جابو له الشبكه ولبسها..
مثل مااتفق مع اميره...
جتهم وقالت لمحمد ورشا..
يروحون للغرفه الثانيه ..
طلعو وراحو للغرفه الثانيه ...
دخلتهم اميره.. وسكرت الباب وراحت مع فجر وسحر..
جلس محمد .. وجلست رشا قباله ..
محمد: وشلون يعني؟! مراح تجلسين جنب زوجك ؟!.
رشا مستحيه: مو ضروري..
محمد: لا ضروري... خلاص انا مو بس ولد عمك .. انا زوجك ..
<< كان محمد هالكلمه حابها الي هي زوجك .. وده يكررها من جلسو........
محمد: بس تدرين .. مكانك هنا احلا..خليني اكحل عيوني فيك..
تغيرتي يارشا...
رشا: للأحلى... ولا للأشين..
<< وش رايك يعني وش بيقول؟!
محمد يضحك: للأشين...
رشا طيرت عيونها...
محمد يضحك: لا لا لا.. امزح معك... ماعندك مرايه تشوفين..
انا مايقهرني غيرهالشباب الي ياخذون اجنبيات .. واحنا عندنا بنات السعوديه.. جمال رباني.. براءه.. ادب ..اخلاق..
وإذا كانو بنات السعوديه بحلاتك.. باخد اربع...
رشا: وانت تقدر؟!!!....
محمد: هذا الي قاهرني... اني مااقدر... تدرين ليه؟!!!...
رشا بدلع: ليه؟!!!!......
محمد حط عينه بعينها....وهي ميته من الحيا..
محمد: لأني احبك..
نزلت رشا راسها مستحيه...

~.~.~.
<< خلاص عاد خلوهم بروحهم... وانا نروح نشوف هالبنات ....
مر وقت بسيط..
فجر: هي هي.. الحرمه خيمت .. مطوله..
اميره: حرام عليكم.. اخوي ينطر هالفرصه...
سحر: ياسلام عالحب.. ياسلام..
فجر: امور.. امور حبيبتي.. ماعندك مكان نطل عليهم..
سحر: جبتيها ياختي الكبرأ.. انتي تعطيني دروس مجانيه علشان ملكتك..هاه يااميره..
اميره: فيه... بس بالحوش.. عادي؟!...
فجر: عادي....
طلعت اميره ولحقوها..
اميره: شفتو هالشباك.. يطل عليهم..
فجر: بس رفيع...
سحر: نسحب طاولة العشاء..
فجر: جبتيها ياختي الصغرأ.. وانتي بعد تعطين دروس مجانيه...
ضحكت عليهم اميره.. وسحبت الطاوله يم الشباك...
طلعو فوقها كل الثلاثه..
وشافوهم عايشين جو رومنسي..
<< لا تفهموني غلط...
ضحك وسوالف..
وواضح ان ثنيناتهم ذايبين في بعض..

دخل عليهم فارس..
رفع راسه وشاف هالثلاثه فوق الطاوله يطلون..
لفت سحر راسها..
وشهقت ..
ولفت اميره راسها...
ونزلو يركضون..
رغم ان اميره اخته بس خافت يهاوشها لانها على الطاوله الي للمطعم..
ولأنها تطل عليهم........
اما فجر من كثر ماهي منسجمه
ماانتبهت للي صار...
فجر تتكلم على بالها هم جنبها...
فجر: يالله... لو انا مكانها بموت... يالله شوفو كيف يطالعها.. واضح انه ذايب..
لفت مالقتهم..
لفت مع الجهه الثانيه شافت فارس...
شهقت .. ونزلت بسرعه ..
لدرجه ان جزمتها << وانتم بكرامه...
خلتها تحت الطاوله..
وهي جالسه تركض..
دخل اصبع رجولها في حلقه في تنورتها..
فارس لف توه بيروح..
سمع صرختها..
لف عليها..
لقاها طايحه..
وتحاول تطلع اصبعها..
كان بيروح لانه مايقدر يسوي لها شي...
بس رجع لما شاف قد ايش هي متألمه...
جا قرب منها...
فارس: تبين مساعده؟!!...
فجر وهي تتألم : تكفى .. والي يرحم والديك...
جلس عند رجولها..

حاول يطلع اصبعها..
وماقدر..

حاول مره ثانيه ..
وماقدر....

وكانت تتألم زياده وهي تصيح..

حاول مره ثالثه..
وماقدر..

مسك رجلها بيد..
واليد الثانيه جلس يسحب الحلقه...

وكانت من الام حطت يدها على كتفه..
وعلى طول شالتها..
بس إذا رجع يسحب..

رجعت وحطت يدها على كتفه...


الى ان كسر الحلقه نصين..

وكان اصبعها يصب منه دم..

قامت...
حاولت تمشي بس رجلها توجعها...

فارس: اساعدك؟!!
فجر: لا.. خلاص..
...."

قامت وهي تمشي ببطء..
نزل فارس عيونه وراح..

<< بذكركم القصه واقعيه...
حتى سالفة فارس واصبع فجر والله والله والله صايره وواقعيه....

دخل عند الرجال... وهم يسولفون..
ماعجبه الوضع..
راح جلس عند الحديقه..

انتبه لشي في يده..
نص الحلقه الي كانت في اصبع القمر...

فارس في نفسه" من هالقمر؟!.. من هالبنت الي تملك هالجمال كله؟!..
وش هالسيقان؟!..
وش هالبياض؟!..
وش هالنعومه؟!..
وش هالشعر؟!..
ودي ان الحلقه ماتطلع من اصبعها.. علشان ماتشيل يدها من كتفي..
وودي انها تطلع علشان ماتتعذب......
بس منهي؟!..
من هي؟!.."
شاف سامي راح عند قسم الحريم...
فارس يفكر" اكيد راح ياخذها يوديها للمستشفى... لانها اكيد مو غاليه.. واكيد مو رشا.. بس شكلها من خوالها..
لحظه..
سامي الولد الوحيد..
يعني من خالاتها..
لحظه خالاتها 3..
زوجة جاسم..
توها ماحملت..لانها توها عروس..
وزوجة احمد..الي ولدها ثامر..وحسب ماقال لي ثامر انه هو اكبر اهله.. وماأعتقد ان الي شفتها اصغر من ثاني متوسط..
اجل اكيد هي بنت ناصر..
والي عرفته من ثامر ان ناصر ماعنده اولاد بس بنات..
اهاه اجل البنت بنت ناصر.. وبنت خالت رشا...."
~.~.~.
فجر ماكانت تفكر في شي غير...
اصبعها..
شالها خالها..
وركبها السياره..
وراح للمستشفى.....
دخلت على الممرضه..
وجلست تعقمه..
ولفته..
ومشت..وهي تعرج..
طلعت وركبت السياره..
سامي: سلامات يالمرجوجه...
فجر تضحك: الله يسلمك يالعاقل..
ضحك لانه عارف انهاتتهزى.. دق على ساره..
الي مشتقه..
ساره: هاه سامي..وشو؟!
سامي: مافيها شي.. جرح بسيط.. ولفوه..وهذي فجر العاده وتتهزى فيني..
ساره: الحمدلله..
سامي: يالله ماعندكم نيه تطلعون؟!
ساره: الا.. تعال خذنا...
سامي: ازواجكم فيه.. كل وحده يجيبها زوجها..
ساره: خلاص.. خلاص..
سكرت السماعه..
ساره: سحر يمه... كلمي ابوك قولي يالله..
هيا: تونا ياساره...
ساره: اسمحي لي.. بس سامي ودا فجر للبيت.. ومايصير اخليها .. اكيد متعوره..
اميره: خالتي.. قولي لسامي يجيبها.. والله حبيتهم..
ساره: حبتك العافيه حبيبتي... بس انتي شايفه حالة فجر..
ويالله ياأميره انتي وامك.. شرفونا...
شيخه: ايه والله يام محمد.. تعالو شوفو بيتنا الجديد..
منى: ايه والله يام محمد.. الجلسه معكم ماتنمل..
هيا: انشالله.. يصير خير..
ساره: مع السلامه
هيا: عيدوها..
ساره: انشالله..
شيخه: اميره يمه... روحي شوفي رشا.. بتجي معنا؟!
اميره: ابشري..
راحت فتحت الباب عليهم...

اميره: رشا... تقول جدتك بتجين معنا؟!..
محمد: قولي لا..
ابتسمت رشا بتعجب..
محمد: الحرمه مايصلح تطلع من البيت بدون رضا زوجها...
اميره: وش اقول للحرمه؟!...
رشا: لا .. بجلس..

راحت اميره..
اميره: تقول بجلس..
شيخه: بسلامتها...

راحو...

# # #

دخلت غرفتها تعرج...
غيرت ملابسها .. وجلست تناظر تنورتها...
الي مليانه دم ...
رفعتها وجلست تناظره...
فجر: يالله...وش بينظف هالدم..شكل ماردها الى الزباله..
خساره اول لبسه...
لمحت نص الحلقه... معلقه في تنورتها...
شالتها..
وجلست تناظرها...
وتذكرت موقفها...
فتحت فمها........
وتذكرت" يوووه... فشيله... ولا بعد حاطه يدي على كتفه ..يالله ...
ياربيه..
من هذا؟!...
اكيد فارس...
لأنه يشبهل محمد بكثير...
مشالله يجنن..
بس لحظه..
وش بيقول عني؟!..
اولا..
طالعه فوق طاولتهم..
ثانيا..
نطل على محمد ورشا..
ثالثا..
لما هربو ولا قالو لي.. جلست اكلم روحي..
على بالي ماراحو..
رابعا..
لما جيت اركض طحت..
ولا بعد لما دخل اصبعي..
هو الي انقذني..
ياسلام سلم...
ولابعد ماقلت له مشكور
ماقلت الله يعطيك العافيه..
بس ذاك الوقت ماكنت في وعيي..
وكأني منومه مغناطيسي..
اصلا المفروض
رفضت لما قال تبين مساعده..
بس عقب ايش..."
دخلت عليها سحر...
سحر: ابشرك ابوي بيشتري لنا بيت في الشرقيه..يعني راح ننقل اخيرا...
فجر:_______.
سحر: وش فيك مافرحتي ولاقلتي ولا كلمه...
فجر: _______.
سحر: ايه صح سلامات يالمرجوجه..
قالتها وجلست تضحك...
فجر معصبه: كل الناس يطيحون.. وفيه من يتكسر..
سحر: بس مو قدام الرجال...
فجر: الا صدق... ليه هربتو ولا قلتو لي؟!!...
سحر: في هالحاله... نفسي نفسي...
فجر: انتي معذوره.. بس اميره؟!.. مو هذا اخوها؟!..
سحر: الا... بس خافت يهاوشها...... الا يافجوره..
وش صار؟!
فجر رفعت نص الحلقه..
وجلست تناظرها..
سحر: بسم الله.. وش هذا ياساحره؟!..
جلست فجر تضحك...
سحر: فجر... وش ذي؟!
فجر: نص الحلقه الي كانت في اصبعي....
سحر: طيب... وش تبين فيها؟!...
فجر: النص الثاني مع فارس... إذا ماذبها...
سحر: ايش؟!!! فجر بالقطاره هي....
قولي وش صار؟؟!!!.....

# # #
محمد الى الحين مع رشا...
رشا كل شوي رافعه يدها تناظر الساعه...
محمد: الحين انتي وش فيك؟! كل شوي تناظرين ساعتك.. عندك شي؟!مليتي؟!..
رشا: لا.... بس ابي اعرف إذا كنا بنسهر سوا.. ابي اروح ابدل ثيابي...
محمد: خلاص.. حتى انا بروح البس لي بنطلون...
قامو..
ومحمد شال عنها مسكتها..
وطلعو فوق..
ودخل كل واحد غرفته...
بسرعه دخلت غرفتها
دخلت التواليت..
وخذت لها شور..
ولما طلعت استشورت شعرها وزينته بشريطه ونزلت خصل على وجهها...
وتركت شعرها على ظهرها..
كحلت عيونها...
وحطت ظل خفيف..
وروج بشري ..
ولبست ..
تنوره قصيره...
زيتيه..
مزينه بورود اورنجيه..
وبدي اورنجي ..
وشريطتها اورنجيه ..
لبست حلق ..
وسواره ..
ودبلتها..
وتعطرت..
وطلعت..
ناظرت ساعتها كانت 5 وخمس الفجر..
نزلت..
لقت محمد لابس بنطلون جنز وبلوزه سودا...
وحاط جل في شعره الحرير...
رفع راسه لها وابتسم..
ردت له بأحلا إبتسامه شافها في حياته..
محمد: كفايه يارشا...
كل مره تطلعين احلا من الي وراها...
ترى كذا ماتحمل.. وش بتجين في العرس.....
ابتسمت رشا ونزلت راسها..
محمد: هاه يارشروشتي... وش رايك نتمشى في الحديقه... ترى الجو يجنن...
رشا: يالله...
طلعو.. وكان محمد ماسك يد رشا...
جلسو عند الورد..
كانت رشا رافعه راسها...
وتناظر السما كيف صايره موف...
ويدها بيد محمد..
محمد حاط عينه عليها...
نزل عيونه وجلس يناظر يدها.. الي ضاعت بالنسبه ليد محمد..
يدها صغيره..
واصابعها طويله ونحيفه...
ولابسه الدبله..
واظافرها المرتبه...
طلعت يدها تجنن..
رافع راسه وجلس يناظرها..
التفتت وجلست تناظره..

محمد من كل قلبه: احبك يارشا......

نزلت راسها مستحيه..
محمد مسك ذقنها ورفعه...
وخلاها تناظره...
محمد: الحين اقدر اقوله..
من حبيتك وانا انطر هاليوم...
انظر هاليوم على احر من الجمر...
انطر هاليوم علشان اقولك وجها لوجه..
حتى اقولك احبك يارشا...
انطر اليوم الي اقولك احبك.. احبك يارشا احبك...
كانت هالكلمه تعورني..
تدرين اني كنت بيني وين روحي...
إذا كنت جالس بغرفتي..
كنت اقول..
احبك يارشا..
قلت يمكن يخف العوار الي احسه..
بس مافيه فايده..
لأني مراح اطيب الا لما اقولها وجها لوجه..
آآآه.. ياني حاس براحه..
ماني مصدق قلتها لك اخيرا...
وماني مصدق انك قدامي الحين..
نزلت رشا راسها...
محمد: لاتستحين ياعمري.. تعودي من اليوم الى الابد... راح تسمعين هالكلمه مني...
رشا بخجل: حتى انا... ابادلك مثل هالشعور...
محمد ابتسم: تحبيني؟!!!!!!!!....
نزلت رشا راسها من الحيا...
سكتو...
عم الهدوء في المكان...
طلعت الشمس قويه شوي...
طلع نظارته ولبسها...
وطلع شكله بالنظاره.. رووعه..
رجع ومسك يدها...
وجلس يلعب بأصابعها..
رفع يدها عند وجهه..
محمد: ممكن ابوس اصبع.. اصبع...
سحبت رشا يدها..
رشاوهي رافعه حواجبها: مستحيل...
محمد: ليه؟! مو انا زوجك...
رشا: ايه.. زوجي.. بس إذا كان زواج صدقي.. بس الحين مجرد ملكه..
محمد ابتسم: والملكه.. زواج..
رشا بدلع: احمد ربك جلست معك للحين...
محمد رفع يده: اللهم زد وبارك..
ابتسمت رشا...
محمد: تسلم لي احلا ابتسامه..

سكتو...
محمد: وش رايك؟! نروح نتمشى...
رشا: الحين؟!!!...
محمد: كم الساعه الحين؟!
رشا: 6 ونص..
محمد: مراح تجي الساعه 9 الى حنا في البيت..
رشا: اممممم... اوكيه تدري ليه؟!!...
محمد: ليه؟!
رشا : لان اليوم هذي فرصتك..ما خليتني اطلع لخالاتي لما كنا نسولف ولا حتى خليتني اروح اسهر معهم..ولا خليتني انام..كلها سواليف في سواليف..
ف مدامني سويت لك كل هذا..يالله مومشكله..
محمد : هي خاربه خاربه..خلينا
نعميها..
رشا : بس هاه..مثل ماقلت لك.. اليوم بس.. بس بعدين ماتتعدى التلفون...
محمد: وشلون يعني؟! والله لو حنا مرتكبين جريمه... واحد يتمشى مع زوجته فيها شي؟!
رشا: انا قصدي اني بروح لبيت ابوي سلمان.. وبأبدى اجهز مع خالاتي..
محمد: اهاه..طيب ماتفظين ولا يوم نتعشى فيه برى؟!..
رشا: بشوف...

محمد وقف...
محمد: يالله قومي البسي عباتك.. نروح نتمشى.. انتظرك في السياره...
رشا: انشالله...
طلعت لغرفتها خذت شنطتها.. وعباتها..
وفتحت الباب على اميره..
كانت منسدحه وتلعب بخصلات شعرها..
التفت يم الباب..
اميره: لين الحين مع محمد؟!..
رشا: وازيدك من الشعر بيت.. بنتمشى..
اميره: يابختك.. بتتمشين مع الي تحبينه....
رشا ابتسمت: عقبالك.. ليه مانمتي.؟!.
اميره: ماجاني النوم...
رشا: تعالي معنا...
اميره: لا لا خذو راحتكم..
رشا: براحتك..
اميره: رويشه.. رويشه..
رشا: نعم...
اميره: بصراحه بنات خالتك ساره..فضيعات.. وإجتماعيات..وحسيت اني اعرف من زمان...
رشا: طالعين علي..
اميره ضحكت: مره.. اقول روحي لمحمد.. تلاقينه هناك بيطير...
ابتسمت رشا وسكرت الباب... لبست عباتها..
ونزلت..
وطلعت..
لما لفت لقت محمد في السياره...
قالت في نفسها" الحين اركب ورى ولا قدام..."
نزل محمد وراح للجهه الثانيه وفتح الباب لها..
ابتسمت.. وراحت وركبت..
وسكرت الباب..
جى وركب جمبها..
التفت عليها وعطاها احلا ابتسامه...
محمد: هذي احلا مره اركب فيها سيارتي..
استحت رشا ونزلت راسها..
راحو عند الشاطئ.. وجلسو يتمشون..
وسوالف وضحك...
الييييييين جت الساعه 9 ونص..
رجعو للبيت....
دخلت رشا غرفتها...
وانهبلت...

الغرفه مليااااانه ورد....
والمشكله انها قبل ماتروح ماكانت كذا...
التفتت.. لقت محمد واميره .. واقفين جنب بعض... مبتسمين..
رشا اشرت على الغرفه...
اميره اشرت على محمد...
اميره: انا ومحمد متفقين على كل شي.. وشراء الورد وحطها بغرفته..
الين طلعتو..
دق علي دقه وسكرها..
وقمت انا بالمهمه..
محمد: وش رايك بزوجك الرومنسي...
رشا: مشكور..مشكور..
فعلا جو رومنسي..
الله يعطيكم العافيه...

# # #

هيا وصالح وفارس..
جالسين يفطرون..
فارس في عالم ثاني..
هيا: غريبه وين اميره ومحمد وفارس؟!!!...
صالح: انا نمت ورشا ومحمد يسولفن...
هيا: الله يوفقهم... تقول فوله وانقسمت نصين.. لايقين لبعض..
صالح: فارس..روح على الاقل أسأل محمد يشاور مرته يبون شقه.. دور..عماره..ولابيجلسون عندنا..
فارس: الحين؟!!!!!...
صالح: ايه الحين...لاني بروح لمكتب العقار الي لمتعب ابو غاليه وبسلم عليه.. وبشوف ليه ماجى امس.. ومره وحده اخذ لمحمد الي يبي...
هيا: ايه صدق...انا بدق على منيره اختي... إذا ماردو علي...واحد منكم يوديني..
صالح: خلي فارس .. طريقي مو على بيت اختك..
فارس: خلاص انا بوديك..
طلع فوق .. دخل غرفه محمد..
فارس: محمد .. محمد.. قم يامحمد..
محمد: فارس تكفيى .. مانمت الا عشر..
فارس: بس سؤال..
محمد: وشو؟!..
فارس: يقول ابوي..وش تبون؟!.. شقه..عماره..دور ..ولا بتسكن هنا..
محمد: امس سألت رشا..قالت براحتك..قلت لها بنسكن مع اهلي..بصراحه مابي افارقكم..
فارس: خلاص...
طلع فارس ودخل غرفته...
شاف نص الحلقه على التسريحه...
خذها.. ودخلها وسط كتاب..
وطلع..
دخل على اميره الي نايمه..
فارس: امور.. امور.. اميره..
اميره: هاه فارس..حرام عليك ماشبعت نوم...
فارس: بس سؤال...
اميره: وشو..؟!..
فارس: من البنت الي لابسه تنوره بيج.. وانجرح اصبع رجلها ؟!!!
اميره: فجر...
فارس: هي بنت خالة رشا ساره؟! وابوها اسمه ناصر؟!
اميره: ايه..يالله اطلع.. ابي اناااام...
فارس طلع..
نزل تحت..........
لقى امه تسكر السماعه وتقول...
هيا: مايردون .. الله يستر..
فارس: البسي عباتك اوديك لها...
قامت هيا..ولبست عباتها وركبت..
وداها..
رنت الجرس..
مافتحوا..
ورنت مره ثانيه
وثالثه
ورابعه
وعاشره
ومافيه فايده..
رجعت للبيت..
~.~.~...
صالح وصل للمحل..بعد مادق عليه فارس وعلمه طلب محمد..
شاف المحل مسكر..دق على جواله ومسكر..
~.~.~.

~.~.~.
جوال رشا يرن وهي مافيها حيل لانها مانامت الا متأخره..
خذت الجوال بدون ماتقرى من...
وكان رقم غريب...
العاده رشا.. ماترد على ارقام..
بس لأنها نايمه ما انتبهت...

رشا: الو.....

___: ________.

رشا: الو......

___: انتي رشا؟!!!.....

رشا: ايه... من معي؟!!!!!...

___: معك وحد من ضحايا محمد....

رشا طيرت عيونها..........

رشا معصبه: من معي؟!!!!!!!..
بـــــــســـــــرعــــــــــــــه...

___: انا غاليه.............

رشا معصبه: من معي؟!!!!!!!..
بـــــــســـــــرعــــــــــــــه...

___: انا غاليه.............
* * *
الجزء التاسع
* * *
وش بتسوي غاليه؟!
* * *


غاليه: انا غاليه يارشا...انا عارفه ان محمد مثل دور البريئ لما قال لك قصتنا....


رشا خانقتها العبرى: اي قصه؟!!...

غاليه: اهاه... يعني خبى عنك السالفه؟!!!!...

رشا تصيح: وشو ياغاليه؟!!.. وش كان بينكم؟؟!!!...

غاليه: اسمحي لي يارشا... ماكان ودي اخرب عليك سعادتك..
بس ماحبيت تنظلمين مثلي.....


رشا تصارخ: بتقولين ولا وشلون؟؟!!!!!.......


غاليه: محمد حاول يغتصبني العام ................

رشا فتحت فمها .. وماصدقت الي سمعته ....


غاليه: العام .. كانت بيننا قصة حب ... ومره قال لي ..
إذا جيتي بيتنا علميني ..
علمته لما اتفقت امي مع خالتي هيا...
لما جينا ..
قالي محمد.. ادخلي غرفتي
فيه موجوده على كمدينتي هديه لك ...
دخلت بأخذها.. دخل وراي وشقق ملابسي وحاول يغتصبني ..

رشا وهي تصيح: انتي كذابه ... مستحيل محمد ينزل لها لمستوى ...
اصلا انتي غيرانه لاني احب محمد يحبني...

غاليه: كنت عارفه انه راح يلعب عليك بكلمتين .... قلت خلني الحق على البنت قبل ماتطيحين في حبه...
بس للأسف... أظاهر اني تأخرت...

رشا صرخت عليها: انتي وش تبين مني؟! حرام عليك حرام..

سكرت رشا السماعه..
ورمت نفسها على سريرها..
منفجره...
" الحين عرفت ليه كلهم يتهربون لما اكلمهم عن غاليه..
ليه يامحمد ليه؟!!
كانت ثقتي فيك كبيره ..."


# # #

اميره فتحت عيونها بكسل ..
قامت وغسلت وجهها..
وطلعت ..
توها بتروح لفارس بتسأله
عن سبب سؤاله عن فجر...
سمعت صياح رشا...
اميره فتحت الباب على رشا ...
اميره: رشا.. رشا..رشا حبيبتي وش فيك؟!!!...
رشا: اطلعي برى... انا ماتوقعت تخونيني صداقتي بعد هالعشره...
انتي انانيه.. انتي ومحمد.. وكلكم انانين..
اميره: رشا هدي اعصابك... وعلميني وش السالفه؟!..
رشا: اقولك اطلعي برى .. ويكون في علمك انا دقيت على خالي سامي.. بيجي ياخذني...

رن جوال رشا...
ردت وهي تمسح دموعها....

رشا: خلاص خالي الحين جايه...
خذت شنطتها..
الي رتبت ملابسها فيها...
وخذت عباتها وطلعت
واميره وراها..
اميره: رشا وش صاير؟!..

فتحت رشا الباب على محمد الي يمشط شعره....
التفت عليها...

رشا: طلقني................


اميره شهقت..
وحطت يدها على فمها......


اما محمد...
طير عيونه..
بعدين جلس يضحك...

محمد: يمكن تعرفين تمثلين.. بس على زوجك مراح تقدرين... عارف الحين بتقولين صادووه...

رشا معصبه: اقولك يامحمد طلقني...

محمد حس ان السالفه جد...

محمد: رشا انتي وش قاعده تقولين؟!..


رشا: الي سمعته...
محمد طلقني وبدون اي نقاش...
محمد خالي ينطرني عند الباب... فلا تخليني اتأخر على خالي اكثر من كذا... بسرعه يامحمد...

محمد عصب: اكيد سامي الي حرضك علي... ولا توك امس نايمه مافيك الا العافيه.. مافيه غيره سامي...

رشا صرخت عليه: خالي سامي ماله ذنب...اصلا محد يعرف قراري هذا غيركم... بسرعه يامحمد انا بروح لخوالي وابي ورقتي تسبقني...

وراحت...
التفتت اميره على محمد...
اميره: انت وش مسوي؟!
محمد كان معصب...
رمى المشط بقوه على الارض ونزل...
فتح باب الشارع...
شاف سامي يسكر باب شنطة السياره لانه توه حاط شنطتها..جى بسرعه مع الجهه الثانيه وفتح الباب عليها ..
برقعها غرقان من الدموع...
محمد معصب: الحين ممكن اعرف وش الي قلبك؟!!!
حطت يدها على وجهها وجلست تصيح بصوت عالي محمد نزل راسه لها .. ماأقدر يشوف حبيبة قلبه تصيح....
محمد: رشا.. ممكن تنزلين ونتفاهم...

رشا بصوت عالي: انت خدعتني يامحمد...
تنكرت بشخصية الرجال الطيب الحنون الرومنسي..وانت داخلك وحش..

محمد: رشا.. فيه احد قالك شي عني؟!
رشا التفتت على خالها الي واقف ومطير عيونه...
رشا: خالي ودني لامي شيخه...
ركب سامي سيارته...
محمد: لحظه..لحظه ياسامي...
انت قايل لرشا شي عني؟...
صرخت عليه رشا: قلت لك خالي ماله ذنب..
وتلتفت على سامي: خالي ودني للبيت الحين..
ضغط سامي على البنزين....
طول الطريق جالسه تصيح...
وقف عند باب بيتهم فتح لها الباب..
اول من استقبلها فجر..
وراحت بسرعه وضمت فجر وهي تصيح....
فجر ارتاعت توقعت انها تجي مبسوطه.. بس صار العكس...
فجر: رشا؟!!!!!!!....

كانو كل اهلها مجتمعين...

سحر: رشا.. وش صار فيك؟!......
ليه تصيحين؟!!!!!.....

رشا مكمله صياحها بحضن فجر..
هدى: رشا.. محمد ضايقك بشي؟!!!...

رشا رفعت راسها وراحت تركض لغرفتها...
كانوا بيلحقونها بس وقفهم سامي..
سامي : لحظه .. خلوها لين تهدي ... بعدين اروح واكلمها انا...
جلسو كلهم في الصاله .
على اعصابهم ...
مرة ساعه وهم على هالحال.....
شيخه: سامي يمه... روح شوف رشا...
قام سامي التفت على اهله ...
سامي معصب: اياني واياكم الاقي احد لاحقني...
طلع فوق... طق الباب عليها وفتحه...
لقاها متلحفه بالفراش وتصيح...
سكر الباب..
وجلس على سريرها....
سامي: وش صاير يارشا؟!...
رشا: _________.
سامي: رشا... حبيبتي...وش شفتي من محمد؟!!!...
رشا: إذا وصلت لكم ورقة طلاقي... علموني...
سامي طير عيونه...

سامي: ورقة طلاقك؟!!!!!!!!!!!!!!...........

رشا: ايه...

سامي وقف وفقد اعصابه...
سامي عصب ولاول مره يعصب على رشا....
سامي: انتي وش قاعده تقولين؟!!!!!!....

رشا: الي سمعته.... طلبت منه طلاقي...
سامي: طيب لــــــيــــــه؟!!!!!!!!!!!......
رشا: بدون سبب....
سامي بصوت عالي: كــــــيــــــف؟!!!!!!!!!!
كان صراخه يسمعونه كل اهله...
وكانو خايفين..
رشا: الي سمعته ياخالي..
سامي: خير ياطير......
الدنيا فوظى!!!!!!!!!!!!!!!!!!!!!
رشا:____________.
سامي: صدق لعب يهال ... امس ملكتها واليوم طلاقها...
وش تبين يقولون الناس عنا...

رشا:_______..

سامي حاول يمسك نفسه وجلس ..
سامي بهدوء: الزواج يارشا مو كذا..صار اختلاف بسيط.. تطلبين الطلاق..
انا خبري فيك انك رشا العاقله .. السنعه..
انتي مو رشا الي انا اعرفها.. وين رشا خويتي الي ماتخبي عني شي؟!!!!!

انفجرت رشا وخبت وجهها بيدها...
سامي قرب منها...
سامي: كنت معك في كل شي.. واي تطور جديد كنت انا اول من يدري..
بس الي انا جالس اشوفها قدامي مو رشا...
رشا حبيبتي وش صاير؟!!!!!
رشا مسحت دموعها...


# # #

# # #

محمد عند الكورنيش..
نازل.. جالس على الحجر الي يطل على البحر والناس من فوق يتمشون....
كان جالس وبيده زجاره..
ويدخن ووهو كأن هموم الدنيا على راسه..
" ليه مكتوبه علي النكاده طول عمري؟!!!!!!!!!!!!
وش صاير؟؟؟!!!!!!
وش السالفه؟!!!..
امس كانت زي العسل..
واليوم تطلب الطلاق...
ليه؟؟!!!!!!!!!!!!
فيه احد كاذب عليها؟؟؟!!!!!!
بس اكيد مافيه غيره..
سامي..
اكيد حاب ينتقم..
بس يكون في علمك انت ماحطمت قلب محمد بس...
انت حطمت قلبين يحبون بعض بجنون.."
انتبه على صوت فارس وراه...
فارس: محمد ؟!!!! وش جابك هنا؟!!!
محمد: انا!!! انت الي وش جابك هنا؟!!!
فارس: ابد كنت مع الربع.. وشفتك..
وش فيك ؟!
شكلك شيال هموم الدنيا كلها على راسك ؟!
محمد رفع يده وشفط من الزجاره..
فارس: اوح.. انت ماتشرب الى إذا كانت المشكله عووده..
سحب الزجاره من يد محمد ورماها في البحر..
كان فيه هوا
وشبه موج..
محمد كان جالس من راحت رشا لخوالها الين الحين
وقت الغروب..
محمد وهو يناظر البحر
وبصوت خانقته العبرى: رشا طالبه الطلاق.....

فارس: ايييييش!!!!!!!!!!!!!!!!!!
محمد:________.
فارس: ليه!!!!!!!!!
محمد خانقته العبرى: مدري..
فارس: وش الي مدري!!!!!!
محمد بنفس الحاله: مدري والله مدري..
فارس: اهدا انت وقلي السالفه من الاول...

# # #
نزل عليهم سامي معصب..
واصله معه..
هدى: هاه ياسامي قالت لك شي...
سامي بغضب: لا.. الي فهمته منها انها طالبه الطلاق...
الكل: طلاق!!!!!!!!!!!!!!!!!!!!!!!!
شيخه: اعوذ بالله ليه؟!!!
سامي: مارضت تعلمني...
منى: هذا تلاقيه دلع بنات...
سامي: تدلع ماعليه...بس توصل لحد الطلاق..
لا هذا مو دلع..هذي سماجه...
فجر: بروح اكلمها..
صرخ عليها سامي: لا.. الحين ماقالت لي انا تقولك انتي...

فجر جلست مرتاعه من خالها..
سامي بعضب: على العموم... لاحد يدخل على رشا.. سامعين..
وطلع...
سحر: وش فيه خالي سامي؟! مو على عادته..
هدى: ماينلام وانا خالتك..

# # #
محمد: بس انا مابعد خذت رقمها..
فارس: خذه من اميره...

قام محمد وراح بسرعه
وركب سيارته
وولع زجارته..
وراح بسرعه للبيت..
دخل وجلس ينادي..
محمد: اميــــره.. اميــــره..
نزلت اميره
وشافت الزجاره معه
اميره: محمد.. انت تظن ان بدخان راح ترتاح نفسيا الا بالعكس بتزيد توتر
محمد: وين جوالك؟!
مدت له جوالها..
خذه منها
وسجل رقم رشا عنده..
عطاها جوالها..
وراح..

# # #
رن جوالها وهي في غرفتها...
شافت الشاشه وكان رقم غريب...
" ارد ولا ماارد..
لا خلني ارد يمكن هذي ضحيه من ضحايا محمد.."
ردت...
رشا: الووو ....
محمد: افتحي لي الباب بسرعه.. انا محمد..
وسكر السماعه ..
تنهدت..
قامت وناظرت نفسها في المرايه..
كانت عيونها مجحمه..
وشعرها سايح عل كتوفها..
لبست جلابيه..
وكحلت عيونها وتركت شعرها مثل ماهو..
نزلت..
كانو اهلها جالسين...
هدى: رشا اخيرا نزلتي..
رشا: محمد جى وبدخله المجلس..
فجر: رشا.. خلاص بنقول لثامر يفتح له الباب وانتي روحي اكشخي وتمكيجي..
رشا: لا.. بقابله كذا.. عجبه براحته .. ماعجبه بطقاق..
سحر: لا بلعكس تجننين.. على قولة هيفاء وهبي.. عالطبيعه كل شي احلا..
راحت رشا..
فتحت الباب..
دخل..
رشا: نعم...
محمد: معقوله نتكلم هنا..
رشا: طيب تفضل...
دخل المجلس..
وجلس
جلست قباله..
محمد: قولي لي وش صار؟!
رشا: الحين جاي علشان تقول كذا؟!!
محمد: مو انتي تبيني اطلقك؟! خلاص.. بس انا ابي اعرف السبب..
رشا قلبها دق بسرعه جنونيه
خافت صدق يطلقها..
هي الي تبيه إن محمد يكون برئ من هذي التهمه..
بس كيف راح تعرف وهي ماقالت لأحد..
رشا: محمد.. انا عرفت الي صار بينك وبين غاليه العام...
طير عيونه وقال: وش دراك؟!
رشا: دريت وبس.. محمد ليه ماعلمتني؟!..
محمد : مو ضروري اعلمك.. سالفه عائليه وانتهت..
رشا بصوت عالي: سالفه عائليه ؟!!! اغتصاب وتقول سالفه عائليه!!
محمد انهبل: اغــتــصــاب؟!!!!!!!!!!!!!.........
رشا: على بالك اني غشيمه.. لاكن يكون في علمك انا ماكنت كذا.. كنت حاسه ان فيه قصه.. بس كنت واثقه فيك.. انا ياغافلين لكم الله...
محمد: انتي وش قاعده تقولين؟!!!
رشا: قاعده اقول الي خبيتوه عني.. انا كنت حاسه ان في بينكم شي بس ماتوقعت ان السالفه تصير كذا....
محمد قرر يكون هادي
محمد: وتصدقين؟!!!!...
رشا: وليه ما اصدق؟! وش مصلحتها تكذب؟!..
محمد: مصلحتها انها تخرب بيننا..
رشا بهدوء: ليه تخرب بيننا؟!
محمد: لانها تحبني...
رشا: تحــــبك؟!!!!!!!!!!!......
محمد قالها السالفه من اعترفت له انها تحبه الى ان اهانها الى ان دخلت غرفته وصار الي صار....
رشا: محمد والي يسلمك خلاص .. خدعتني بما فيه الكفايه.. انا وش سويت لك علشان تخدعني اكثر من كذا.. كفايه يامحمد..
حرام عليك حرام..
محمد: والله العظيم اني ماكذبت عليك.. والله العظيم.. والكل راح يشهد لانها مو اول مره تسوي فيني كذا..
رشا : وصدقو اهلك؟!
محمد: صدقو لمدة سنه
وكنا مانعرف ان فيه تحليل يبين إذا كنت معتصبها ولا لا
قالو بنحلل غاليه خافت واعترفت .. وكانك لين الحين مصدقه غاليه امشي معي ونروح نحللها
حست رشا من نبرة محمد انه صادق
رشا: طيب ليه ماعلمتوني ؟!
محمد: الله يستر عليها... سالفه ونسيناها..
نزلت رشا راسا: محمد .. انا اسفه.. اسفه لاني جرحتك.. وشكيت في تربيتك.. رغم اني في دواخلي ماصدقت.. بس الي خلاني اصدق لما سألت اميره عنك وعن غاليه كان بينكم شي ارتبكت وعصبت..
ومن ذاك اليوم وانا حاسه ان فيه شي..
محمد: طيب ليه ماسألتيني؟!!
رشا: خفت.. خفت اسأل وتتهرب والشك يسيطر علي..
او اسأل وانصدم في اجابتك..
كنت خايفه ان الشخص الي حبيته يكون يحب غاليه.. انتم السبب.. لوكم قايلين لي كان ماصدقت غاليه.. بس معقوله فيه احد لهدرجه هذي..
محمد: غاليه مريضه .. وهي الحين بمستشفى الطب النفسي..
رشا: طيب كيف خذت رقمي؟!
محمد: اتوقع من جوال اميره.. لاني يوم خطبتك قلت لاميره تعلم غاليه وانفجرت عليهم.. وأتوقع انها خذت الرقم من جوال اميره....
رشا: يعني هي كلمتني وهي في المستشفى؟!
محمد: هذا الي قاله ابوي..
ابوي راح لمحل ابوها ولقاه مسكر دق على جواله ومقفل.. جلس ابوي حوالي نص ساعه..توه بيركب سيارته..
شاف سيارة متعب
نزل وسلم عليه وقاله انها اغمى عليها بسببي..
رشا: بسببك؟!
محمد وهو واقف: ايه.. اغمى عليها لما درت عن ملكتي
على العموم لاتصدقين اي كلام يجيك الا لما تجين وتتفاهمين معي.. لا تجين فجأه وبدون حوار.. وتطلقين علي كلمه .. انتي عارفه اني لما اقولها معناها موتي..
رشا واقفه ومبتسمه: بسم الله عليك.. جعل يومي قبل يومك..
ابتسم محمد وقرصها مع خدها..
محمد: ايه كذا.. لاتحرمينا من هالابتسامه الحلوه..
واعقلي يارشا أعقلي..
الحياة مو كذا..
خلاص حبيبتي؟!!!
رشا مستحيه: انشالله...
محمد: يالله اجل ما اطول عليكم..
رشا: تونا يامحمد..
محمد: لا وش تونا يارشا..يالله مع السلامه..

وصلته عند الباب..
التفت عليها..
محمد: شكلك بالجلابيه .. رووعه.. يعني بمكياج وبدونه حلوه
ابتسمت رشا: عيونك الحلوه..
محمد: مو احلا من عيونك...
ابتسمت ونزلت راسها..
محمد: يالله باي..
رشا: باي..
محمد: لحظه.. تبين ورقه طلاقك تسبقك هاه؟!
قالها وضحك...
رشا تضحك: مو من قلبي.. بس خلاص انسى..
ابتسم
توه بيطلع بس رجع
وقرب منها
وباسها على خدها
ولاول مره
كانت هي مرتاعه ومستحيه
همس لها
i love you ‏
بس يليت تعقلين
قالها وطلع...
حطت يدها على خدها
مكان البوسه...
لين الحين مو مصدقه..
سكرت الباب وتسندت عليه..
تنهدت
وراحت
دخلت على اهلها..
وابتسمت ابتسامه كبيره..
سحر: تراضيتو؟!
رشا متشققه: مانقدر على فراق بعض..
منى: يووه يارووش.. وجهك احمر.. وش قالك محمد هاه؟!!
رشا: يقول سلميلي على خالتك منى..
جلست سحر تضحك: حللللوه التصريفه..
دخل عليهم سامي
سحر: خالي.. يالله جب البشاره..
سامي: ابشري.. بس وشو؟
سحر: رشا ومحمد تراضو..
سامي:واللــــه... الف الف الف مبروك.. وانتي ياسحر ابشري بالبشاره..

# # #

في الصاله..........
كان موجود فارس واميره...
وجالسين يطالعون.tv..‎
اميره: الا صدق... ليه سألتني عن فجر؟!!..
فارس يسوي روحه موب فاهم
فارس بأرتباك: اي فجر؟!!!!...
اميره تتهزى به: اي فجر؟!..
فارس:________
اميره: ليه سألتني عنها؟!
فارس: انا ماسألتك عنها.. يمكن حالمه...
اميره: لا .. ماحلمت .. العب على غيري ...
فارس: وش تبيني اقول؟!!
اميره: ابيك تقول عن سبب سؤالك عنها؟!
فارس: هي متزوجه؟! مخطوبه؟!
اميره ابتسمت: لا...
فارس: طيب هي قالت لك شي عقب ماشفتكم؟!
اميره تتذكر: اممم.. لا اظاهر.. اصلا هي ماكانت يمنا..
فارس مبسوط: ماكانت يمكم؟! اجل من كانت يمه؟!
اميره: يم اصبعها..
فارس في نفسه" هه.. على بالي كانت يمي..."
فارس: طيب كيف حال اصبعها؟!!
اميره: لحظه.. لحظه.. لا تضيعني.. وش بتقول عقب ماشفتنا..
فارس: اخاف ماتبي تقولكم..
اميره: فارس: وش صار؟! بسرعه..
فارس: طيب الحين بقولك.. شفتي لما دخلت عليكم وانتم تطلون على محمد ورشا..
دخل عليهم محمد..
محمد: وش فيهم محمد ورشا؟!
فارس: هاه.. اقولها ان محمد بيعطيني هديه إذا رضت رشا..
محمد يضحك: وش دخلك انت اعطيك؟!
فارس: لاه.. الحين انا وش دخلني!!!!......
محمد: ايه.. وش دخلك؟!!..
فارس: الحين انا الي مالي دخل؟!!!
أيا المجرم..
الا في حاله انكم ماتراظيتو..
محمد: لا تراضينا... وانت ابشر بالهديه..
اميره: يعني خلاص بترجع هنا؟!!!...
محمد: لا.. بتجلس مع خوالها.. علشان تجهز..
اميره: طيب وش السالفه؟! ليه فجأه عصبت؟!
محمد: هالمجنونه.. غاليه دقت عليها وقالت ان محمد اغتصبني...
شقت اميره.. طقت صدرها..
محمد: ورشا صدقت لانها شاكه من زمان..من سألتك وعصبتي وارتبكتي..
تأكدت ان فيه شي.. لمادقت هالمجنونه.. كل شي وضح عندها..
اميره: طيب علمتها عن الي سوته غاليه؟!!!
محمد: وش رايك يعني؟!... اكيد قلت لها كل شي..
من طق طق الا السلام عليكم..
اميره: ياقلبي على بنت خالتي.. اكيد بتخرب سمعتها..
محمد يقلدها: ياقلبي على بنت خالتي... ياقلبك على بنت خالتك؟!!
واخوك؟!.. وبنت عمك؟!.. بطقاق هاه؟!..
اميره: انت احمد ربك فيه وحد تحبك لهدرجه..
محمد: مابيه.. مابيه.. تكفيني رشا وحبها لي..
اميره: طيب انسى كل شي...
محمد معصب: هي تخرب علي حياتي.. وانتم تقولون لي انسى.. ياخوان واحد في هالعالم يوقفها عند حدها..
وبدال منتي قاعده تقولين لي انسى .. روحي قولي لها هي تنسى.. تنسى محمد.. هو متزوج الحين.. خلاص.. والله حرام عليها..
انا غلطت في حقها؟.. اوكيه.. لأني اهنتها وتكبرت عليها.. خلاص..
عاقبتني اشد عقاب.. نزلت راسي في الارض.. سنه كامله من الظلم وإهانات وهواش.. لما شافت عقابها كيف يمشي بعروقي.. لما جابو طاري التحليل.. اعترفت..
اعترفت بأنها ظلمتني سنه كامله..
قلتو لي انسى..
ونسيت او بمعنى اصح تناسيت..
لاكن تطلع وتعيد السالفه مع رشا..
لا..
هنا لازم اوقفها عند حدها..
عطيتها وجه بزياده..
فارس: وشلون توقفها عند حدها؟! انت نسيت انها مريضه..
محمد: والله مو ذنبي إذا كانت فيها حاله نفسيه
اميره: لا ذنبي انا..
الحاله الفسيه جتها من رب العالمين ثم انت
محمد: اوووف.. انا ما أحب احد يقول لي انت السبب..
هذا قضاء وقدر..
فارس: ايه.. صح انه قضاء وقدره... وانا لازم نرضى به.. بس مو معناها تنسى انك كنت مأثر عليها وايد..
محمد: إذا كنت انا مأثر عليها.. بس رشا مالها ذنب بالي صار..
سكتو كلهم..
اميره: لقيت حل تخلي غاليه تنساك..
محمد: والي يرحم والديك قولي وخلصيني..
اميره: تاخذ رشا.. وتروح تزورها..
محمد: لا ياشيخه..
اميره: ايه والله.. من جد..
تدري لو أنك تاخذ رشا وتزور غاليه..
غاليه بتدري ان خطتها فشلت..
وان مافيه شي بيفرق بينكم وبتخضع للامر الواقع..
وبتحاول تنسى..
بتعاني في البدايه..
بس بتنسى..
صدقيني يامحمد مراح تندم..
إذا مانست..
على الاقل بتكسب زياره مريضه..
وبتاخذ اجر..
ويمكن تندم غاليه على الي سوته لرشا..
وتعتذر...والله يامحمد مراح تندم..
محمد: __________.
فارس: اقسم بالله كلام غاليه عين العقل.. اسمع كلامها ومراح تندم..
محمد: تتوقعون رشا بتوافق؟!
اميره: رشا طيبه.. ومااظن انها بترفض.. وانت عاد اقنعها بأسلوبك.. بتعصب في البدايه.. بس يامحمد كل شي يمشي بالهداوه...
فارس: انا ابي اعرف ياأميره.. انتي طالعه حكيمه على مين؟!
اميره: لاني حكيمه ولاشي .. هذا واقع .. بس انا مغمضين عيوننا عنه..
نشوف الي انا نبي نشوفه.. ومانشوف الي مانبيه.. محمد انظلم اوكيه .. بس غاليه ماتنلام .. هي ماتدي ان هذا غلط .. ويمكن ينقلب ضدها .. بس بما ان خالتي ودتها للمستشفى .. انشالله هذا اول طريق لشفائها بعد الله ..
محمد: بكلم رشا وبشوف.. يالله عن أذنكم...
اميره وفارس: اذنك معك..
اميره التفتت على فارس: ايه فارس.. كمل..

* * *
الجزء العاشر
* * *
زيارتهم لغاليه
* * *

ماجاها النوم.. تتقلب..افكار تتصادم في راسها..
تفكر..
" طيب يمكن محمد يكذب...
طيب وش مصلحته انه يكذب علي..
وش مصلحته؟ مصلحته انه يراضيني.. بس إذا كان يحب غاليه وش يبي برضاي.. طيب ليه خطبني إذا كان يحب غاليه..اخاف انه من هالشباب الي يلعب على البنات بس إذا جى الزواج.. خذ بنت عمه.. لامستحيل محمد من هالنوع... محمد ولد عمي.. طيب وإذا كان ولد عمي..
يعني إذا كان ولد عمي بيكون معصوم عن الخطى!!.. يمكن يكون غلط معها.. وانا على نياتي..على طول صدقت..والله اني غبيه..لو هو سمع عني شي ولو كان بسيط على طول طلاق..كيف لو كان أغتصاب..
لحظه..الحين انا اصدق غاليه هالمجنونه..وأكذب محمد؟
زوجي؟..بس يمكن مجنون واحد احسن من ميه عاقل..ياربيه وش قاعده اقول.. اعوذ بالله من الشيطان..انام احسن لي"
بس مانامت الا على وجه اذان الفجر..
# # #
قام من النوم... وتمغط...
دخل التواليت غسل وجهه وحلق ذقنه.. ناظر الساعه كانت7 ونص الصبح.. توضى وصلى الضحى..
لبس ثوبه والشماغ.. الي ملاهم بالعطر..
لبس نظارته الشمسيه ..
نزل..لقى امه..
محمد: صباح الخير يمه..
هيا: صباح الخير ياولدي..
محمد: وين اميره وفارس؟!
هيا: اميره راحت الجامعه.. وفارس راح للشركه مع ابوك..
محمد: يالله اجل خلني الحق على الشركه..قبل لايهاوشني ابوي..
هيا: في حفظ الكريم..

# # #
وفي الجامعه....
دخلت رشا..وفسخت عبايتها..وجلست تدور اميره ومنال..
لقتهم
رشا: السلام عليكم...
اميره لفت راسه: اهليييييين..
منال: وعليكم السلام..
رشا: وش اخباركم يابنات؟
منال: الحمدلله وش اخبارك انتي؟
رشا وهي تهز راسها: ماشي الحال...
اميره: ليه ماشي الحال ياعمري؟
رشا ابتسمت: سوري ياأميره يمكن تنرفزت عليك شوي
اميره ابتسمت: تمونين ياقلبي.. وبعدين ماتنلامين..
سكتت رشا......
منال ابتسمت: اميره.. ماسألتيني ليه محلوه اليوم بزياده؟!
اميره تقلدها: ليه محلوه اليوم بزياده؟
منال: الخميس الجاي ملكتي.
اميره مبسوطه: صدق.!!!!!! .. على مين؟!..
منال: على قلبي..
اميره بنفس الحاله: على خالد؟؟!!!..
منال: على خالد..ياه..ماتتخيلون كيف مبسوطه..مبسوطه..مبسوطه..
اميره: عقبالي انشالله..
منال: انشالله.. اشوف رشا ماقالت شي..
رشا: ______.
منال: رويشه؟!!
رشا انتبهت: هاه ..وشو؟!
اميره: وين كنتي؟!
رشا: وين بكون بعد؟
اميره مبتسمه: مع محمد؟
رشا ببرود: لا.. كنت افكر في خالي سامي.. كان يكلمني في موضوع..الا يامنال وش السالفه؟
منال: شفتي محمد زوجك.. عنده صديق اسمه خالد..صح؟
رشا ببرود: شدراني
منال: المهم هذا خالد يصير ولد خالتي.. وبيننا قصة حب طويله وملكتي عليه السبوع الجاي..
رشا: الله يوفقكم..
ورجعت لعالمها الي كانت فيه قبل شوي" من اصدق الحين؟!!... معقوله محمد يكون من هالنوع..ليه يامحمد؟ .. ليه تسوي فينا كذا؟! حرام عليك والله حرام.."
اميره: رشا.. وش فيك؟!
رشا: ________.
اميره: حاسه انك مو على طبيعتك اليوم؟!
خبت وجهها بيدها.. وانفجرت عليهم..
منال: فعلا حتى انا حاسه ان فيها شي.. مو رشا الي عرفتها..
اميره: طيب مشكلتها الي مع محمد انحلت!
وتلتفت على رشا.. الي بنفس حالتها..
اميره: رشا.. رشا حبيبتي... وش فيك؟!..
رشا:__________.
منال: اوكيه يااميره..انا بروح..يمكن رشا حابه تقولك شي..
رشا: لا يامنال..انتي مو غريبه..لو عندي شي بقوله قلته قدامك..
منال: لا حبيبتي..انا عندي الحين محاظره..انتم خليكم.. عندي محاظره الماده الي حملتها العام..
راحت..
اميره: وش فيك يارشا؟!..
رشا : اميره..قولي لي الحقيقه..وش بين غاليه ومحمد؟!..
اميره : كل الي قاله محمد هو الحقيقه..
رشا : اميره..انتي كذبتي علي..وماصدقت..فلا تكذبين مره ثانيه..لاني مراح اصدقك..
عشان كذا قولي الحقيقه..
اميره : والله هذي الحقيقه..
رشا: مو معقوله..بنت تعرض نفسها لسمعه مثل هذي..علشانها تحبه..ماتدخل العقل..اكيد صار بينهم شي..
اميره معصبه : وش قصدك يعني؟!.محمد اغتصب غاليه؟!.
ياحبيبتي محمد اخوي من هالنوع...واذا كنتي ماوثقتي في محمد ولا وثقتي في تربيته..فالكل واثق فيه..
رشا : طيب ليه غاليه تقول كذا؟!..
اميره : غاليه مريضه..مريضه..وماتدري ان الي تسويه غلط..
رشا : يعني اكيد محمد مابينه وبينها شي؟..
اميره: غاليه.. مواول مره تطلع على محمد هالاشاعه.. وكلنا صدقناها..لاننا كنا نقول مستحيل وحده تجيب السمعه لنفسها.. بس بعد سنه وإنا سالفتنا عن هالموضوع..وماندري وش نسوي.. ومحمد يحلف ويقسم انه برئ..تو غاليه تعترف..وقالت انه برئ.. وكنا في هالسنه ناوين نزوجهم..بس محمد قال لو مايبقى في هالدنيا الا غاليه ماخذتها.. رشا صدقيني محمد بريئ..وغاليه ظالمته..
رشا: طيب وإذا رجعت غاليه..وكلمتني..
اميره: لاتصدقينها..والله هي مريضه..يمكن تسوي اي شي علشان محمد..
رشا: طيب محمد حبها؟!!
اميره: لا..بس كان يتعاطف معها..ومره قال لها انا ما احبك انا بس اتعاطف معك لأنك تحبني وانا ماعطيتك وجه..
هي اقهرت منه وحبت تنتقم..وبهذي الحركه بتضرب عصفورين بحجر..تنتقم ويتزوجها..بس محمد رفضها..
رشا: طيب ليه قالها كذا..هو السبب..لوه ماقاله ماسوت هالمشكله..
اميره: غروره..تكبره..بس الحين تاب..بس تطلع فيه ذره من الغرور..بس اهون من اول...
رشا: اميره..انا اسفه..كان طلع مني شي ضيقك..
اميره: ماتنلامين يارشا..بس خلك واثقه في محمد.. يعني محمد الي عمره ماغازل وحده..بيغتصب بنت خالته؟!.. مستحيييل...
تذكرت رشا لما كانت في السوق مع خالها سامي..وتروح وتختبره..وصرخ عليها..وارتحت..
ابتسمت رشا: لأني احبه..احبه..
ابتسمت اميره: وهو بعد يعشقك.. ويموت عليك..
رشا: اميره..لاتعلمينه عن الحوار الي دار بيننا..لأنه امس طلع من عندنا وكنت مقتنعه..يوم جيت انام..جاني الوسواس..ولعب فيني..
اميره: مراح اقوله..بس خلاص انسي..
رشا: انشالله انسى..
# # #
جاسم واقف عند المكان المتفق عليه مع رشا..
وجلس ينطرها...
فتحت الباب وركب..
جاسم: وينس يالكمخه؟!..
رشا: انا كمخه؟ حرام عليك..وبعديين لاتأخرت ولا شي..
جاسم: ايه مشالله..راكبه قبل مااوصل..
جلست تضحك رشا..
نزلت..ودخلت الصاله..والتفت وراها وشافت خالها جاسم..
رشا: وش تبي؟! روح عند زوجتك؟!
جاسم: منيب رايح..وبقعد على كبدس..
دخلت عليهم هدى..
رشا: اهاه..علشان كذا مارحت.. علشان خالتي عندنا..
هدى: بنهجر بيتنا عقب ماجو اهلي..
رشا: الا ياخالتي وين فجر وسحر..
هدى: نايمين..
طلعت لغرفتها وبدلت ثيابها وصلت الظهر..
نزلت دخلت الصاله..
وكانو كل الحريم في الصاله..جدتها شيخه ومنى وساره وهدى وفجر وسحر ورشا..
في الصاله يتغدون..
والبزارين ديما وود بنات ساره وشيخه وزياد وإياد عيال منى في المقلط يتغدون...
لما شبعت رشا راحت فوق علشان تنام...نامت الي وصلت قامت على صوت فجر..
فجر: رووش...قومي بنروح للسوق..بتجين؟!
رشا وهي نعسانه: ودي..بس مافيني حيل.. خلاص وصي خالتي هدى...انا واثقه من ذوقها.. خلها تاخذ من المهر..وانا بنام..
فجر: براحتك..
وطلعت رجعت بتكمل نومها الى 6 المغرب قامت تصلي المغرب المغرب ولما سلمت رن جوالها..
وكان المتصل ينور بأسم ..حبيبي..
عرفت انه محمد...
رشا بنعومه: الووو....
محمد: اهلا ياعيوني.. كيفك؟!
رشا: تمام..كيفك انت؟!
محمد: من سمعت صوتك وانا بخير..
رشا: تسلم يا قلبي...
محمد: اشتقت لك... ودي اشوفك...
رشا: حمودي.. وش اتفقنا عليه؟! مو قلت لك إذا رحت لخوالي مافيه بشوفك ولا بطلع معك...
محمد: بس انا زوجك..
رشا: زوجي على عيني وراسي..بس امس شايفني وقبله شايفني..واليوم بعد؟! صعبه..
محمد: وإذا قلت لك ان اليوم ضروري..
رشا: ليه؟!وش الشي الضروري؟!
محمد: ابي ازور غاليه في المستشفى...وابيك تجين معي..
حست رشا وكأن سهم دخل في قلبها..وشبت الغيره.. وكان ودها تسب محمد..
بأي صفه يزورها؟..
هذا وهي توها مسببه له مشكله.. لوه اي واحد ثاني بمكانه يتجنبها..
رشا بأرتباك: هاه.. اصلا انا في السوق..
محمد: اوكيه اي سوق راح امرك..
رشا في نفسها" يعني مافيه هروب.."
رشا: ليه تبي تزورها..
محمد: بنت خالتي..ومريضه..ومافيها شي..
رشا بغضب: اوكيه انا في البيت ..توني واصله..
محمد: اوكيه احسبي لي ساعه.. وجايك

# # #
وقف سيارته عند الباب .. ودق عليها..
رشا: الو..
محمد: اهلين رشروشتي..
رشا بدون نفس: هلا محمد..
محمد: يالله اطلعي.. انا عند الباب..
رشا: طيب..بلبس عباتي وبطلع..
محمد: انتظرك..
جلس يدور بين الاشرطه.. طلع شريط هاني شاكر.. وجهز الأغنيه الي يبيها.. عطر السياره..وتعطر..وجلس ينتظر.
طلع جاسم.. نزل محمد من السياره.. وسلم عليه..
جاسم: تلقاها كالعاده تأخرت عليك..
محمد: هه..يعني... بس تعرف الحريم وطبايعهم..
جاسم: بس رشا غير.. تدري اني اليوم لاطعتني ساعه عند الجامعه.. ويوم جت حظرتها قلت لها وينس قالت لا تأخرت ولا شي..يووه اعوذ بالله من الحريم...
محمد: كلهم مثل بعض.. حتى اميره اختي مثل طبايع رشا..
جاسم: وانت كم الساعه لاطعتك؟!!..
محمد: اممم.. يعني يمكن نص ساعه..
جاسم: اوووه... ادخل وتقهو..واشرب شاهي..وتعشا..ونم وقم..وافطر..واركب سيارتك وانطق ساعتين..بعدين بتجيك..
جلس محمد يضحك..
جاسم: وين بتروحون ذا المره؟
الكورنيش؟ ولا الشاطئ
تعرف عاد انتم هنا مالكم غير البحر..مو عندنا في الخرج..
محمد يضحك: ليه وش عندكم في الخرج؟
جاسم: المخطط..و..و..و..المخطط الثاني..
محمد يضحك: بس..المخطط؟!!
جاسم: عندنا شارع..عندنا بقاله..عندنا مطعم..عندنا سوق..
محمد: احلف..كل هذا عندكم؟
جاسم يضحك: والله العظيم.
محمد: ياحظكم..ياليتني خرجاوي..
جلسو يضحكون..
طلعت رشا..
جاسم: اخيرا شرفتي..
رشا ماردت عليه..راحت وركبت في سيارة محمد..
جاسم: وش فيها؟
محمد: مدري..على العموم الجلسه معك ماتنمل..بس وش اسوي المدام وصلت..يالله فمان الله...
جاسم: فمان الكريم..
ركب محمد السياره...
محمد: تو ما نورت السياره..
رشا ماردت..ضغط محمد على البنزين..ومشغل غنية
هاني شاكر- قربني ليك..
الوقت ليه بيفوت بسرعه وانا جمبك..
كان نفسي أقولك الف ميه مليون بحبك..
وكان محمد جالس يغني معه..وكل شوي يلتفت على رشا ويغني لها..
ورشا لافه صوب الدريشه وماعطته وجه..
وقف السياره عند المواقف ونزلو .. ومشو..
دخلو المستشفى..
وكان يمشي الين وصلو عند غرفه غاليه..
رشا بدون نفس: مشالله اشوفك دال الغرفه..
محمد ماسمعها: هاه؟!!!!!!!....
رشا: سلامتك..
محمد: شوفي يارشا..لاتكلمينها عن ذاك الموضوع..اوكيه.. ولا كأن شي صار..
رشا بدون نفس: ليه خايف على مشاعرها؟؟
محمد مستغرب: وش هاللجه الجديده؟!
رشا: ابد..ولا شي..كمل..
محمد: ادخلي..وانا راح اوقف هنا..
~.~.~.
جالسه على الكرسي..
وبنتها جالسه تتفرج على مجله وهي على سريرها..
وجالسه تتذكر لما كانت سالفه بنتها ومحمد..
لما كانت تدعي على محمد وهو ماله ذنب..
لما شافو دموع محمد ولأول مره وكانو يقولون له دموع تمساح..وكان متعب زوجها يقوله انت فنان في التمثيل بس حنا كاشفينك
تذكرت لما جلس يلعن ويسب غاليه لما كانت في غرفته عقب مالمتنا بصراخها..
تذكرت الكف الي عطاه غاليه لما تفاجأ
"..كان مرتاع لما شافها تصارخ لما دخلنا وجت وضمتني .. كان مطير عيونه.. ولا نطق ولاكلمه..لما سألناها وش فيك وش صار.. قالت محمد حاول يغتصبني.. كلنا شهقنا.. بس محمد عطاها اقوى كف جربته في حياتها..
وكان محمد ينكر ويحلف.. وكلنا جلسنا نسب فيه.. كان واضح ان محمد صادق بس حنا انعمينا.. كلنا ظلمناه سنه كامله ظلمناه.. لما اجتمعنا وجلسنا نخطط على انا نزوجهم وكنا نبي كل شي بسرعه كنت اشوف في عيون غاليه فرح واستغربت ان في وحده في هالموقف وتفرح بس فسرتها انه فرحانه لاننا بنستر عليها قبل ماتنفضح..
دخل علينا محمد وسمعنا والتفت علينا
وقال والله والله لو مايبقى غير هالصايعه غاليه ماخذها..
قالت هيا موب على كيفك تلعب في بنت الناس وبعدين تقول مراح اخذها..
بس رد عليها محمد والله مالعبت فيها يمه انا تربيتك يمه معقوله هالكلام يطلع منك
بس هياقالت تف عليك وعلى تربيتي دلعتك وايد وش نفع هالدلع؟ انت منتب داري الى الشيخ جاي وبتاخذ غاليه رضيت ولا انرضيت
كان محمد خانقته العبرى وقال يمه رجال وبشواربي وتجبروني على الزواج
بس قالت له وهي معصبه
مالت عليك وعلى شواربك هذي مو فعايل رجال مو كل من ركب شوارب طلع رجال
قال لها وهو معصب هه على بالك إذا جى الشيخ بسكت بقوله مابيها وإذا قال متعب زوجتك ابنتي بقول ماأبيها ليه بلشتو بهالداشره غوليه..قلتو خلنا نسوي هالتمثليه علشان يتزوجها محمد ومره وحده يبلش بها ..واتحداكم إذا تم الزواج وانتي ياخالتي انتي وبنتك بقولكم كلمه ترى دعوة المظلوم مستجابه والله ماينسى عباده
قالها وطلع حسيت في نظرات غاليه خوف
اما انا ماأهتميت في كلامه بس طلع وجلس ثلاث ايام ماندري وينه جواله مقفل وقلبنا الشرقيه كلها ومالقيناه
البعض فسر هالشي هروب علشان مايتزوج غاليه
والبعض فسر انه خاف علشان مانكشفه
والبعض كان خايف انه مظلوم وسوى في روحه شي
لما جى قالنا فارس حل للو غاليه إذا كان محمد مغتصبها بيطلع في التحليل
كلنا وافقنا الا غاليه
ومره كنت جالسه اخمن الاسباب الي خلت غاليه ترفض هالتحليل
دخلت علي غاليه وهي منزله راسها
وقالت يمه بقولك شي بس لاتعصبين علي
من لما قالت كذا وانا حاسه ان السالفه مو بسيطه بس ماجى على بالي الشي الي بتقوله
انا وقفت وقابلتها
قلت وشو ياغاليه
قالت يمه انا دخلت غرفه محمد مو هو الي قالي
من قالت كذا انا شهقت وحطيت يدي على فمي
قالت وهي ترتجف يمه يمه تكفين لا..
قاطعتها وقلت وش سويتي ياحماره
قالت وهي تصيح حبيت ابين له اني اقدر انزل راسه الي رافعه علينا حتى لو كان محمد ولد صالح
قلت لها وش سويتي
قالت دخلت غرفته وشققت هدومي وانتظرته لما دخل جلست اصارخ وقلت انه حاول يغتصبني
ماحسيت الا ويدي ترتفع وتعطيها كف يدي حمرت من قوته مسكته بشعرها وانا اقول ياحيوانه يالداشره كل هذا يطلع منك وين اودي وجهي من اختي وين اودي من محمد
جلست اضرب فيها بدون رحمه كنت اصيح وغاليه تصيح وتقول يمه اضربي لين تشبعين بس سامحوني
قلت اسامحك؟ عقب كل الي سويته وتبيني اسامحك يالله انقلعي عن وجهي ولا ابي اشوف رقعة وجههك يالله انقلعي
راحت وهي تركض ومنفجره جلست ادور في الصاله وانا اصفق وجهي
قلت مالي غير متعب
ودقيت عليه لما جى قلت له السالفه
على طول طلع لغرفتها وضربها ضرب مو طبيعي كان من الحره يضربها في اي مكان من جميع انحاء جسمها كانت لامه رجولها على صدرها ومنزله راسها وهو يضرب نسى انها كانت دلوعه البيت وبنته الوحيده
مانمنا ذاك اليوم جلسنا لين هدت الامور وقلنا لغاليه تقفل على نفسها
لما جت الساعه 3 العصر دقيت على اختي وقلت لها تعالي
ومتعب دق على صالح وقال لهم تعالو انت والعيال
كان انا ومتعب طايح وجهنا
لما جو كانو خايفين من هالعزيمه المفاجأه
دخلو الصاله وانا لبست جلال وجالسه اصيح
اما اختي مافسخت عباتها وكانت مرتاعه
جلسنا ساكتين انا اناظر متعب ومتعب يناظرني كل واحد يبي الثاني الي يتكلم بس قال متعب سامحنا يامحمد ظلمناك
كلهم طير عيونهم قال صالح وشو يا متعب
قلنا لهم السالفه كان محمد جالس في مكانه ماتحرك اما صالح قام معصب وطلع من البيت ولحقه متعب اما هيا على طول فسخت عباتها وعلى طول راحت لغرفة غاليه وقالت بصوت عالي افتحي افتحي يالملعونه افتحي اوريك شغلك
اما انا التفت على محمد وجلست اصيح وقلت محمد سامحنا كلنا غلطنا في حقك ابتسم ابتسامه تسكيته وقال عقب ايش؟
واطيح على رجوله وابوسها قامو ثنينهم محمد وفارس ومسكوني
قال محمد لا ياخالتي لاتبوسين رجولي مهما كان انتي خالتي قلت وانا اصيح يعني خلاص راح تنسى
باس راسي وقال راح اسامحكم كلكم الا غاليه قالها وطلع ولحقه فارس وقاله وهم في الحوش ظهر الحق ظهر الحق نزلت هيا وطلعت لانها تبي تلحق على محمد بس مالحقت عليهم لان محمد وفارس راحو بس جى صالح بعد ماأعتذر منه متعب وباسه على راسه خذ هيا وراحو ولا هيا مارضت الا لما جى اليوم الثاني وجبت لها غاليه تبوسها على رجولها واتفقنا ان السالفه ماتطلع من هالبيتين"
طاحت دمعه وهي جالسه تتذكر بس تفاجأت بوحده دخلت عليهم الي هي رشا..
جلست رشا تناظر غاليه على السرير وأمها جنبها..
وطيروا عيونهم لما فتشت..
رشا: السلام عليكم..
رشا تفاجأت لما شافت غاليه لأنها ماتوقعت انها بالجمال هذا كانت ايه من الجمال كانت تحمل براءه عجيبه جلست رشا ساعه مطيره عيونها فيها وشبت الغيره في رشا زياده لما درت ان غاليه بالجمال هذا..
منيره: وعليكم السلام..آمري اختي؟!..
رشا: اكيد ماعرفتوني..انا رشا زوجه محمد..
منيره وغاليه جلسو يناظرون بعض..ثم التفتت منيره على رشا ووقفت
غاليه انقهرت اكثر لما شافت رشا كانت عارفه ان رشا حلوه من وصف اميره بس اميره ظلمتها لان رشا من النوع الي إذا وصفتها تظلمها لأن جمالها ماينوصف

منيره بأبتسامه مصطنعه: حيا لله رشا... مشالله تبارك الرحمن عرف يختار..قمر 15 ..
رشا بأبتسامه مصطنعه: عيونك الحلوه
وتلتفت على غاليه: وش اخبارك ياغاليه..
غاليه ناظرتها من فوق لتحت ولفت صوب الجار:____.
منيره: تعرفين يارشا.. نفسيتها الين الحين تعبانه..
رشا: مو مشكله..
منيره: محمد فيه؟!
رشا: ايه... عند الباب..
نقزت غاليه: محمد فيه؟!!!!
رشا في نفسها" شوي شوي لا يوقف قلبك"
تكلم محمد من ورى الباب...
محمد: هلا خالتي...
منيره: هلا يمه.. وش لونك؟!
محمد: بخير الحمد لله..شلونك انتي؟
منيره: بخير الله يسلمك.. وراك واقف عند الباب ادخل..
نقزت رشا: لا..وين يدخل؟!.. خله عند الباب احسن..
غاليه بدون نفس: لا تخافين .. بتغطى..
محمد: لا مكاني هنا احسن..وشلونك ياغاليه؟!
غاليه مبسوطه وتناظر رشا: بخير دامك بخير.. انت وشلونك؟
محمد: الحمد لله تمام..
منيره: وش لون امك؟! وراها مازارتنا اليوم.. غريبه امس تقولي كل يوم راح ازورك
محمد: الحين هي في الطريق.. جايبها فارس..
منيره تلتفت على رشا..
منيره: وش اخبار اهلك يارشا؟!
رشا: الحمد لله بخير..
غاليه حبت تنرفز رشا.
غاليه: عاد رشا لها اهل؟!!! اهلها ماتو..
رشا حست قلبها وقف.. كان ودها تشدها مع كشتها.. ودها تصيح..ودها ترد لها برد اقوى بس حبت تسوي اخر وحده..
كان محمد مرتبك.. خايف يصير شي.. وتحسف انه جاب رشا هنا.. بس لما ردت رشا ارتاح ..
رشا: يكفيني محمد..هو اهلي..
غاليه انقهرت.. بس اعتبرت المسأله تحدي..وردت..
غاليه: ايه.. اكيد.. لان مالك اهل بتعتبرينه هو اهلك.. ايه ومن لك بعده.. الله يخليه لنا..
محمد دايم حنون قال مسكينه يتيمه خلني اخذها الم شملها.. احسن من ماهي متشتته...
وقفت رشا واصله معها..
رشا: صحيح اني يتيمه.. لاكن ماني مسكينه ولاني متشتته.. لأن عندي خوال يسوونك عشر مرات....
على العموم انا اسفه كاني جيت في وقت نفسيه غاليه تعبانه.. الا في حاله ان نفسيتها كذا دايم..

وقفت منيره: لا.. وش هالكلام يارشا.. حياك الله في اي وقت..
رشا: عن اذنك ياخالتي..
منيره: اذنك معك يابنيتي..
طلعت من الغرفه.. شافت محمد واقف.. ناظرته بطرف عينها ومشت لحقها محمد
~.~.~.
منيره: وش اسوي فيك؟! وش اسوي فيك؟!
غاليه:______.
منيره: انتي مراح ترتاحين الا لما اموت
غاليه: بعيد الشر بس هي الباديه والبادي اظلم..
منيره: وش هي الباديه وش وهي الصحن؟! يهال احنا
يابنتي اعقلي وانسي محمد هذا جزاهم عقب الي سويتيه جايين يزورونك..
~.~.~.
ركبو سيارتهم..
التفت عليها..
كانت حاطه يدها على وجهها ومنفجره..
محمد: رشا..والله غاليه ماتستاهل دمعه وحده منك..
رشا: عاجبك؟ عاجبك الكلام الي قالته؟!
محمد: والله ماعجبني..بس وش اسوي؟
رشا: ليه مارديت عليها؟!
محمد: ______.
رشا: الا في حالة ان كلام غاليه صدق..
محمد: الحمد لله.. معقوله يكون هذا تفكيري.. لاتخلين وحده مثل غاليه تسبب بيننا مشاكل... رشا انتي اعقل من كذا.. انا يارشا تزوجتك لسبب واحد لأني حبيتك..وبعدين مشالله تبارك الرحمن.. انتي ماخليتي لي فرصه ارد عليها قمتي بالواجب..
رشا: ودني لأهلي..
محمد ابتسم: انا اهلك .. واهلي اهلك.. وخوالك اهلك .. من تبين بالضبط..
رشا: خوالي..
محمد بلهجه السوريه: ولك مو على راسي..
محمد مبتسم: زعلانه؟!!!!
رشا بدلع: ايه..
محمد بأبتسامه اكبر: ويسلم لي الي يزعلون يانااااس..
ضغط على البنزين..وهو يدور بين الاشرطه.. الين لقى الي يبيه.. دخله وظل يعيد يقدم الين وصل للأغنيه الي يبيها..
عادل خميس-ياغالي لايهمونك
ياغالي لايهمونك..
وامسح دمعة عيونك..
انامابيك ابد تهتم..
وعندك ناس يغلونك..
وكان محمد يغني معه ويشر عليها..
اما رشا كانت مبسوطه من داخلها.. بس تتغلى عليه..
وهذا الشي كان عارفه محمد..

# # #
وقف السياره عند الباب..
والتفت عليها..
محمد: شفتي الكلام الي قالته غاليه.. اسمعيه من هالاذن .. وطلعيه مع الأذن الثانيه.. اوكيه؟!!..
رشا: الكلام الي قالته مو بسيط يامحمد....
محمد: عارف يارشا.. بس إنا راح نقابل غاليه كثير..ولازم نتحمل كثير..
رشا: كيف يعني راح تقابلها كثير.. لا ياحبيبي لا .. المستشفى مراح ادخلها مره ثانيه...وإذا كنت تبي تروح..روح بروحك..
محمد: مو قصدي المستشفى.. بعد الزواج راح نتقابل..صح؟!
رشا: صح..
محمد: لاتاخذين بكلامها ياحبيبتي..مجنونه.. ومثل ماقلت لك اسمعي من هذي وطلعي مع الثانيه.. اوكيه حبيبتي.. لاتخليني احس بالذنب طول اليوم ..هاه؟..سوري ياقلبي..
رشا: اصلا انا ماأقتنعت من البدايه من الروحه.. بس يالله علشانك راح انسى..
محمد مبتسم: يلوموني فيك...
نزلت من السياره..وفتحت الباب التفتت يم محمد..
اشر لها باي..
اشرت له باي..
ودخلت..
دخلت الصاله..
شافت كل اهلها مجتمعين..
هدى: ايه الحلوه..طالعه تتمشى مع الحلو.. وانا طالعين نكرف لها..
رشا: قال تمشيه قال..ياليتني رحت معكم..ولا رحت معه وسمعت كلام يسم البدن..
سحر: ليه تهاوشتو مره ثانيه؟!
رشا: لا فال الله ولا فالك.. بس رحنا نزور الي ماتنتسمى غاليه.. ابي اعرف ليه سموها غاليه؟..على من غاليه؟
سحر تضحك: على محمد..
رشا رمت على سحر التكايه الي تخبت ورى امها..
رشا: محمد في عينك..
جلسو يضحكون..
رشا: اقول وروني وش شريتو لي؟..
# # #
محمد قال السالفه لأميره..
اميره: يوه..ماتخيلت غاليه بتكون كذا...
محمد معصب: الا اسوا من كذا..حطتني في موقف لايسر عدو ولا حبيب.. الين مته هذي بتحطني في مواقف مثل هذا.. عارف وش بتقولين.. انسى.. بس خلاص.. تعبت وانا انسى..مليييييييت..
اميره: معليش يامحمد.. معليش.. انت تعرف غاليه مريضه..
محمد بنفس الحاله: طيب وش معنا انا؟ انا الي اعرفه ان الي يحب يدور راحة حبيبه.. وانا الي اشوفه ظلم وقلق وانتقام.. هذا الي اشوفه من غاليه.. هذا مو حب..
اميره: انت هد اعصابك..وانشالله بكره ازور غاليه.. واكلمها في الموضوع..
طلع محمد لغرفته معصب...

# # #
حاولت تنام...بس كل غمظت..
تذكرت غاليه..وكلامها..وكانت دموعها طابعه على المخده..
وكانو معها في الغرفه فجر وسحر..
كانت سحر نايمه.. وفجر كانت تقراء روايه بنات الرياض..
وحاطه سهاريه عند راسها..وكانو مطفين النور..
بس فجر سمعت شهاق رشا...
فجر بهمس علشان ماتقوم سحر...
فجر بهمس: رووش..رووش..
مسحت رشا دموعها ولفت على فجر...
فجر تهمس: وش فيك؟!
رشا تهمس: مافيني شي..بس خايفه..
فجر: من منه؟! من محمد؟
رشا: لا...من التجربه الجديده الي راح اعيشها..
فجر: كل واحد بيخوض تجربه جديده لازم يخاف..طيب هذا الي صيحك؟!**
رشا هزت راسها يعني لا..
فجر: وش فيك؟!..
رشا: فجر..تتوقعين محمد متزوجني لانه يشفق علي..
فجر: من يقول هالكلام... الكل عارف ان محمد يحبك..
رشا: غاليه تقوله..
فجر: وغاليه وش دراها؟!
رشا: مدري.. بس بصراحه خلتني اشك في الموضوع..
فجر: لا..لا..رووش..لاتخلين وحده مثل هذي تأثر على علاقتكم.. انتي تحبين محمد ومحمد يحبك وهالشي الكل يعرفه..وبعدين هي من سمعت بالخبر وهي بالمستشفى..معناها اول مره سمعت بالخبر من الصدمه طاحت عليهم..والين اليوم تو محمد يزورها..هي وش دراها كانه شفقه ولا حب..بس هي حابه تنرفزك..
رشا: ولا بعد تدرين وش قالت؟!
فجر: وش قالت؟!
رشا: تقول انا مالي اهل..اهلي ماتو..
نطت عليهم سحر..
سحر: لا هذي يبي لها قص لسان وقص براطم..كيف يعني مالها اهل..واحنا وين رحنا..وعمها صالح وين راح..هي الي مالها اهل يربونها...
فجر: بسم الله..الحين انتي مو نايمه..
سحر: كنت..بس اصواتكم قومتني..يارشا لايكون سكتي.
رشا: لا..قلت انا عندي خوال يسوونك عشر مرات..وعلشان انرفزها زياده قلت محمد اهلي..
سحر: كفو..كفو والله ببنت خالتي..ايه خلك قويه..
رشا: بس محمد راضاني..وشغل لي أغنيه..يااااي..جنان..مناسبه مع الموقف..وكان يغني معه..وإذا غنى المطرب لحبيبته اشر علي..وإذا تكلم عن نفسه مثل مقطع
[وعندك ناس يغلونك]
يطق على صدره..آآآه..
خلاني ابتسم رغم ان دموعي تبط بط...
سحر وفجر جلسو يضحكون..
سحر: بأكتبها في التاريخ الي خلى رشا تبتسم وهي تصيح..الوحيد.. محمد بن صالج..
فجر: واضح ان زوجك رومنسي..
رشا: قال رومنسي قال.. اصلا محمد هو الي اخترع الرومنسيه..
سحر: اها...يعني إذا جاني سؤال في الفيزياء..
من اول من اخترع الرومنسيه في الارض؟!!...اقول محمد بن صالح..
رشا: قوليه..وعلى مسؤليتي.. ان ماجبتي نسبتك 100%..ماأكون انا رشا..
فجر بتردد: طيب..فارس رومنسي مثل محمد..
رشا: مدري..بس الي سمعته ان فارس طبق الاصل من محمد..
بس ليه هالسؤال؟!!
فجر: بس مجرد سؤال..
فجر في نفسها" ليه سألت عنه؟! وانا وش علي منه؟!!!... هو صحيح انه هو الي طلع اصبعي من الحلقه..بس مو معناه اني اكون افكر فيه 24 ساعه.. الي تلاقينه ناسي هالسالفه... اعقلي يافجر..وبلاش هالحركات.."
صحت على صوت سحر ورشا..
سحر ورشا: يااااااهوووو...
فجر: نعم...
سحر: وين رحتي؟! ومع مين؟! وليه هذا الشخص بذات؟! وليه ماعلمتينا؟!
فجر: شوي شوي...وين رحت؟! للجنوب..ومع مين؟! مع بشاير صديقتي..وليه هذا الشخص بذات؟! لانها تعيش معاناة مع زوجها..وليه ماعلمتكم؟! انتم عارفين القصه..
جلسو رشا وسحر يصفقون لها ..وفجر طيرت عيونها فيهم..
رشا تلتفت على سحر: اختك فنانه في الفقش...
سحر: وش فنانه وبس... الا تستاهلين جائزة الاوسكار..بس مو علينا..
فجر: الحين ليه انتم ماتصدقوني؟! فيه احد قالكم اني كذابه..
رشا: ايه.. فيه..
فجر: ميين؟!!!!!!...
رشا وفجر: عيونك.....
فجر رمت عليهم المخده..
فجر: ماأقول غير... هه مالت عليكم وعلى الي يكلمكم...
ارجع بس لرجاء الصانع وبنات الرياض..
وجلست تقراء...
وهم جلسو يضحكون وراح كل واحد لسريره..ونامو..

# # #
وفي الصبح...
على طاوله الطعام..
اميره: اليوم من بيوديني للجامعه؟!
فارس: سوري ياأميره.. انا اليوم مضغوط..
محمد: وانا بعد..معليش..
حاولي مره اخرى..
قالها وضحك هو فارس..
اميره: يووووه..يبه..الين مته وانا اذل نفسي لهم..بروح مع السواق...
صالح: لا..الا السواق..
اميره: يعني وشلون؟! وش اسوي؟! الا في حالة اني ادق على رشا واروح معها مع خالها...
قاطعها محمد: من خالها؟!!..
أميره: من خالها بعد...سامي...
نقز محمد: لا..لا..خلاص بوديك..
قام من على الكرسي...
محمد: يالله ياأميره البسي عباتك...
هيا: كمل فطورك يامحمد..وخل اميره يمرها سامي..
محمد: لا..لا..لا.. انا بوديها... يالله قومي..
قام وهو اخذ كروسان وراح ركب سيارته..
بعد عشر دقايق ركبت.. شافته ياكل..
اميره: جوعان؟!.. تبي فطور؟!.. روح كمل فطورك..
محمد وهو يدور بمفتاحه والكروسان في فمه: لا..لا..
ضغط على البنزين ومشى...

# # #
نزلت فجر عليهم..
وهم حول السماط يفطرون..
سامي: وين رشا؟! ماصارت.. ابي اروح للشركه..
فجر: مراح تروح..تقول مالي خلق..
قام سامي وخذ مفاتيحه وجواله وبوكه.....
سامي: بسلامتها..يعني انا وجاسم اليوم في اجازه...
فجر: لابعد اليوم اربعاء..يعني اليوم وبكره وبعده إجازه..
سامي: ياسلام..بروح ابشر جسوم..
نقزت هدى: هيييه انت.. اصغر عيالك هو..تكلم عدل وقول عمي جاسم..
سامي وهو يضحك: انشالله ياحرم عمي جاسم..
جلسو يضحكون...
# # #
اميره ومنال جالسين ينطرون رشا..
منال: تأخرت رويشه...
اميره: بدق عليها..
رفعت جوالها ودقت..
رشا نعسانه: الو..اهلين امور..
اميره: اهلين رويشه..وينك؟!
رشا: في سريري..مراح اجي..
اميره: ليه؟!
رشا: مالي خلق..
اميره: لايكون زعلانه على سالفه غاليه..
رشا: لا..لا..بس مدري احس اني تعبانه شوي..
اميره: سلامتك ياقلبي..ليه..سلامات؟!
رشا: مدري..بس حراره ولوز..هه يعني تعب ويروح بسرعه..
اميره: يالله انشالله تقومين بالسلامه..مابي اطول عليك..باي..
رشا: باي ياقلبي..
سكرت اميره السماعه...
منال: هاه..وش فيها؟...

# # #
سكرت السماعه من اميره..
والتفتت يم سحر الي نايمه..
دخلت عليها خالتها ساره..
ساره: سلامات يمه..تقول فجر انك تعبانه..
رشا: سخونه عاديه..
ساره: قومي اوديك للمستشفى..
رشا: لاخالتي مايحتاج..
حطت ساره يدها على جبهة رشا..
ساره: اوف..حرارتك مرتفعه..يالله قومي ياعمري..
دخلت منى: قومي وبلاش دلع بنات.. قومي حتى صوتك ماش..متغير..
رشا: خالتي والله مايستاهل..خلاص باخذ لي شور..وانشالله تخف...
دخلت هدى: وإذا ماخفت لا سمح الله..
رشا: بللو فوطه بمويه بارده..وإنشالله تخف..
دخلت فجر: وإذا ماخفت لاسمح الله..
رشا: اكل فيفدول..
نفزت سحر..كلهم جلسو يسمون..
سحر: وأذا ماخفت انشالله..
ظربتها رشا بالمخده..
رشا: وانشالله بعد..هاه؟!!!!
سحر: وإذا ماخفت لاسمح الله..
رشا: ذيك الحزه بروح المستشفى..
دخلت امها شيخه ومعها كاس عصير ليمون: اقول عن الهذره الزايده..
واطلعو خلو رشا ترتاح..وانتي يارشا اشربي هالعصير..وتروشي..ونامي..وانشالله بتخفين..
منى: لا يمه..مراح نترك رووشتنا..
ساره: بس حنا راح نطلع علشان تاخذ شور...
هدى: اول ماتخلصين..علمينا..
فجر: عادي قولي نشبه..
سحر: ايه لأنكم متعودين..
ظربتها هدى مع كتفها وهي تضحك..
طلعو..
انبسطت لما شافت كيف خالاتها كيف كانو خايفين عليها.. وتنهدت وقالت في نفسها" آآآه...ياليتك ياغاليه تجين وتشوفين خوالي..الي لو اهلي عايشين ماسوو كذا...
وانا لو اهلي عايشين ماحبيتهم كتر ماأحب خوالي.."
قامت وخذت لها شور..لما طلعت ولبست جلابيتها..
وجلست تمشط شعرها المبلول..
رن جوالها بأسم حبيبي..
رشا بنعومه: اهليييين..
محمد: هلا رشا..وش لونك؟! وش اخبارك؟!وش علومك؟! كيف صحتك؟! وش احوالك؟!..
قاطعته رشا: شوي شوي علي
اختصار لكل اسألتك..اشوا..
محمد: اكيد.. اميره دقت علي وقالت انك تعبانه ..
رشا:والله انتم مكبرين السالفه.. الدعوه كلها حراره ولوز..بس..
محمد: رشا..الحين بجيك اوديك للمستشفى...
رشا: لا يامحمد مايحتاج....
قاطعها: لايحتاج..ترى كل الم تحسين به..يعورني قبل لا يعورك..
رشا مبتسمه: لا عاد..في حالة انه يعورك..تال ودني ..
ابتسم محمد: طيب ..جايك الحين ..خلك جاهزه ..اوكيه
رشا: اوكيه...
محمد: يالله ياحياتي باي..
رشا: باي..
ابتسمت ابتسامه كبيره بعد ماتنهدت ..
ورجعت تمشط شعرها...

# # #
نزلت لابسه عباتها..
ركبت السياره..
رشا: سوري يامحمد..اكيد تأخرت عليك ..
محمد: تعودت ..
ضغط على البنزين وراح للمستشفى...
# # #
شيخه: الحين هذي وين راحت؟!
هدى: راحت للمستشفى يايمه..
شيخه: الحين تو..ماتبي تروح للمستشفى..
منى: دوب محمد اتصل عليها..
وهي عاد ماترفض طلب لمحمد..
سحر تضحك: دوب!!!..ايوا يادوب.. اشوفك خذتي كلام الحجاز..
منى تضحك : تعودت ..
سحر: لا..انا لهجتي هي هي..ماتتغير حتى لو عشت مع غرب..
فجر: اكيد..إذا عشتي مع غرب ..مراح تتغير لهجتك..
سحر: ايه لأني اصليه..
فجر: لا..لأنك مراح تفهمينهم..ولا راح يفهمونك..ولا راح يكون فيه نقاش ..ابدا ابدا..
سحر: على الاقل انا احسن منك .. اعرف اقول هاي ..باي ..
فجر: والله..
سحر: مابعد شفتي شي.. اعرف اقول..أ..أ..أ..
فجر: نسيتي؟!
جلسو يضحكون كلهم...

# # #
دخلت غرفتها..
بدلت ملابسها..
وتوها بتنوم سمعت صوت باب غرفة محمد..
راحت تركض..
فتحت عليه الباب..
محمد بهدوء: كم مره قلت لك .. ادبا..طقي الباب قبل ماتدخلين ..
طلعت وطقت الباب وفتحته ..
اميره: كيف حال رشا؟
محمد: الحمد لله ..عطاها مخفض للحراره ..وحبوب للوز..
اميره: الحمد لله..
طلعت وراحت تنام .. الين جت الساعه 6 ونص المغرب ..
صلت ونزلت..
لقت ابوها جالس على اللاب توب ..
اميره: مساء الخير بابا..
صلاح: هلايمه ..
اميره بدلع: بابا ..حابه ازور غاليه..قول لواحد من أخواني يوديني ..
صالح: بس غاليه طلعت ..
اميره: والله ؟ متى
صالح: اليوم وانا ابوك..اول مادرت امك قالت لفارس يوديها...
اميره: وليه ماعلمتني ؟
صالح: وهي وش دراها..وهي بعد تبي تلحق على فارس قبل مايروح ..
سكتت اميره..
صالح: اقول ياأميره.. اليحن صرتي حرمه..والوحده إذا جى نصيبها وش تحتري؟..وبعدين الوحده ماتاخذ غير نصيبها..
اميره: يبه .. بلاش مقدمات وادخل في الموضوع على طول

صالح: حمد ولد ابراهيم شريكنا في الشركه.. متقدم لك ..
طيرت اميره عيونها.. وقالت في نفسها"..وسامي.. ياناس انا مابي غير سامي..ياعالم انا احب سامي..ومابي غيره.."
صالح: وانا قلت للرجال عطنا فرصه نفكر..وعلى فكره ياأميره..والله ان حمد رجال وماينعاب..وكانك تبينا نسأل عنه زياده سألنا..بس من ناحيه الشركه..الكل يحبه ويمدحه..ويقولون نيال الي بتاخذه والي بيناسبه..
هاه..وش قلتي وانا ابوك؟!
اميره: ياليت يايبه تخليني افكر..تعرف يايبه هذا زواج مو لعبه..
صالح: براحتك..



باقي على الزواج اسبوعين..
والعطله بدت..
سامي لما عرف بخبر حمد الي خطب اميره انهبل...
وطار هو مع ابوه وخطب اميره من صالح..
صالح قال لأميره لك الأختيار..
اميره طبعا اختارت سامي..
لاكن محمد رفض..
لان محمد قارن بين سامي وحمد..وطبعا فلوس حمد دبل فلوس سامي 3 مرات..
ومحمد قدر يقنع ابوه بقوله..
محمد: يبه..اميره تعودت على العز والفلوس..وتعودت ان طلاباتها تتنفذ قبل ماتنطق بها..وهالشي بتفقده مع سامي.. بس حمد بتعيش معه مثل ماهي عايشه معنا..
صالح: بس اميره تبي سامي..
محمد: واميره وش عرفها..إحنا يالرجاجيل ادري بمصلحتها..كل هالحركات دلع بنات..وبعدين لو تتزوج سامي راح تتعب ..وتتعب الرجال معها..فلوسه مراح تكفي لطلاباتها..يبه احنا الكبار..ولازم نفكر في مستقبل البنت..
اقتنع صالح من كلام ولده..
بس مابعد عطوا احد خبر..لا أميره ولا حمد ولاسامي..
اميره دقت على رشا وعزمتها هي وفجر وسحر..

تقريبا الساعه 8
سمعت اميره صوت الجرس وراحت فتحت لهم الباب
ودخلتهم في الصاله..
وسواليف..
وضحك..
واستهبال..
واميره مبسوطه اااااخر انبساط..
لأنها ماتوقعت ان محمد راح يقلب راس ابوها..
وقف محمد عند الباب..
وسمع اصوات بنات..
وتنح نح...
اميره: منو؟!!!!!..
محمد: انا محمد...بروح غرفتي..
تغطو سحر وفجر...
دخل..
محمد: السلام عليكم..
ردو بصوت خفيف: وعليكم السلام..
التفت شاف رشا..
طالعه تجنن لأنها صابغه شعرها..والشعر البني لايق عليها..وكان اول شعرها قطعه وحده..والحين مدرجته..
ابتسم لها ابتسامه كبيره...
غمز لها..
وردت له بأحلا ابتسامه شافها..
وطلع فوق..
ونادى اميره...
جت ..
محمد: شوفي... قولي لرشروشتي تصبر لاتروح معهم..تجلس شوي بعدين انا بوديها..
اميره: انشالله..
~.~.~.
في الوقت الي كانت اميره مع محمد...
كانو سحر وفجر يتساسرون علشان يلعبون بأعصاب رشا.. الي كانت حاسه انهم يتكلمون عن محمد...
~.~.~.
في هذا الوقت دخل عليهم فارس..
والتفت شاف البنات..
وخصوصا فجر...
هم بسرعه تغطو..
وهو بسرعه رجع..
وقلوب هالاثنين تدق بسرعه رهيبه...
نزلت اميره...
والبنات علمو اميره..
جت وقفت عند الباب..
اميره: فارس.........
مارد عليها...
اميره: فارس........
مارد..
اميره صرخت: فــــــاااااااااااااارررسسسسس
وقفت فجر ويدها على قلبها وهي تقول: وشفيه ياأميره
فارس يقول لأميره عقب ماصحا من صرخة اميره: وجع...نعم؟!
اميره جلست تضحك هي والبنات الا فجر
الي جلست وهي تحنش..
فارس: خير وش الي يضحك؟!
اميره وهي تضحك: فجر ارتاعت على بالها فيك شي..
وكملت ضحكها
اما فارس الدنيا ماوسعته من الفرح
كان وده يطير وده يصيح وده يبوس راس اميره على هالعزيمه وعلى الصرخه وعلى البشاره..
اميره: الا وش كنت تفكر فيه؟
فارس: فيك..
اميره: هاهاهاهاي..حلوه التصريفه.. بس لاتعيدها..
فارس: اقول بلا خفة دم زايده.. قولي لهم سمو الامير فارس بيمر..
اميره: انشالله ياسمو الامير..
دخلت عليهم وقالت لهم فارس بيدخل..
تغطو..
دخل وسلم وعلى طول طلع فوق ودخل على محمد الي جلس على الكمبيوتر ومشغل
عبد المنعم العامري - مشتاق..
ياعمري لك مشتاق..
خذني الوله صوبك..
يامحير العشاق..
في روعه اسلوبك..
صدري بغيابك ضاق..
ماأطالع دروبك..
ماأحب انا الفراق..
ارجع لمحبوبك..
<< عاد هذي أغنيتي المفضله..
دخل فارس من سمع هالأغنيه
ويرفع يده
ويتنكس.. جلس يرقص
شافه محمد وجلس يضحك
ويقوم ويصفق له يشجعه على الرقص..
وجلس يرقص الين خلصت الأغنيه..
جلسو يضحكون..
محمد: الحين انا فرحان علشاني شفت حبيبة قلبي.. بس انت ليش فرحان؟!
فارس متوجه للباب وطاير من الفرحه: مالك شغل..
محمد: وين وين؟
فارس في عالم ثاني: بروح داري اخلص وش تبي؟
محمد مبتسم: الحين انت داخل على علشان تتنكس بس..
فارس طق جبهته: اووف..نسيت اني داخل ابيك في موضوع ..
محمد: لاااا..شكلك رايح فيها..
فارس رمى نفسه على سرير محمد..
محمد: تدري توني اعرف انك تعرف ترقص..
فارس: حتى رقصك حلو..
محمد: اكيد انا معروف بشي هذا..
فارس راح لعالم ثاني..
محمد: فارس..
مارد عليه
محمد: هاه..فارس..
مارد
محمد وهو يهز كتف فارس: فروس..
التفت عليه فارس: وش تبي يامحمد..خلني في عالمي الثاني..
محمد: هاه.. الحين داخل علي علشان تروح لعالمك الثاني اجل روح غرفتك..
فارس: محمد..انا قررت اتزوج
محمد: من تتزوج؟!
فارس: الي جالسه تحت..
محمد طير عيونه: رشا؟!!!!!!!
فارس طير عيونه.. ثم جلس يدور شي يرميه عليه لقى كرتون المنديل ورماه في وجه محمد..
محمد جلس يضحك: اجل من تتزوج...
فارس: فجر..

~.~.~.

وهم جالسين يسولفون..
جى سامي..
طلعو فجر وسحر..
ورشا واميره طلعو في الحديقه يتمشون..
اميره: هااااانت يارويشه هانت .. كلها ايام واتملك على سامي..آآه يارشا حلمي بيصير حقيقه...
تفاجأو بصوت وراهم..

___: لا يا اميره.. حمد هو نصيبك انشالله..
لفو عليه... اميره انصدمت...
محمد: اميره.. انتي مدلعه هالدلع مراح تلاقينه مع سامي... احسن لك ياأميره خذي واحد من مستوى ابوي...
اميره انفجرت تصيح: ماابي حمد ماابيه...انا ابي سامي...
محمد: انتي تقولين هالكلام لأنك توك ماجربتي العيشه مع سامي..العيشه مع سامي مو العيشـــ...
قاطعته رشا: ليه وش شايف خالي...ساكن في عشه؟!
محمد: لا حشا..بس اميره متعوده على الطلبات..
اميره: لا..مراح اتعبه بطلبات..ولو اعيش مع سامي في كهف.. راح اعيش...
محمد: وش هالكلام ياأميره ..انتي تطلعين هالكلام وانتي ماتعرفين معناه..
اميره بصوت عالي: وش شايفني اتكلم لهجه جديده؟!
محمد: لا يا أميره...بس انتي تقولينه كلام سهل..بس إذا جى وقت الجد مراح تعيشين..
رشا: ماتلاحظ يامحمد انك تبالغ شوي!!
محمد: لا..انتي يارشا لأنك عشتي مع خالك..ماتحسين..بس اصبري لين تعيشين معي..بتعرفين قصدي..ومابتلوميني..
رشا: من قال.. صحيح عشت معهم بس عندي فلوس لو ابي احسن قصور الخبر جبتها في رمشة عين بس انا فضلت العيشه مع خالي على القصور الي بتفرقني عن خوالي..
محمد: بس لو بتعيشين في هالقصر بتستغربين كيف كنتي عايشه معهم..
صرخت اميره: بس انا راضيه..راضيه..
محمد: وإذا جيتي تشتكين من هالعيشه؟ علشان كذا لا..
لأن لي فات الفوت ماينفع الصوت...من الاول لا..
وحنا ادرى بمصلحتك..
راحت اميره تركض وهي منفجره..
جلست رشا تناظر محمد من فوق لتحت..
ولحقت اميره..
كانت اميره منفجره على سريرها..
رشا: اميره لاتصيحين...ان ماخليتكم تتزوجون ماأكون انا رشا..
اميره مكمله صياحها..
سمعو صوت باب غرفة محمد
راحت رشا وطقت الباب عليه.. فتح لها الباب..
رشا: محمد ممكن اكلمك في موضوع؟!
محمد: ايه اكيد بس تفضلي...
دخلت رشا وجلست تتلفت في الغرفه الي مرتبه..
محمد: من رتبتيها ذاك اليوم وانا محافط عليها...
ابتسمت رشا ابتسامه اصطناعيه...
عم الهدوء في المكان..بس رشا قطعت الهدوء..
رشا: محمد......
محمد: عييووونه....
رشا: تحبني؟!!!!....
محمد: وهذا سؤال!!!....الا اموت فيك...
رشا: طيب انت تدري اني احبك؟؟!!..
محمد: ايه ادري..ولو ادري انك حاولتي تكرهيني.. مراح اكلمك ابد...
رشا: طيب ترضى ان احد يفرق بيننا ؟!
محمد: طبعا لا...
رشا: حتى لو كان هذا الشي الفلوس؟!
محمد: ______
عم الهدوء في المكان مره ثانيه..
رشا: محمد.. انت ماتبي خالي علشان اميره اتجر منه
محمد: تقريبا
رشا: طيب انا اتجر منك..
محمد: مو على من اتجر .. على ان سامي مايقدر يجيب طلابات اميره..بس انا اجيب طلاباتك وطلابات عيالي

رشا: يعني تقدر تقول ان الي مثل حالة خالي مافيه واحد اخذ وحده من مستواكم وعاش معها حياة سعيده..ابد
محمد: الا فيه بس..
رشا: بس ايش يامحمد..
محمد نزل راسه:______

عم الهدوء مره ثالثه..
رشا: محمد....
محمد رفع راسه وناظرها...
رشا: انت جربت الظلم؟!
محمد: كيف يعني؟!!!
رشا: يعني قد انظلمت؟!!
محمد: كـــثـــيــر... وخصوصا مع غاليه..
رشا: طيب تدري انت ان الي قاعد تسويه لسامي واميره ظلم؟!!
محمد مرتاع: ظــــلـــــم؟!!!؟!!!!؟!!!!؟!!!!؟!!!!
رشا: اجل وش تسمي ثنين يحبون بعض وتجي انت تفرق بينهم بكل بساطه؟!!!!؟!!!!؟!!!!؟!!!!؟!!!!
محمد : بس انا ابي مصلحه الاثنين اميره بتتعب مع سامي وهو بيتعب معها..
رشا: هم راضين انت ماعليك منهم .. هم يبون بعض
محمد : يعني انا ظلمتهم..
رشا: من لما رديت خالي اول مره وانت ظالمهم..
لهدرجه ماكنت حاس انك ظالم؟؟!!!!
محمد منزل راسه:______
لفت رشا: على العموم يامحمد.. ابي اروح للبيت...
طلعت..وهو جالس يقول في نفسه".. معقوله؟!!!! محمد الي دايم يتكلم عن الظلم وقساوته ومرورته ...يظلم؟!!!!ومين؟!!!! اخته؟!!!!....معقوله انا قاسي لهدرجه؟!!!!..وماكنت احس بالي حولي..فعلا انا مغرور ومتكبر...
لما قارنت حبهم بحبنا توني احس انه فعلا ظلم.. انا اناني.. ياليت احد في هالدنيا يعاقبني..يهزءني..يهاوشني..ليه كانو ساكتين عني...ليه؟!!!!"
صحا على صوت جزمة<< وانتم بكرامه..
رشا على الدرج..
قام نزل وركب السياره..
ركبت جنبه...
محمد: كان ودي نسهر سوى اليوم.. بس اظاهر انك مليتي
رشا:_______.
هز محمد راسه وهو يحس
بالندم..
ضغط على البنزين..طول الطريق ساكتين
لا مسجل..ولاسوالف..
هي ملتفته صوب الدريشه... وهو يناظر طريقه...
وكل شوي يلتفت يناظرها..
لما وقف عند الباب..
توها بتفتح باب السياره..
محمد: لهدرجه انا قاسي؟!!!!
التفتت رشا وناظرته..
محمد: لهدرجه انا ظالم؟!!!!
رشا: قلبين متعلقين في بعض ويجي شخص بكل برود ويفرق بينهم...وش تسمي هذا؟! تدري ان خالي يقول إذا ردني محمد مره ثانيه دورو لي طبيب نفسي لاني اكيد بنجن..
محمد خانقته العبرى: رشا..ساعديني.. ابي اتغير...
رشا: محمد...إذا كان هذا القرار من كامل إقتناعك..مانقدر نساعدك...اهم شي تكون مقتنع...
محمد: انا مقتنع وحاب اتغير...
ابتسمت رشا: وهذا اكثر شي فرحني في حياتي..
محمد: على العموم.. إنا ماعطينا سامي كلمه ولا عطينا حمد..
علشان كذا... قولي لسامي يتقدم رسمي...
رشا بأبتسامه اكبر: وهذا اول طريق .. وانشالله تثبت على كذا..وانشالله راح اقول لخالي يخطب رسمي.. فيه اوامر ثانيه..
محمد ابتسم: لا..
نزلت رشا وسكرت الباب..وجلس عند الباب الين دخلت..
ضغط على البنزين وراح....

# # #

مثل ماأتفقو رشا ومحمد قررو انهم يسكنون في بيت صالح...
لما بقى اسبوع على زواج رشا ومحمد...
راحو هدى وساره ومنى وفجر وسحر لبيت صالح وتحديدا قسم رشا ومحمد يرتبونه ويجهزونه...
طلعت فجر وكانت ميري داخله بالقهوه...
وقفت فجر في الصاله .. دخلت عليها اميره ..
جلسو يسولفون ..
ومن سالفه لسالفه دخلو سالفه القصص والروايات ..
فجر: وااو..اموت على القصص والروايات ..
اميره: انا مالي خلق في القرايه... اطلع من الجامعه وامسك قصه ..فاظيه..
فجر: قرايه هذي غير..وقرايه هذي غير...
اميره: يوه ..نفس كلام فارس..
فجر بأرتباك: ليه فارس يقراء قصص؟!!!
اميره: مدمن قصص..تدرين إذا كان يقراء قصه وكلمته مايرد لأنه يقول إذا قريت ادخل جوهم إما يتخيل نفسه البطل او يتخيل انه جالس معهم..
تنهدت فجر وهي مبتسمه: مثلي..

اميره: تبين قصه من عنده؟!!!
فجر: اخاف يهاوشك...
قامت اميره ومسكت يد فجر: لا فارس طيب..تعالي واختاري..
دخلت غرفته...وهي جالسه تدور كتاب يعجبها..
فجر: ياااي.. ذوقه في الكتب جنان ..احترت..
لفت نظرها كتاب..خذته وجلست تفتح في صفحاته.. وطاح منه شي...
نزلت راسها..وشافت نص الحلقه..
دنقت وخذتها..وبسرعه فتحت بوكها وطلعت نص الحلقه الي في بوكها الي عندها..
وطابقتهم..
وطلعت حلقه كامله..
جت اميره..
اميره: شوفي هالكتاب اكيد بيعجبك....
رجعت فجر نص الحلقه..وخذت حقتها..ولفت على اميره..
فجر: وينه؟! اهاه..مره عجبني..
اميره: خذيه....
فجر: بس بشرط... برجعه..
اميره: انتي خذيه وبعدين نتفاهم..
طلعو من الغرفه..
وكانت فجر مبسوطه..
لانها بهالحلقه حست انه يحمل لها مشاعر..

# # #

في يوم زواج رشا على محمد....
كانت اميره متملكه من اسبوع على سامي...

وفجر مخطوبه من فارس من يومين وشافها الشوفه الشرعيه...
كانت رشا جالسه بالفستان الابيض وكأنها ملاك..
وكانو خالاتها جالسين يزغردون.....
وامها شيخه جالسه تقرى عليها..
وخالاتها يبخرونها..
رشا: يمه شيخه مابي انزف..
منى: على كيفك هو؟! كل شي منظم...
رشا: تخيلي وحده منكم داست على طرف فستاني...
وجيت على وجهي..
سحر تضحك: بنقول هذي حركه جديده في الزفات..
جلسو يضحكون...
دخلو عليها هيا واميره وهم يزغردون..
سلمو عليها ..
بس تفاجأو لما دخلت...
غاليه ومنيره ووحده حلوه...
سلمو على رشا الي مطيره عيونها..
غاليه مبتسمه: مبروك يارشا...سوري كاني ضايقتك...بس الحمدلله مع الجلسات مع الدكتور النفسي.. رجعت طبيعيه..
اعرفك امي هذي عارفتها..وهذي يارا مرت ابوي..
رشا: تشرفنا...
يارا: مبروك ياعروسه
رشا: الله يبارك فيك
يارا: شو لايقين لبعض..
رشا: شكرا
لما طلعو..
رشا: وش دراها انا لايقين لبعض.. متى شافت محمد..
سحر: لا يالبقره.. اول مايدخلون الناس انتي الي تستقبلينهم انتي ومحمد بصوركم..
رشا جلست تتذكر شكل غاليه طالعه قمر
وجهها منور عكس اول...
اول تحت عيونها سواد..
ووشعرها طايح على وجهها... الحين شعرها مقصص و مصبوع...
رشا في نفسها".. اخر وحده توقعتها تجي هي غاليه.."

جهزوها للزفه..
طفو الانوار..
وركز النور على رشا...
وطلع بخار وهي واقفه..
واشتغلت الأغنيه..
محمدعبده واصاله-ماني ناسي
محمد:تصدقين اني على كثر السنين..
غنيت بأشواق وحنين..
غنيت بس مدري لمين..
غنيت لعيون الاماكن ..
غنيت بنت النور ولاكن..
انتي احلا انتي اجمل مذهله..
اصاله: لحظه..لحظه..
قبل ماتكمل كلامك..
انت مو ناسي احد؟!
محمد عبده: مين يعني؟؟!!!..
اصاله: انا اقولك..شفت هالدنيا واهلها..
شفت كثر الطيبه فيها..
كلها في قلبها..
انت مو ناسي احد.. الا ناسي الا ناسي..
شهم مامثله احد ......الخ...

كانت تنزل درجه درجه..
وميته خجل..
لما وصلت للكوشه..
وجلست..
وغنت المطربه
سلمان حميد - لحن المفارق
يمكن تمر الظروف وبيتها بيتها..
ماغيرتها السنين وما تغيرت انا...
يوم كشفت عن مفاتنها وضميتها..
قالت لي الحب وشهو قلت بيت الهنا..
وجلسو يرقصون كل البنات الا هدى لأنها حامل وجاسم حالف عليها انها ماترقص..
دخلو محمد وسامي وجاسم وابوها سلمان وعمها صالح..
دخلو على أغنيه..
يامعيرس عين الله تراك..
القمر والنجوم تمشي وراك..
كان سامي يدور بين الحظور اميره بس لأنه متغطيه على جاسم ماشافها بس لما شافت جاسم مشغول مع هدى جالس يوصيها شالت الطرحه وشافها سامي وابتسم ابتسامه كبيره..
اما محمد
لما وصل عندها..
باس راسها.. وجلس جنمبها...
كانت منزله راسها..
ووجهها احمر...
كلمها ... رغم الازعاج والاغاني والرايح والجاي..
ماسمعت غير صوته..
وكانت عيونه تسابقه في الكلام ..
رفعت راسها و وحطت عينها بعينه..
محمد: غيرتيني يارشا.. حولتيني من الانسان المغرور الى انسان يحب للناس مثل مايحب لنفسه.. كنتي تقولين كل شي في محمد احبه الا شي واحد....وهالشي راح يارشا...راح ..

نزلت رشا راسها..
مسك ذقنها ورفعه..
وحط عينه في عينها..
طلعو الرجال ومحمد ماحس فيهم..
وكانو بعض الحريم ناوين يسلمون عليهم بس كان واضح ان هالثنين مو يمهم واضح انهم عايشين جو رومنسي علشان كذا حبو يجلسون شوي بعدين يقومون يسلمون..
قالها لها كلمه..
رغم الازعاج سمعتها بوضوح..
وماسمعت هالازعاج..
سمعتها وصداها رددها..
رغم انه مو اول مره تسمعها..
بس هالمره ..
غيـــــــــــــــر...
قالها من كل قلبه..
قال..
محمد: احبك يارشا..احبــــــك..
نزلت راسها
ووجهها تقلب..
وهي تقول: حتى انا يامحمد..



واخيـــــــــــــــرا...
لاني شهر وانا امسك واحد واحد وكلهم علموني وش كانو يفكرون فيه
وسألت واحد واحد عن الاسماء
فارس قالي فارس لما خلصت من الكتابه قال هونت يابو الشباب ابي بدر
قلت له اقول فارق لأمك اشتغل عند ابوك..
لما خلصت من الكتابه توك تجي..
قال انا لما دريت ان خطيبتي اختارت فجر ابي اكون بدر
قلت اقول يابو الشباب روح الله يسهل دربك..
قال: تكفى يافيصل واجيب لك زجاره يحبها قلبك..
قلت انت جبها ومايصير الا الخير..
وراح الحبيب وجاب لي زجاره لانه عارف اني ماأكتب غير وانا اشرب وكل من دخل علي وانا اكتب جلس يهاوش
المهم اني عطيته اشكل وسميته فارس
وجلس يهاوش وينابح علي بس مارضى الا لما قالت فجر اسم فارس احلا من بدر
جى وباسني على خشمي..
وعانيت مع جاسم لأنه قال لي جاسم وانا كأني سمعته جابر..
وانا اقول انك قايل جابر وهو يقول يعنبو بليسك انت اخبر مني في نفسي
قلت خلاص جاسم جاسم..
ليني قد كتبت في الاجزاء الاولى جابر وارجع وأكتب جاسم فأنتم إذا قريتو جابر في الاجزاء الاولى نسيت امسحها فأعرفو اني اقصد جاسم
وسامي حبيب قال اهم شي ابيك تسمي مليكتي أميره وأنا سمني الي تبيه
قلت تبي سامي ولا سعد
قال الي تبيه بس انقلع عن وجهي
اصلا انا جيته في وقت مو مناسب..لانه جالس يكلم اميره في التلفون..
قالي محمد سمه سامي قلت صار بس انت خلصني وش اسميك انت اهم شي
قال : قلت لك سمني هاني
قلت بلا هاني بلا دناو اختار اسم معقول
قال: روح زين هاني او خالد
قلت خلاص خويك اختار خالد
قال: طيب وش رايك في محمد
قلت: صار
اما البنات محد تعبني غير رشا الي تقول محتاره بين وعد و رشا
بس زوجها قال لا أختاري رشا
بس جالسين ساعات يتمططون
وانا على اعصابي ابي اخلص
اما غاليه قالت ابي رهف
قلت صار
لما وصلت الجزء السابع قالت هونت ابي غاليه
كان ودي العن خامسها
بس قلت ابشري
اما انا عشت معاناة مع العجايز مثل منيره
لما كانت في المستشفى سألتها وش كنتي تفكرين فيه مافهمت لان سمعها ضعف واروح لمحمد واقول له ادخل فهمها
دخل وجلس يشرح لها الين فهمت وقالت لنا
وعانيت في نقطه ثالثه صرت انادي محمد بمحمد وكان يهاوشني لاني حسيت إني في ذاك الوقت نسيت اسمأهم الحقيقيه واناديهم بأسماهم الي في القصه..
وعانيت في نقطه رابعه الي في اسم القصه
سألت فارس قال سمها فارس بأسمي
قلت لا ياشيخ.. ظف وجهك بس
سألت سامي قال سمها الحب عذااااب
قلت فارق بس..
سألت جاسم قال سمها خرجاوي يجرح ويداوي
او انا خرجاوي مو شرقاوي
قلت تسوي دعايه لنفسك
سألت محمد قال لاغرور بعد اليوم
قلت لاوالله انتم ياتماسيح احمدو ربكم انكم موب انتم الي تكتبونها كان قصتنا راحت في خبر كان..
سألت رشا قالت سمها بين ايديا..
قلت وش رايك اسميها الواوا
قال محمد وش رايك نسميها حب بعد كره
قلت الا وش رايك بمحمد ورشا
قال براحتك بس اهم شي لا يكون رشا ومحمد
خله محمد ورشا
قلت الحمدلله والشكر
قال انت وش عليك سو الي اقوله وانت منطم انت وبراطمك
قلت ابشر
وكانها 16 زجاره اشربها في اليوم فهي شويه
بسبب التفكير والهم والعصبيه
وكنت إما اقابل الشخص الي الفقره تتكلم عنه او اكلمه في التلفون علشان ماأنسى شي
ومحمد يقول احيانا انسى وانادي زوجتي برشا
وهي نفس الشي
لان اكثر واحد فزع معي على القصه هو محمد
أشكر كل من ساعدني على اني انشر هالقصه
اشكر الابطال الي ازعجتهم بالاتصالات
اشكر بالتحديد محمد تؤم روحي
اشكر فارس على الزجاير الي كان يجيبها لي
اشكر جاسم على الشي البرتقالي الي ارسله لي
هو فاهم وش اقصد..
اشكر البنات وخصوصا سحر الي كانت تتكلم بجراءه
اشكركم انتم يالقراء انكم فضيتو وقت لقراءه هذي القصه
وسوري كاني شهيت واحد بالزجاره
لأني الحين اشتهيتها وبسرعه ابي انهي كلامي علشان اشرب
بس بقول لأخواني التماسيح ترى الدخان مضر بالصحه
وتراني انا ما ادخن بس اشرب زجاير
على العموم انا الحين اعالج علشان اتركه..
وانتم د عالجو..
وانتم يالبنات لا تتأخرون على اخوانكم او ازوجكم في السياره وإذا لاحظتو كل الي في القصه يتأخرون..
على العموم انا اعرف محمد من زمان بس كان مغرور والحين انسان ثاني..
يعني لحد يقول هذا طبعي وما اقدر اتغير.. لا تقدر وتذكر محمد..

وقبل ما انهي كلامي حاب اقولكم انا واحد من هالابطال

وبنهي كلامي بقولي ان ولله ان هالقصه واقعيه وماكذبت بولا شي لا زياده ولا نقصان
وتذكرو لما محمد شقق ورقة غاليه ليه مارماها في الزباله علشان يوريني الورقه واقراها بنفسي

المهم..
انشالله تكون القصه عجبتكم
ويارب وفق الي ينشرها
وسلامتكم

<<<... النهايه ...>>>

مرورك الاروع زهـــــــور

الله يعافيكي يالغلا

يسلموووووووو ع المرور

والحضور الحلووو