اقتباس:
هل ابتعاث الفتاة ضرورة ملحة ؟ |
على حسب التخصص الي هي تبي تدرسه ،، !!
ووقتها نشوف ضروري او لا ،، !!
اقتباس:
هل جامعاتنا عاجزة عن اشباع ذلك المطلب
الذي تطمح له الفتاة من تحصيل علمي ؟ |
التعليم في العالم العربــي سئ ،،
مقارنة بالدول الغربية ،، !!
فدام اني دارسة دارسة ،، وراح تمر سنين من عمري ،،
اللهم استغلها في الصح ،، والمفيــد ،،
وابني نفسي واسسها على الاساس الصحيح ،، !!
اقتباس:
أليس من الاولى والاجدى للفتاة ان تكون
قريبة من اهلها وامام مرئ ذويها حفاظاً
عليها من بعض المجتمعات المنحلة فكرياً
واخلاقياً ؟ |
هه طيب البنت تكون قريبة من اهلها وفي بلدهــا ،،
قدام عيونهم ووقت الغفلة تسوي الي ما عمرك تتوقع ولا يجي على بال ابليس ؟؟
واخلاقها زفت ،، ويا كثر مغامراتهــا ،،
ولا دراسة ولا يحزنون ،، !!
تدرين الي يبي يسوي شي ما راح يمهم المكان والتوقيت وفين بالضبط ،،
والي عفيفة وطاهرة ،،
والي اصيلة وحرة ،،
والي ايمانها قوي ،، ومتمسكة بجذورها ،،
عمرها ما راح تتغير ،،
وين ما سافرت ،، ووين ما انحطت ،،
وكيف ما كانت شكل وعقلية البشرية الي راح تعاشرها ،، !!
طيــب ،،
ليش يعني كل بنت سافرت برة تكمل دراسة وتلحق حلمها وطموحها ،،
راح نحبطها ونقول انهم منحليين ،، اخلاقيا وفكريا ،، ؟!
البنت ما عندها عقل ،،
والله يا كثر البناات اعرفهم ،،
سافروا ودرسوا وجدو واجتهدوا ،،
في ابعد الدول ،،
واثبتو نفسهم وحافظوا على حجابهم وعفتهم ،،
كفتاة مسلمة اولا وعربية ثانيا ^،^
اقتباس:
هل ابتعاث الفتاة هو تحقيق لطموح داخلي
لدى الفتاة نفسها ام هو بذخ وحب تظاهر واشباع غرور امام الغير
( شوفوني انا درست برا ) |
على حسب ،،
فبعض الاهــل ،، دايركتلي تتخرج البنت من الثانوية حاجزين لها على جامعه عشان تكمل دراستها بررة ،،
بدون كلمة او نقاش ،،
ليش لان هذي صورتهم ،، لازم يكون عندهم بنات ياخذون مسمى انهم درسوا بررة ،،
حتى لو ما فلحوا بشي ،،
المهم انها درست برة ،، !!
وفي الي طموحها وهمتها وحلمها ،،
يجبرونها انها تسافر بررة وتتغرب ،،
عشان توصل للي تبيه ،،
وتسوي كل شي عشان تتقرب من حلمها ،، !!
وهذا شي حلوو ^،^
وفي الي تاخذها سيااحه ،،
انا مساافرة برة ،،
يا عالم ودي ادرس بررة ،،
وتسافر وتفلها على كيف كيفك ،،
ولمن ترجع ،،
تحط لنفسها كذا عذر وخلاص ،،
لان من البداية ما كان في بالها شي ،،
او اي اساس للدراسة ،، !!
اقتباس:
هل مفهوم ابتعاث الفتاة اصبح يعطي صورة
لدى الغرب على مدى التقدم الثقافي
والانفتاح لدينا ؟ |
سافرتي او لا ،،
ما راح يقدم شي او يأخره ،،
اما اذا ودك تبرهنين على مدى ثقافة العرب ،،
لازم ينتجوون ،،
لازم يكون هنــــاك انتااج وطني ،، انتاج محلي ،،
من ابداع ،، وصنع ،، وذكاء وعبقرية ،، الشخصية المسلمة العربية ،،
ويصدره ،، ويعلنه للغرب ،،
اما اسافر وارجع ،،
وش عليهم ،، سافرتي او لا ،،
بالنهاية ايش استفدتي انتي ،،
وايش ادخرتي في عقلك من العلم ،، !!
والي اكتسبتيه منهم ،، !!
هل هو شي راح يفيدك ،،
ويخليك تغيرين اشياء في بلدك بعد عودتك ،، ؟
هل هو شي راح يخليك ،،
تحدثين نقة تغيير في مجتمعك ،، ؟
الله اعلم ،،
لان هالشي متعلق في المتعلمة والباحثة عن طلب العلم بالخارج ،، !!
اقتباس:
هل علينا المناداة بزيادة المقاعد المحدودة
للفتيات خصوصا اذا ما رأينا الاعداد الكبيرة
من المتقدمات ؟
والمساواة بعددها لدى الشباب؟ |
لوجينا للحق ،،
الشباب مدلعينهم اكثر من البنات ،،
ومهتمين فينهم ،، اكثر ،،
والبنت كل ما يقدرون يحاولون يحطون الاحجار قدام طريقها عشان تتراجع ،،
واذا جينا نشوف نسبة النجاح ،،
والتفوق والتقدم ،، بين الشباب والبنات ،،
بنلاقي كفة الميزان راح ترجح في صالح الفتيات ،،
بنت هالجيــل لها عقلية ثانية ،،
تبي تثبت ذاتها ،،
وتخلق لها كياان خا فيها هي وبمجهودها هي ،،
ما تبي تكون رحمة احد ،،
تبي تكون قادرة على ان تعيش وتثبت للكل ،، انها وصلت للي كانت تبيه ،، !!
اما الشاب ،، طبعا مو كلهم بس الاغلبية ،،
بروود اعصاب ،، ولاهم هني ،،
الدارسة في عالم وهم بعالم ثااني ،، !!
وش ذنب البنت هني اذا كانت هي عندها طمووح ،،
والشاب لا ؟
وش ذنبها لمن تقدم على طلبها الي تبي تدرسه ،،
وتلاقي العدد محدود ،،
او هو مجال مخصص للشباب فقط ،، !!
اكيد بتترك كل شي وبتضطر تسافر برة ،،
هناك حقها مضمون ،،
وبتدرس كل شي ،،
وفي مساواة بينها وبين اي مخلوق ،، !!
اقتباس:
انا هنا لا اتحامل ضد الفتاة بالعكس انا |
^،^ ولا انــا ،،
ولكن اكت ما اراه بعيني ،، !!
وما خفي كان اعظم ،، !!
يعطيك الف عافية برنس ،،
دمتي بخير